Confiabilidade
A confiabilidade de Deus é absoluta. Ele é fiel em todas as suas promessas, constante em seu amor e seguro em seu caráter. Podemos confiar nele completamente.
Deus é fiel
O Senhor é fiel em todas as suas palavras e bondoso em todos os seus atos. Grande é a sua fidelidade!
Mi mi tingbaot fasin blong Hae God,
we oltaem,
hem i gat sore long man,
mo i lavem man tumas.
Tufala fasin ya blong hem
bambae i no save finis samtaem,
tufala i niuwan oltaem nomo,
olsem we evri moning,
niufala dei i kamtru.
Hae God i stap sem mak nomo olwe,
hem i no save jenis.
Oltaem hem i stap klosap long olgeta
we oli stap krae i go long hem,
we hemia olgeta ya we oli wantem tru
blong hem i givhan long olgeta.
Hae God.
Oltaem bambae yu yu lavem man
gogo i no save finis.
Bambae yu yu mekem evri samting
we yu bin promes blong mekem long mi.
Yu yu statem wok ya finis,
plis yu gohed long hem
gogo i finis.
Be ol man we oli stap ona long Hae God,
oltaem bambae hem i stap lavem olgeta,
gogo i no save finis.
Mo sipos olgeta we oli stap kamaot biaen long olgeta
oli stap holem promes* ya
we hem i mekem wetem ol olfala blong olgeta,
mo oli stap obei long ol loa blong hem,
gudfala fasin blong hem
bambae i stap oltaem long olgeta,
gogo i no save finis.
Hae God i stap lukaot gud long olgeta
we oli ona long hem,
mo we oli trastem fasin ya blong hem
we oltaem hem i lavem man tumas.
from we Hae God i laekem
ol fasin we i stret,
mo i no save lego ol stret man ya
we tingting blong olgeta
i stap strong long hem.
Hem bambae i stap lukaot gud long olgeta
gogo i no save finis,
be olgeta we bambae oli stap kamaot
biaen long ol man nogud,
bambae hem i ronemaot olgeta.
Be yumi save trastem Masta blong yumi, from we hem i stap mekem i stret, mo hem bambae i mekem yufala i strong, mo bambae i blokem Setan* blong i no kam spolem yufala.
Ol samting ya we oli stap traem yumi, oli sem mak nomo long ol samting we oli stap traem ol narafala man. Be God i stap holem promes blong hem, mo hem i no save letem wan samting i traem yumi, we i strong tumas long yumi. Be stret long taem ya we samting olsem i traem yumi, hem bambae i mekem rod blong yumi, blong yumi winim samting ya.
Yufala i mas save we Hae God ya, hem nomo i God, mo tingting blong hem i stap strong oltaem blong givhan long yumi. Fasin blong hem long ol man we oli lavem hem, mo oli stap obei long ol tok blong hem, hem i stap holem promes blong hem oltaem, mo i stap lavem olgeta, wetem ol pikinini blong olgeta, mo olgeta we bambae oli kamaot biaen long olgeta, gogo kasem plante taosen yia.
Hae God bambae i no save gowe long yu. Hem bambae i no save lego yu samtaem. Nao from samting ya, tingting blong yu bambae i no mas foldaon, mo yu yu no mas fraet. Hae God bambae i stap lidim yu, mo oltaem, hem bambae i stap wetem yu."
Caráter de Deus
Toda boa dádiva vem do alto. O Senhor é bom e sua misericórdia dura para sempre. Nele podemos descansar.
Evri samting we oli gud mo evri presen we oli nambawan we yumi kasem, oli kamaot long heven nomo. God i mekem olgeta laet blong skae, mo hem i stap givim ol gudgudfala samting ya long yumi. Fasin blong hem i no save jenis, mo hem i no save tanem baksaed long yumi blong livim yumi long tudak.
Yumi mas talem tangkiu long Hae God,
from we hem i gud,
fasin blong hem blong lavem man,
hem i no save finis.
Yu yu gud tumas long mifala,
mo yu stap fogivim mifala,
yu stap tekemaot ol sin blong mifala.
Ol man we oli stap mekem prea long yu,
oltaem yu yu lavem olgeta tumas.
Hem i stap givim wota
long olgeta we oli tosta,
blong oli dring, oli harem gud,
mo i stap givim gudfala kakae
long olgeta we oli hanggri,
blong oli kakae, oli fulap gud.
Be mi bambae mi stap sing
blong talemaot paoa blong yu.
Evri moning bambae mi stap sing bigwan
blong talemaot we oltaem yu yu lavem man.
Oltaem yu yu strong ples blong haed blong mi,
yu yu sefples blong mi
long taem blong trabol.
Yufala i mas putum ol trabol blong yufala
long Hae God,
nao hem bambae i blokem yufala,
i sevem yufala.
Hem i no save letem stret man i lus.
Hem bambae i no save letem yumi foldaon.
Hem i no save slip,
mo oltaem hem i stap lukaot gud long yumi.
Integridade e confiança
Eu sou o Alfa e o Ômega — Deus é o mesmo ontem, hoje e sempre. Fiel em o que realizou e realizará por cada filho.
Hae God* we i God blong yumi, hem i gat olgeta paoa, mo hem i stap we i stap, mo i stap fastaem, bifo olgeta, mo bambae i stap oltaem gogo i no save finis. Hem nao i talem se, "Mi mi Faswan, we mi stap bifo olgeta, mo bambae mi mi Laswan, biaen olgeta."
Be yu, Hae God,
yu yu King we yu stap oltaem nomo.
Yu bambae yu stap rul
gogo i no save finis.
Nao Profet Aesea i prea, i talem se,
"Hae God.
Yu yu God blong mi.
Oltaem bambae mi presem yu,
mi stap leftemap nem blong yu.
Yu yu stap mekem ol samting,
we taem man i luk,
i sapraes tumas from.
Longtaem we longtaem finis,
yu yu mekem ol plan blong yu,
mo yu mekem tingting blong yu
i stap strong long olgeta,
gogo yu mekem olgeta oli kamtru.
Laef blong puaman i nogud, be i moa gud, i winim laef blong man blong giaman. Mo man we i wantem tumas ol samting, bambae hem i sem long fes blong ol man.
Man we i stap go talem ol tok olbaot, we i spolem nem blong narafala man, hem i no save haedem wan samting, be man we ol man oli stap trastem hem, hem i no save mekem olsem.
Gudfala man, oltaem stret fasin i stap lidim hem, be man blong giaman, rabis fasin ya blong hem i stap spolem hem.
Masta ya i talem long hem se, ‘!Ei, yu yu mekem wan gudfala wok! Yu yu wan gudfala man we yu lukaot gud long ol wok blong mi. From we yu bin lukaot gud long smol bisnes ya we mi putum long han blong yu, bambae mi putumap yu blong yu lukaot long plante bisnes. Yu kam joen long lafet blong mi.’
Kam kasem naoia, yufala i no askem wan samting long hem yet long nem blong mi. Yufala i mas gohed blong askem ol samting long hem, mo bambae yufala i save kasem, nao bambae yufala i glad we i glad."