Confiabilidade
A confiabilidade de Deus é absoluta. Ele é fiel em todas as suas promessas, constante em seu amor e seguro em seu caráter. Podemos confiar nele completamente.
Deus é fiel
O Senhor é fiel em todas as suas palavras e bondoso em todos os seus atos. Grande é a sua fidelidade!
Ra Anumzamo’ma avesiranteno knare’ma hunerantea avesi’zamo’a, tamagerfa huno vagaore mevava nehie. Na’ankure agri asunkuzamo’a vagaore meno nevie. Maka nanterana Anumzamoka kagri kasunku zamo’a egasefa huvava nehiankino, hugahuema hunka hu’nana zama nehana kavukvazamo’a tusi zankerfa me’ne.
Tamage zamagu zamagesa regati’ma Ra Anumzamofonku’ma kezamatiza vahetera, Agra erava’o nehie.
Ra Anumzamokama nazano nagri nomani’zampima fore hugahiema hunkama huvempama hu’nana zantamina, eri fore hugahane. Na’ankure Ra Anumzamoka vagaore kavesi zamo’a mevava huno nevie. Kagra kazampinti nagrira nazeri fore hu’nananki kamefira huonamio.
Hianagi Ra Anumzamofonku koro’ma nehu’za Agri agoragama nemaniza vahera, knane knanena Anumzamofona vagaore avesi zamo’a zamagrane mevava nehie. Ana nehanigeno zamagripinti’ma fore’ma hanaza vahe’mokizmi mofavre nagate’enena fatgo avu’ava huzmanteno nevie. Anumzamofo kasegene tra ke’nema kegava huso’ema hu’nezama amage’ma nentaza vahera, e’inahu avu’ava’za hunezmante.
Hianagi Ra Anumzamo’a Agriku’ma koro’ma hu’za agoraga’ama nemani’za, vagaore avesizama’mofonte’ma amuha’ma nehaza vahete avua anteno nege.
Na’ankure Ra Anumzamo’a fatgoma huno refkoma hu’zanku ave’nesiankino, fatgo avu’ava’ma nehia vahera amefira huomigahie. Agra knare huno kegava huzmantenige’za knare hu’za manivava hugahaze. Hianagi kefo avu’ava’ma nehia vahe’mofo mofavreramina zamahefri hana hugahie.
Hianagi Ramo’a hugahuema haniaza hu’nekino, havi avu’avazama nehia ne’mo’ma tamazeri haviza huzankura kegava huramantegahie.
Antahiho! reramataga zama ne-eana tamagritekera nomeanki, hakare’a vahete neankna huno ne-e. Anumzamo’a Agra knare hu’neankino atresigeno, ana reramata zamo’a hanavetino tamazeri otregahie. Reramatgaza ne-enkeno’a tamatresigeta evuoramigahazanki, kana tamaverina oti hanavetita manigahaze.
E’ina hu’negu tamagra antahini hiho, Ra Anumzana tamagri Anumzamo’a Agrake Anumzana mani’neankino, kema hu’nea kere oti Anumzankino huhagerafi huvempa ke’a nevaririno Agri’ma avesinte’za kasege’ama avaririza vahera vagaore avesi’zanu zamavesi nezmanteno, zamagripinti’ma fore hu anante anante’ma hu’zama tauseni’a zupama vanaza vahe’enena avesi zamantegahie.
Hagi korora huge, kahirahikura osuo. Na’ankure Ra Anumzamo’a ogatregosianki, kagri’ene mani’neno vugota huganteno vugahie.
Caráter de Deus
Toda boa dádiva vem do alto. O Senhor é bom e sua misericórdia dura para sempre. Nele podemos descansar.
Mika knare huno fatgo hu’nea, musezana anagamuti eneramie, monafinkati masazamofo Nefantegati ne-ea, avu’avazama’amo zahe osuno turunamo hiankna huno zaza huteno, atupa huteno osugahie.
Ra Anumzamofo musena huntesune, na’ankure Agra knare ne' mani’neankino, maka zupa avesirante vava nehie.
Ra Anumzamoka kagra knare’zantfa hu’nanankinka kumizmia atrezmante’naku retro hu’nane. Zamazama hananegu’ma kagri’ma kantahigaza miko vahe’mokizmia vagaore kavesizanu ante avite’nezmantane.
Tinku’ma avesiaza huno maka zanku’ma ave’nesia vaheran eri knare hunente. Ne’zanku’ma hiaza huno maka zanku’ma aga’ma netea vahera, knare zantaminu agu’afina antevinete.
Hianagi nagra hihamukagura zagamera hugahue. Maka nanterana vagaore kavesizankura zagamera hu’na kagia ahentesga hugahue. Na’ankure Kagra knazampima mani’nogenka, nagrira fraki kuma’ene naguvazi kuma’ene mani’nane.
Knazanka’a Ra Anumzamofo azampi antegeno, Agra knazanka’a e’nerino kazeri hanavetino. Agra fatgo zamavu’zmava’ma nehaza vahera zamatrenige’za regarari’za trakara osugahaze.
Agra katre’nigenka regrarinka omasegosane. Na’ankure kagri’ma kegavama hunegantemo’a avura nomasea ne' mani’ne.
Integridade e confiança
Eu sou o Alfa e o Ômega — Deus é o mesmo ontem, hoje e sempre. Fiel em o que realizou e realizará por cada filho.
Nagrani’a ese agafahu manina (Alfa), vagare mani’noe (Omega). Korapa mani’nena, menina mani’noankina, henka egahue huno hanavenentake Ra Anumzamo’a hu’ne.
Hianagi Ra Anumzamoka kagrake kinia mani’nenka, henkama fore hu anante nante’ma hu’za vanaza vahetera manivava hunka vugahane.
Anumzamofoma humusema hunte zagamere
Ra Anumzana kagra nagri Anumzanki’na, nagra kagika’a ahentesga nehu’na, musenkase hu’na susu hugantegahue. Na’ankure kagra korapa retro huntenka huvempa hu’nana kante amage antenka, so’e kavukvara hunka hentofa zana tro hunerantane.
Ra zama me’neana huvempama hunte’nesia kere, amage’ma anteno mani’zane. Hagi amunte omane vahe’ma mani’zamo’a, havige vahera agatere’ne.
Iza’o vahe amefi kema huno vanoma hanimo’a, oku’a fraki’nesia zana huama hugahie. Hianagi tamage kema hu vahe’mo’a, nefu’ma hu’ne’nia zana huama huontegosie.
Maka zampima tamage huno fatgo avu’ava’ma hanimofona, ana avu’avazamo kegava huntegahie. Hianagi hazenke vahe’mofo akrehe akrehe’zamo’a, zamagrira zamahe fanane hugahie.
kva’amo’a kenona hunteno, knare’zantfa hane, kagra knare hunka fatgo eri’za nere. Osi’a zantera knare hunka kegava hanku, Kagra kavare antesnugenka rama’a zante kegava krigahane. Hagi enka Nagrane muse eme huo hu’ne.
Korapara Nagri nagifina mago’zankura antahi onke’naze. Hianagi tamagra antahigetma erigahaze, e’ina hanageno muse zantmimo’a avitegahie.