Confiança
A confiança em Deus é âncora da alma em tempos de tempestade. Quem confia no Senhor não será abalado — porque o Deus fiel sustenta, protege e guia os que nele esperam.
Confiança inabalável
Tudo posso naquele que me fortalece. O meu Deus suprirá toda necessidade. Quem confia não será confundido.
Krais zurara gavgavim na ganɨdi, ezɨ an akurvazimɨn kɨ biziba bar dar amuamin gavgavim iti.
Nan God a bizir avɨriba bar iti. Egh ia otevezir biziba, a bar dar ganɨva, egh Krais Iesusɨn ingangarir amizimɨn tuavimɨn, a uan bizir aghuibar avɨrimɨn amodoghɨn, biziba isɨ ia danɨngam.
Ezɨ kɨ kamaghɨn fo, God uabɨ ingangarir kam ia ganɨga, ian navir averiabar aven ingar mangɨ, Krais Iesus Ua Izamin Dughiamɨn ingangarir kam agɨvagham.
E bizir kabagh foghava, manmaghɨn mɨkɨmam? E fo, God e baghvɨra ikɨtɨ, tina e dɨkabɨragh e gafiragham? Bar puvatɨgham.
o bizir pɨn itiba, o bizir vazimɨn itiba, o God ingarizir biziba bar, dar tongɨn bizitam e damutɨ, e God e gifongezir arazimɨn saghon ikian kogham. An arazir e gifongezir kam, a Krais Iesus en Ekiamɨn ingangarimɨn, e ganɨngi.
Gumazim, Godɨn Bar Pɨn Itim, deragh an gansɨ an a bagh mangɨtɨ,
God deragh an ganam.
A Godɨn Gavgaviba Bar Itimɨn boroghɨn ikɨtɨ,
God dughuazimɨn mɨn anevaragham.
Gumazir kam Ikiavɨra Godɨn mɨkɨm suam,
"Nɨ nan dɨvazir gavgavimɨn mɨn itima,
kɨ nɨn aven uabɨ moga deravɨra iti.
Nɨ nan God.
Kɨ nɨghnɨzir gavgavim nɨrara iti."
God uabɨra nan akurvagha ziar ekiam na ganɨdi.
A nan dagɨamɨn mɨn itima, kɨ an aven modi.
O God, kɨ atiatir dughiabar,
kɨ nɨghnɨzir gavgavim nɨn ikɨvɨra ikiam.
Kɨ Godɨn akam fa, egha nɨghnɨzir gavgavim Godɨn ikia atiatir puvatɨ.
Gumazir kɨnitam, arazir manatamɨn na damuam? Puvatɨ.
Fundamento de confiança
Deus não é homem para que minta. Todas as suas promessas são firmes. Confiar em Deus é segurança absoluta.
God a gumazamizibar mɨn ikia ifarir puvatɨ.
Egha gumazamizibar mɨn ikia uan nɨghnɨzim gɨghavkɨrir puvatɨ.
A bizir manam damuasa akar dɨkɨrɨzim gami, an a damuam.
A mɨgeir biziba otivaghiri.
Ia dagɨar avɨriba ikɨsɨ ifueghan markɨ. Ia kamaghɨn nɨghnɨgh, bizir ia itiba, da ian tughatɨzir puvatɨ. Ia fo, God kamaghɨn e mɨkemegha gɨfa:
"Kɨ ia ateghtɨ
bizitam paza ia damuan kogham.
Bar puvatɨ.
Guizbangɨra, kɨ ia ateghan kogham."
Kamaghɨn amizɨ, e gavgavim uan navibar anɨng egh mɨkɨm suam:
"Ekiam nan Akurvazir Gumazim,
na ko itima
kɨ atiatir puvatɨ.
Kɨ fo,
gumazamiziba arazitamɨn na damighan kogham."
Nɨ guizɨn akar kɨ nɨ ganɨngizir kabagh nɨghnɨghvɨra ikɨ, egh nɨ arazir kamra gun mɨkɨmɨva gumazamizibar sure damu. Egh nɨ Krais Iesus ko porogh ikɨ, bar nɨghnɨzir gavgavim an ikɨvɨra ikɨ, bar uan navim isɨ igharaz darazir anɨngɨva me gifongegh. Arazir kamɨn, nɨ an gun me mɨkɨm.
