23 mina ngibe kubo lawe ukimi. Sengathi bangaba lokumanyana okupheleleyo ukutshengisa umhlaba ukuthi ungithumile njalo ubathandile njengalokhu ungithandile lami.

34 Ngilinika umlayo omutsha: Thandanani. Kumele lithandane njengoba lami ngilithandile. 35 Bonke abantu bazakwazi ukuthi lingabafundi bami nxa lithandana."

44 Wonke amakholwa ayendawonye, ehlanganyela kukho konke. 45 Athengisa izinto zawo lempahla zawo anika loba ngubani oswelayo. 46 Insuku zonke aqhubeka ehlangana emagumeni ethempeli njalo ehlephuna isinkwa emakhaya awo esidla ndawonye ngezinhliziyo ezimhlophe lezithobekileyo, 47 edumisa uNkulunkulu njalo ethakazelelwa ngabantu bonke. Njalo iNkosi yengeza inani lawo insuku zonke ngalabo abasebesindisiwe.

3 Sitshumayela kini esikubonileyo lesikuzwileyo ukuze lani libe lokuhlanganyela lathi. Ukuhlanganyela kwethu kuloBaba kanye leNdodana yakhe, uJesu Khristu.

16 Nanku esazi ngakho ukuthi uthando luyini: UJesu Khristu wadela ukuphila kwakhe ngenxa yethu. Lathi kufanele sidele ukuphila kwethu ngenxa yabazalwane bethu.

11 Ngakho-ke, qinisanani njalo lakhane njengoba likwenza.

12 okuyikuthi ngokufananayo lina lami siqiniswe lukholo lomunye wethu.

25 Kasingakudeli ukuhlangana, njengalokhu abanye abajayele ukukwenza kodwa kasikhuthazaneni ikakhulu njengoba sibona uSuku lusondela.

17 Njengensimbi ilola insimbi,

kanjalo indoda ikhaliphisa enye.

2 Thwalani imithwalo yomunye lomunye, ngalokho lizagcwalisa umthetho kaKhristu.

10 Ngakho-ke, njengokuba silethuba kasenzeni okulungileyo ebantwini bonke ikakhulu kulabo abangabemuli yabakholwayo.

9 Ababili bangcono kuloyedwa,

ngoba balomvuzo obonakalayo ngomsebenzi wabo.

10 Omunye angawa,

umngane wakhe uyamncedisa amvuse.

Kodwa maye lowomuntu owayo

kungelamuntu ongamsiza amvuse!

11 Njalo nxa ababili belala ndawonye bazakhudumezana.

Kanti umuntu angakhudumala kanjani eyedwa na?

12 Loba umuntu engehlulwa nxa eyedwa,

ababili bangazivikela.

Intambo elemicu emithathu kayiqamuki lula.