Confiança
A confiança em Deus é âncora da alma em tempos de tempestade. Quem confia no Senhor não será abalado — porque o Deus fiel sustenta, protege e guia os que nele esperam.
Confiança inabalável
Tudo posso naquele que me fortalece. O meu Deus suprirá toda necessidade. Quem confia não será confundido.
Krais nan havhargim, gu ana havharar panan, gu za kha bigi ga mbui.
Na Fhe Bakɨme, za mbarkɨrga bigir vhuuin Krais Zisasan gumgi gu mbigi, ana Zisasan panan ntan nzan nɨɨnga. Maaŋ muuŋgiap, nde mba sosuagi bigi, ana za ntan nden nɨɨŋgirim, nde za bigi tuktɨgɨrga.
Gu khueŋ kaŋgi, Fhe Bakɨme nduara fharav taagia nde ndi ŋaara khavgi, nde ana mbui. Ana mbara muuŋgip, nde phorgɨp ŋgarɨv kɨrim, Krais Zisas taagi zirɨrga tuk hɨgɨrga, ana mba ŋaara vhɨzgirga.
Maaŋ muuŋgiap, nza ram Fhe Bakɨme muuŋgi bigi ga suaŋrie? Fhe Bakɨme nzan kurkurigim, the nza kambararie? Zakɨra fhuvara!
Fhe Bakɨme, ana guigira won ndavar nza nɨɨŋgim, gu khueŋ khothɨgi, bigɨna the Fhe Bakɨme vuzvuga thugɨrga tuktɨgi fhuvara. Nza rimgirga o, nza ŋamki o, Fhe Bakɨme enseri o, tori gu ŋiniŋgi havhari o, ntige khar ki bigi o, zumgu hɨrga bigi o, mbarkɨrga bigi nta ŋkasŋka ki o, kha vun ki bigi o, kha nɨɨn nuianan ki bigi o, mbar tamtam khar ki bigi, mba bigi, nta zam, nta Fhe Bakɨme wo ndavar nza nɨɨŋgi vuzvuga thugɨrga tuktɨgi fhuvara. Ana wo ndavar nza nɨɨŋgi vuzvuk, ana nza Bakɨme Krais Zisas muuŋgi ŋaarar panan, ana wo ndavar nza nɨɨŋgi vuzvugar nza khɨvigi.
Fundamento de confiança
Deus não é homem para que minta. Todas as suas promessas são firmes. Confiar em Deus é segurança absoluta.
Nde ŋkɨɨa garav, nta niihi tɨvi zɨn ŋgɨ thari. Nde kha ndɨkndɨgar muuŋri, nde mba ndiga ki bigi, nta tugɨra. Ne khaŋ muuŋgi, Fhe Bakɨme khaŋ nza suaŋgi, "Gu nde tharga tuktɨgi fhuvara. Gu vhɨra nde tharim, nde fhura kegɨrga tuktɨgi fhuvara. Zakɨra fhuvara!"
Maaŋ muuŋgiap, nza wari wo ndavi havhargip, khaŋ suanga,
"Guma Bakɨme nan kurkurigi, gu kha gumgi bigɨn thuen nan muuŋgirga, nen rɨvɨrga tuktɨgi fhuvara."
Gu khar ndu nzuai buni guari, ndu tuituigip nta ndɨkndɨk suirari. Ndu nta suirav, ndu gu gumgi gu mbigi khɨvav, mbe nzuai tɨva zɨn ŋgɨp, mbe suaŋri. Maaŋ muuŋgiap, ndu khaŋ tɨgɨp havhargip, nza guigira Krais Zisas khothɨgap, guigira wari won ndavir harigi gumgi ga ndɨɨi, gumgi gu mbigi mbui tɨvara suira havhargip, nza guigira Kraisan gumgi gu mbigi kɨv, nza khaŋ tɨgɨp mba tɨva phuni suirav havhargiri.
Ndu nan kam Timoti, nza Zisas suaŋgi tɨvi zɨn vov, ndu maaŋ muuŋgiap Fhe Bakɨme guigira wo ndavar nza ndɨɨi tɨvar panan havhargiri.
Confiar em todas as coisas
Não pertenço ao mundo — minha cidadania é do céu. A confiança cristã repousa na fidelidade de Deus, não nas circunstâncias.
Nde zazera kha vun ki bigi ga ndɨkndɨgɨri. Nde kha nuiana bigi ga ndɨkndɨgɨ thari.
