A comunhão
A comunhão cristã é dom e mandamento. Juntos somos mais fortes. A Bíblia celebra a unidade dos crentes em Cristo como antecipação do céu na terra.
ନାନ୍ ୱାରିମାନୁ, ମାରି ନିନ୍ ନା ମାନୁ, ଏଣ୍ତେସ୍ ୱାର୍ ପୁରାଦାନ୍ ଉନ୍ଡ୍ରେମାନୁ ଆଦେଙ୍ଗ୍ ଆଟ୍ନାର୍, ଆରିଙ୍ଗ୍ ଇୟା ଜଗତ୍ ନେସ୍ନାତ୍ ଜେ, ନିନ୍ ନାଙ୍ଗିଁ ପୋକ୍ତାତିମାନି, ମାରି ନାଙ୍ଗିଁ ଏଣ୍ତେସ୍ୱାଜା ଜିବନ୍ନୋତିମାନି, ୱାରିଙ୍ଗ୍ ବା ଆୟାୱାଜା ଜିବନ୍ନୋତି ।
ମିର୍ ନିଜେନିଜେଦିଙ୍ଗ୍ ଜିବନ୍ନୋଜିସାଦୁ, ଇୟା ପୁନି ମାଟା ନାନ୍ ମିଙ୍ଗିଁ ସିଜିନା; ନାନ୍ ଏଣ୍ତେସ୍ ମିଙ୍ଗିଁ ଜିବନ୍ନୋତାମାନା, ମିର୍ ବା ଆୟାୱାଜା ନିଜେନିଜେଦିଙ୍ଗ୍ ଜିବନ୍ନୋନିକା ମାନାତ୍ । ଜଦି ମିର୍ ନିଜେନିଜେଦିଙ୍ଗ୍ ଉଣ୍ତିଙ୍ଗ୍ ଜିବନ୍ନୋନିଦେର୍, ଆରିଙ୍ଗ୍ ମିର୍ ଜେ ନା ସିସୁର୍, ଇକା ୱିଜେରେ ନେସ୍ନାର୍ ।
ବିସ୍ବାସ୍ସିର୍ ଆପ୍ଣା ଆପ୍ଣାଦି ୱାଲେ ଉନ୍ଡ୍ରେମାନୁ ମିସାତାର୍ ମାରି ମିସାଜି ୱାରି ୱିଜୁ ଦନ୍ ସିଜିସାଜି ଆତାର୍ । ୱାର୍ ଆପ୍ଣା ଆପ୍ଣାଦି ମାନି ଦନ୍ତିଙ୍ଗ୍ ପର୍ଜି, ଡାବୁଙ୍ଗୁଁ ୱିଜେରି ଦର୍କାର୍ ଇସାବ୍ତାନ୍ ନିଜେନିଜେ ଲୋଇ ବାଟା କିତାର୍ । ୱାର୍ ୱିଜୁଦିନ୍ ପାର୍ତନାକିନି ମନ୍ଦିର୍ତୁ ଉନ୍ଡ୍ରେ ଦଲ୍ ୱାଜା ଉଣ୍ତାଜି ମାର୍ହାର୍ ମାରି ଇଲ୍କାଙ୍ଗ୍ ଇଲ୍କାଙ୍ଗ୍ ରୁଟି ରୁକ୍ସି ୱେଡ଼ିକା ମନ୍ତାନ୍ ମାରି ନେଗି ଜିବନ୍ତାନ୍ ଉଣିତିନିକା କିଜି, ମାପୁରୁଦି ଦନ୍ୟବାଦ୍ କିଜି ୱିଜେରେ ଲୋକା ୱାଲେ ନେଗି ୱେଡ଼ିକା କିତାର୍ । ମାରି ପ୍ରବୁ ରକିୟା ପୟ୍ନି ଲୋକାଙ୍ଗ୍ ୱିଜୁଦିନ୍ ୱାରି ଦଲ୍ତୁ ମିସା କିଦେଙ୍ଗ୍ ଆସ୍ତାନ୍ ।
ଆମାକା ମାପୁ ସୁଡ଼ୁତାମାନାପ୍ ମାରି ୱେରିମାନିକା, କେବଲ୍ ଆୟା ମାଟା ମି ଲାକ୍ତୁ ୱେର୍ସିଇଜିନାପ୍, ଇକା ୱେନ୍ଜି ବୁବା ମାପୁରୁ ମାରି ୱାନି ମାରିସି ଜିସୁ କ୍ରିସ୍ତଦି ୱାଲେ ମା ଆମା ସହବାଗିତା ମାନାତ୍, ଆବେନୁ ମିରୁ ମିସାନିଦେର୍,
