A comunhão
A comunhão cristã é dom e mandamento. Juntos somos mais fortes. A Bíblia celebra a unidade dos crentes em Cristo como antecipação do céu na terra.
Te, ene na moglmara suna motngo, na ye meglmara suna moglka i, ye swara kaima moraiglkwa pre erubuglka. Ye swara kaima meglbi, makandigle yoba kandre, ene na dedinedi pre medraiglkwa. Te, ene den mudun nare, na dedingo wimere i, makadigle yoba ama ene den mudun na duglo beglkwa yoba teniwe di praiglmedi priwe dugwa.
Ana erme na ene lo kor ta duglo boraiglmedi teiga. Lo kor i, yegl paugwa, Ene deno muduno ikne ikne teo. Na dena muduna ene teimere kuno yegl mere, ene deno muduno ikne ikne teo. Ene yegl eribi, yoba mudu ene kandre, ene na duglo beglkwa yoba meglmedi kanaiglmiwe di, Jisas yegl dugwa.
Te, yoba Jisas pre mediglkwa i, deno muduno swara yedre, mudu akie makai si meglkwa. Yegl ersre, ye ama ye yene ake ple di ikne ikne ede, taragl ere neigwa i, te ikne ikne ede, erikwa. Yegl ersre, te ye meglmara suna i, yoba tau kaya mokna mo taragl ta ye meglmara yeikrukwa igne i yoba tau ye ere mogl, makano ya bonaganano ki mige boglsre, mige i pi yoba i ta idre, ere nenaiglkwa pamere yegl teigwa. Yegl ersre, ye ege ege tawa teigwa yugu yomara i makai sidre, te yoba kipai meglmara i ama makai si mogl, Jisas goglkwa poglo di pramnedi bret buko di neigwa. Yegl ersre, kaya mokna ki ama swara mogl nedre, gun yei, deno muduno swara yedre, erikwa. Ye yegl ersre, ye ege ege God kagie kade te meglko, Juda yoba mudu ye wakai kanigwa. Te, yoba kor ege ege Jisas pre mediglko, Yagl Kade ye ere idre, ye Jisas yugobunomo meglmara i, i suna edugo, meglkwa.
Didre, ye pre kan erumga i, nono akie si dakagl moramga pre ene di tomga. Nono kaima Neno Kade God ya ye Wam Jisas Krais bogl akie si dakagl munga pre yegl dumga.
Jisas ye nono pre goglmara i mina deno muduno ikne ikne tenamga mabuno i nogugl edugo, kanumga. Te, nono agroma abaroma ake ple di tenamnedi goramga ta panan, ama pra we dinamga paugwa.
Ana nono mudu Yaglno Kade bogl aimadi kamin kor moramga ka i, ene poglo di prisre, ikne ikne deno muduno si gigledi tedre, agroma abaroma yakenaiglmedi erio. Na prika, ene erme mabuno i ere meglmedi prika ba ene ege ege ere pai moglsre, mabuno i mina yake pai moraiglkwa pre diga.
Na prika i, na pre mediglka i, kandre, yobuglo ibi, te ene pre mediglkwa i na ama kandre, yobuglo ibo, ikne ikne deno muduno si gigle dinamnedi prika.
Ana pre mediglkwa yoba tau ye yene akie makai sinaiglkwa i, kide kodigwa ba nono mabuno yegl ta erekramga paugwa. Nono akie makai sinamga paugwa. Te, Yaglno Kade ede ikne unabuka magigl erukwa pre nono kogon podo ersre, deno muduno ikne ikne si gigle di tenamga.
Ene agitn ta yubun inan, ye yubunmo ake ple di teo. Ene yegl eribi, Krais lomo duglo beglkwa mere yegl panabuka.
Yegl pre konbauna ta yenabuka igne, yoba mudu ere wakai ere tenamga paugwa ba nono ka swara pre medigl, yugobuno swara munga i, ye ka kaima ere wakai ere tenamga paugwa.