Zisas mbaram khaŋ ana nzuai, "Ndu thaŋ nzua khaŋ na nzuai, ‘Ndu tuktɨgire’? Ndu Fhe Bakɨme ŋkasŋka khothivɨrga, ndu za kha bigir muunga."
Mbe mba nzambara mbuim, Zisas mbe ŋgarkarav khaŋ mbe nzuai, "Guma muungeŋ kakagi bigɨn, Fhe Bakɨme mba bigɨnan muuŋgirga."
Nde kha korigi ganɨ, mbe wari ga nzuav mban pari fhu. Mbe vhɨra wari ga nzuav mba ndia vov mba ndi vhuui pheni ga vhui fhu. Nden Ndia, ana Hevenan ki, ana mban mbe ndɨɨi. Nde ndɨkndɨgi, nde kha korigi kambarigi fhuv thi?
Gu khueŋ vuzvugi, nde na phorgɨrga, nde ndavi mbɨrarga. Gu maaŋ muuŋgiap kha kamen nde nzuai. Nde kha nuianan ki tugen simtɨgi nden hɨrga, nde wari won ndavi havhargip wari kɨri. Gu kha nuianan ŋkasŋka, gu ana kambarigi."
Nza maaŋ muuŋgip Fhe Bakɨme vuzvuk zɨn ŋgɨp, nza maaŋ muuŋgip, bigɨn the suaŋv ana phorgɨ suaŋ anan nzanga, ana nza nzai nzambareŋ mbarararga. Nza maaŋ muunga, nza Fhe Bakɨmen rivgirga fhu, nza ana han vui.
Nza maaŋ muuŋgip Fhe Bakɨme vuzvuk zɨn ŋgɨp, nza maaŋ muuŋgip, bigɨn the suaŋv ana phorgɨ suaŋ anan nzanga, ana nza nzai nzambareŋ mbarararga. Nza maaŋ muunga, nza Fhe Bakɨmen rivgirga fhu, nza ana han vui.
Nza maaŋ muuŋgiap ne khothɨgap, havhargi, Fhe Bakɨme guigira won ndavar nza nɨɨŋgim, anan tɨv guigira nza phorga ki.
Fhe Bakɨme nduara guigira won ndavar harigi ntɨɨri ga ndɨɨi tɨva nɨɨŋge ma. Guma guigira won ndavar harigi ntɨɨri ga ndɨɨi tɨva zɨn vov, ana Fhe Bakɨme phorga kim, Fhe Bakɨme ana phorga ki.
Nde nan kɨvntogi, Fhe Bakɨme kamthooŋ gumgir wari guiguigi gumgi vhɨrve, mbe tamtam kha nuianan rurga. Maaŋ muuŋgip, nden han zɨv khaŋ suanga gumgi, "Fhe Bakɨme Ŋina Ŋaar kha kamen na nɨɨŋgi." Nde za mbe khothivɨ thari. Nde mbe mbui ŋaari gu mbe nzuai buni mbararari. Nde maaŋ muuŋv, nde kaŋgirga khe Fhe Bakɨme han kega zɨgi o, fhuvara.
Esperar com confiança
O Senhor está perto de todos os que o invocam. Na espera confiante encontramos descanso e direção divina.
Nde maaŋ muuŋgip, nde zazera thɨgɨ havhargip simtɨgi ndiri. Mba tɨv guigira havhargip nden kɨv hɨri. Nde maaŋ muuŋv nde nzerara kɨrga. Nde maaŋ muunga, nde Fhe Bakɨmen tɨva thueŋ, nde ne suaŋv tivgirga fhu. Zakɨra fhuvara! Nden tɨvi guigira nzerav, nzerara kɨrga.
Mba Guma, ana guigira Fhe Bakɨme khothɨgɨp anan nzaŋri. Ana Fhe Bakɨme khothɨvi ndɨkndɨk thaneŋ kuegɨp, kha ndɨkndɨgar muuŋ thari, "Ee, Fhe Bakɨme mba bigɨnan nan nɨɨŋgirga o, fhu?" Ne khaŋ muuŋgi, mba guma ndɨkndɨga phuniaŋ mbui, ana ndɨkndɨk mbasɨk fara muuŋgi. Bɨɨŋbɨɨŋ ana rɨgim, ana phurira shogap, mbur vov, khar zi.
Nza ntigem kha gari bigi, nza nta khothɨgap, nza rui fhuvara. Nza guigira ana kameŋ khothɨgap, nza rui.