ଜିସୁ କ୍ରିସ୍ତ ମା ଉଣ୍ତିଙ୍ଗ୍ ନିଜେଦି ଜିବନ୍ ସିତି ମାଣୁକୁ ମାଡୁ ଜିବନ୍ନୋନି ସିକ୍ୟା ପୟ୍ତାମାନାପ୍; ମାରି ତଡ଼ାନ୍କା ଉଣ୍ତିଙ୍ଗ୍ ମା ଜିବନ୍ ବା ସିନିକା ମାନାତ୍ ।
ଆର୍ତିଙ୍ଗ୍ ଇଲେଇ ଏଣ୍ତେସ୍ କିଜିନିଦେର୍, ଟିକ୍ ଆୟାୱାଜା ନିଜେଦିଙ୍ଗ୍ ନି ଆଇୱାରିଙ୍ଗ୍ ୱେଡ଼ିକା ନି ସାହାଜ୍ୟ କିଜିମାନ୍ଡ୍ରୁ ।
ଇୟାବାଣାନ୍ ମାପ୍ ନିଜେନିଜେଦିମାନୁ ବିସ୍ବାସ୍ତିଙ୍ଗ୍ ଆଟ୍ୱା କିଦେଙ୍ଗ୍ ଆଟ୍ନିକା ।
ମାରି ଏନ୍ ଏନ୍ ଏଣ୍ତେସ୍ ପାର୍ତନାଦୁ ସୋନ୍ଡ୍ରେଙ୍ଗ୍ ଏଲା କିନାର୍, ମାଡୁ ଆୟାୱାଜା କିଏଟ୍ । ମାରି ପ୍ରବୁଦି ଦିନ୍ ଲାକୁତୁ ଆଜି ୱାଜିନାତ୍ ନେସ୍ସି ନିଜେନିଜେଦିଙ୍ଗ୍ ନାଣ୍ତ ୱେଡ଼ିକା କିନିକା ମାନାତ୍ ।
ଆମାଜାକୁ ଇନ୍ମୁଦିଙ୍ଗ୍ ଇନ୍ମୁନେ ଦାରା କିନାତ୍, ଆୟାୱାଜା ଲୋକ୍ ନିଜେଦି ସଙ୍ଗ୍ତି ମକମ୍ ଜାୟ୍ କିନାନ୍ ।
ନିଜେନିଜେଦି ବଜୁ ପିଣ୍ତ୍ଦେଙ୍ଗ୍ ଇଜି ସାହାଜ୍ୟ କିଦୁ । ଇକା କିନି ମାଣାନ୍ ମିର୍ କ୍ରିସ୍ତଦି ମାଟା ମାନାନିଦେର୍ ।
ଆଦେଙ୍ଗ୍ ଏସ ଦେବେଙ୍ଗ୍ ସାରି ପୁଟ୍ନାତ୍, ୱିଜୁଦିନ୍ ୱିଜେରି, ବିସେସ୍କିଜି ଏମେକାର୍ ମା ବିସ୍ବାସି ପରିବାର୍ତୁ, ୱାରି ନେଗିକା କିନିକା ମା ପାଣି ।
ଅରେନ୍ ମାଡ଼ାନ୍ ରିଏର୍ ନେଗିକାର୍, ଇରିଙ୍ଗ୍ ୱାର୍ ନିଜେ ନିଜେଦି ପାଣିଦାନ୍ ନେଗି ପଲ୍ ପୋଇନାର୍ । ଜଦି ୱାର୍ ମେଡ଼୍ତିଙ୍ଗ୍, ଅରେନ୍ ନିଜେ ତୋଡ଼ୁଦିଙ୍ଗ୍ ନିକ୍ନାନ୍; ମାତର୍ ଏନ୍ ମେଡ଼୍ନି ୱାଲେ ଅରେନ୍ନେ ତେବାନାନ୍ ମାରି ୱାନିଙ୍ଗ୍ ନିକ୍ନି ଉଣ୍ତିଙ୍ଗ୍ ଆଇକାନ୍ ଏନ୍ ସିଲେନ୍, ୱାନ୍ ଦୁଃକ୍ ପଇନି ଲୋକ୍ । ମାରିବା, ରିଏର୍ ଅର୍ସେ ଡରିତିଙ୍ଗ୍ ଉସୁମ୍ ଆନାର୍; ମାତର୍ ଅରେନ୍ନେ ଏଣ୍ତେସ୍ ଉସୁମ୍ ଆଦେଙ୍ଗ୍ ଆଟ୍ନାନ୍ ? ଏନ୍ ଅରେନ୍ନେ ମାନି ଲୋକ୍ତିଙ୍ଗ୍ ଆରା କିନାନ୍, ଆର୍ତିଙ୍ଗ୍ ରିଏର୍ ୱାନି ବିରୁଦ୍ କିନାର୍; ମାରି ତିନିଗୁଣ୍ ନାସୁ ବେଗି ତେଉଦେଙ୍ଗ୍ ଆଟ୍ଏତ୍ ।
Este artigo te tocou? Faça uma oração!
+581 estão orando agora.
Junte-se à corrente de oração.