Nan otarim Timoti, nɨ zurara Krais Iesusɨn apangkuvimɨn amamangatɨghtɨma, a nɨn akuraghtɨ nɨ bar gavgavigham.
Nɨ nɨghnɨzir gavgavim Ikiavɨra Itir Godɨn ikɨ.
Egh kamaghɨn nɨghnɨghan markɨ, nan fofozimra nan akurvagham.
Bizir nɨ bar amiba, nɨ Ikiavɨra Itir Godra nɨghnɨgh egh dar amu,
eghtɨ a tuavir aghuir nɨ mangamimra nɨn akagham.
Nɨ nɨghnɨzir gavgavim Ikiavɨra Itir Godɨn ikɨ.
Egh kamaghɨn nɨghnɨghan markɨ, nan fofozimra nan akurvagham.
Bizir nɨ bar amiba, nɨ Ikiavɨra Itir Godra nɨghnɨgh egh dar amu,
eghtɨ a tuavir aghuir nɨ mangamimra nɨn akagham.
Nɨ biziba bar dar amusɨ, nɨ faragh da isɨ Ikiavɨra Itir Godɨn dafarim datɨgh. Eghtɨ a bizibar amutɨ da deraghvɨram otivam.
Gumazim deraghvɨram an sure gamir gumazibar akam baregh, dabirabir aghuim ikiam. Gumazim bar nɨghnɨzir gavgavim Ikiavɨra Itir Godɨn ikɨva, a bar akuegham.
Gumazitam gumazir igharazibar atiatingtɨ, an atiatim, mati a ivem agurazɨ, ivem an suira. Ezɨ gumazir nɨghnɨzir gavgavim Ikiavɨra Itir Godɨn itim, a deraghvɨra ikiam.
Confiar em todas as coisas
Não pertenço ao mundo — minha cidadania é do céu. A confiança cristã repousa na fidelidade de Deus, não nas circunstâncias.
Ezɨ ia bizir pɨn itiba baghvɨra nɨghnɨgh, egh nguazimɨn itir bizibagh nɨghnɨghan markɨ.
Ezɨ Iesus kamaghɨn mɨgei, "Nɨ uabɨ! Nɨ nɨghnɨzir gavgavim ikɨtɨ biziba bar deragham."
Ezɨ Iesus kamaghɨn me ikaragha ghaze, "Bizir kaba gumazimɨn bar osemegham. Bizir kaba Godɨn osemezir puvatɨ. A biziba bar dagh ami."
Ia kuarazibar gari, da dagheba oparir puvatɨgha da pozibagh aghua da isa dagher dɨpenibar amadir puvatɨ. Ian Afeziar uan Nguibamɨn itim, dagheba dagh anɨdi. Ezɨ ian ikɨrɨmɨrim ti kuarazibar ikɨrɨmɨrim gafirazir puvatɨ?
Ia nan poroghɨv ikɨva egh ia navir amɨrizim ikiasa kɨ ifonge. Kamaghsua kɨ akar kam ia mɨkeme. Eghtɨ ia nguazir kamɨn ikɨtɨ, osɨmtɨziba ia bativam. Eghtɨ ian naviba gavgavigh ikɨ! Kɨ nguazir kamɨn gavgavim dɨkabɨragha anegɨfa!"
"Ezɨ gumazamizir nɨghnɨzir gavgavim nan itiba,
kɨ bar deraghvɨra me damuam.
Me mati temem me dɨpar mɨriamɨn anekara.
Ezɨ temer kamɨn biba nguazim giraghuegha dɨpam isi.
Ezɨ aruem garir dughiam, an atiatir puvatɨ.
An dafariba angamɨra ikiavɨra iti.
Egha amoziba izir puvatɨzir dughiabar, a nɨghnɨzir avɨribagh amir puvatɨ.
A bar ikia mamaghɨra ti."
Ia dɨpar konibagh irɨ mangɨtɨ,
kɨ ia ko mangam.
