A comunhão
A comunhão cristã é dom e mandamento. Juntos somos mais fortes. A Bíblia celebra a unidade dos crentes em Cristo como antecipação do céu na terra.
मी ता माय एने तु मार माय, काय ता माहु माय पुरी रिती से एक एय जाय, एने दुनिया जाणे काय माहु तुस मुकलेल हे, एने जिहकेरीन तु माहु मोंग किरेल हे तिहेच केरीन ताह बी मोंग किर।
एने मी तुमूह एक नोवालो उकुम आपथु, ‘तुमू एका दिहरा पोर मोंग किरो। जिहकेरीन मी तुमरी हिऱ्यो मोंग किरेल हे, तिहेच केरीन तुमू बी एका दिहरा हेऱ्या मोंग किरो।’ केदी तुमू एका दिहरा हेऱ्या मोंग किरहो, ते आखा माणहे जाण जाती काय तुमू मारा चेला हेते।"
एने आखा बुरहो केरनारे एकठा रेताला, एने तान आखी चिज पोर एक हारको आदिकार ईतो। ता तान तान मालदेन एने सोमान वेच वेचीन जाह जान गिरेज रेताली वाट देया केरताला। ता दाड़ीन एक मोन एन मोंदिर माय टोलवाताला, एने गेरा गेरा रूटो खाताला, एने खुसी माय एने हाजा मोना केरीन खाणो खाया केरताला, एने बोगवानान बोड़ाय केरताला, एने आखा माणहे ता पोर जुलूम खुस एता एने जा सुटकारो सापड़ावताला, ताह मालीक दाड़ीन ता माय मीलाव देतालो।
एने जो काय आमु देख्या एने होमलेल हेते, तान पुकार पाड़तेह काय तुमू बी आमरा हाती बोणी, एने आपणी मेल ते आबाख हेऱ्यी एने तान बेटाख यीशु मसी हेऱ्यो हे।
आपु मोंग ज्याकेरीन जाणेल काय मसी आपणे केरता सोतान जीव आप दियेल; एने आपुह बी बायाख ने केरता जीव आपणे जुवे।
तान केरता एका दिहराह तुमू दिलासो आपु एने एका दिहरान वोड़तीन कारीन बुणो, एने जिहकेरीन तुमू केरतेह बी।
मतलब ज्य काय जेवी मी तुमरी विचीम रेह, ताहार आपु ता बोरहान द्वारा जो मार माय एने तुमरे माय हे, एका दिहराह प्रोत्साहन किरो।
एने एका दिहरा हेऱ्या एकठा एणेन नाय सोड़ी, जिहकेरीन काय कोलाक ने रिती हे, पुण एका दिहराह उत्साहित केरती रिवो; एने जीहे जीहे ता दिह्याह आहने आवतालो दिखहो तिहे तिहे उंजु बी ज्यो केऱ्या किरो।
तुमू एका दिहराह मोदेक किरो, एने इहकेरीन मसीन नेमाह पुरा किरो।
तानकेरता जाह वोर टेम जुड़ी आपु आखा हेऱ्या हाजो केरी, खास केरीन विश्वासी परीवार वाला बाय बोणहा हेऱ्या।
एक माणहाह रेन दुय माणहे हाजा रेतेह, काहाकाय जा कामाम ता मेहनेत केरतेह, ता कामाम ताह हाजो फायदो जुड़ेह। काहाकाय केदी ताम रेन एक पोड़ जाय, ताहार दिहरो तान हातीह उठाड़ी; पुण तान केरता दुखान वात ज्यी हे जेवी तो एखालो पोड़ी, ताह उठाड़नार कुण दिहरो निह एय। केदी दुय जाणे एकठास हुवतेह, ताहार ता ताताला रेती, पुण एखालो हुवणार माणुह किहीक तातो एय सिकेह? केदी एगदो एखालाह आरीव बी सिकेह, पुण दुय तान सामनो केर सेकतेह। जी दोयड़ी तीन हुता केरीन बुणेल हे, ती उतवाली टुट नाह सिकेत।