Ia faneba abɨgh vongɨn mangɨtɨ,
da ia avan kogham.
Eghtɨ ia avir ekiar puvɨra isimɨn aven mangɨtɨ,
a ian isian kogham.
E fo, e Godɨn ifongiamɨn gɨntɨgh, biziba bagh an azangsɨghtɨma, an en azangsɨziba baragham. Kamaghɨn e Godɨn boroghɨn mangɨsɨ atiatingɨva okam nɨghnɨghan kogham.
E fo, e Godɨn ifongiamɨn gɨntɨgh, biziba bagh an azangsɨghtɨma, an en azangsɨziba baragham. Kamaghɨn e Godɨn boroghɨn mangɨsɨ atiatingɨva okam nɨghnɨghan kogham.
E kamaghɨn fo, God e gifonge, ezɨ an e gifongezir arazim bagha e nɨghnɨzir gavgavim an iti.
Kar Godɨn arazim, a dughiaba zurara gumazamizibagh ifonge. Tina gumazamizir igharazibagh ifueghɨva, Godɨn poroghɨv ikɨtɨ, God an poroghɨv ikiam.
Nan adarasi, akam inigha izir gumazir ifarir avɨriba nguazir kam garui. Egha kamaghɨn mɨgei, Godɨn Duam akam e ganɨngi. Kamaghɨn ia nɨghnɨzir gavgavim men ikian markɨ. Egh ia deravɨra dar araziba ko mɨgɨrɨgɨaba asavsuigh fogham, da Godɨn Duam o duar kuraba.
Esperar com confiança
O Senhor está perto de todos os que o invocam. Na espera confiante encontramos descanso e direção divina.
Te navir averiaba zuegha Ikiavɨra Itir Godɨn dei,
a bar men boroghɨra ikiam.
Kɨ nɨghnɨzir gavgavim nɨn iti,
nɨ mɨzaraziba vaghvagh apangkuvir ekiar nan itir kam bagh, na mɨkɨmvɨra ikɨ.
Kɨ uan navir averiamɨn aven nɨ baghavɨra iti.
Kamaghɨn kɨ mangamin tuavim nɨ nan sure damu.
A Godɨn akuir puvatɨzim.
A nɨ akumakum deragh nɨn gantɨ,
nɨ irɨghan kogham.
Nɨ nɨghnɨzir gavgavim Ikiavɨra Itir Godɨn ikɨ,
egh arazir aghuibar amu.
Egh nɨ nguazir kamɨn ikɨ deragh ikiam.
Gumazir nɨn atiatia nɨn apengan itiba,
nɨ men akurvaghasa bizir aghuir avɨriba me bagha dagh ami.
Gumazir nɨghnɨzir gavgavim nɨn ikia nɨn aven modiba,
nɨ deravɨra me gami.
Egha gumazamizibar damazibar nɨ zurara men akurvasi.
O God, tina ua nɨn Nguibamɨn ikɨ deragh nan ganam?
Nɨ bar uabɨra, ua gumaziba puvatɨ.
Kɨ bar nɨ gifonge.
Kɨ nguazir kamɨn ua bizitam gifongezir puvatɨ.
Egh ia zurara tuivigh gavgavigh egh osɨmtɨziba ater. Eghtɨ arazir kam ian ikɨ gavgavigh mamaghɨra ikiam. Kamaghɨn ia deravɨra ikɨva, egh ia Godɨn bizitamɨn oteveghan kogham. Puvatɨ. Ian araziba bar deraghtɨ, ia Godɨn Arazibar aghung mangɨ gumazamizir aruabar mɨn otogham.
Eghtɨ nɨ God ko mɨkɨmɨva, nɨ nɨghnɨzir gavgavim ikɨ, nɨghnɨzir pumuning ikian markɨ, egh suam, "God ti bizitam na danigham, o puvatɨgham?" E fo, gumazim o amizim nɨghnɨzir pumuning iti, a mati amɨnim ongarim givav amadima a pura tintinibar dɨkafi.
Bizir e gariba, e dagh nɨghnɨgha, dar gɨn zuir puvatɨ. E pura nɨghnɨzir gavgavim Ekiamɨn ikia, egha an gɨn zui.