Confiar no Senhor
Confiar no Senhor é a base de toda vida espiritual. A confiança em Deus nos livra do medo, nos dá paz e nos posiciona para receber as promessas divinas.
Confiar de todo coração
Confia no Senhor de todo o coração. Não te apoies em teu próprio entendimento — em todos os caminhos o reconheça.
Nɨ nɨghnɨzir gavgavim Ikiavɨra Itir Godɨn ikɨ.
Egh kamaghɨn nɨghnɨghan markɨ, nan fofozimra nan akurvagham.
Bizir nɨ bar amiba, nɨ Ikiavɨra Itir Godra nɨghnɨgh egh dar amu,
eghtɨ a tuavir aghuir nɨ mangamimra nɨn akagham.
God e geghuvir gumazim
Gumazim, Godɨn Bar Pɨn Itim, deragh an gansɨ an a bagh mangɨtɨ,
God deragh an ganam.
A Godɨn Gavgaviba Bar Itimɨn boroghɨn ikɨtɨ,
God dughuazimɨn mɨn anevaragham.
Gumazir kam Ikiavɨra Godɨn mɨkɨm suam,
"Nɨ nan dɨvazir gavgavimɨn mɨn itima,
kɨ nɨn aven uabɨ moga deravɨra iti.
Nɨ nan God.
Kɨ nɨghnɨzir gavgavim nɨrara iti."
Bar guizbangɨra, God bar deragh nɨ geghuv nɨn gantɨ,
Bizir kuratam azuazimɨn mɨn modogh ikɨ,
nɨn suiragh nɨ gasɨghasighan kogham.
Nɨ an dafarimɨn aven ikɨtɨ,
arɨmariar kuratam nɨ inightɨ,
nɨ aremeghan kogham.
A tuarir amebam uan nguziba ave moghɨn,
uan avɨzimningɨn nɨ avaraghtɨ nɨ aven ikiam.
Kamaghɨra, nɨ Ikiavɨra Itir God, an apengan ikɨtɨ
a deravɨra nɨ modogh nɨ geghuv nɨn ganam.
A ifarir puvatɨ.
A zurara uan akar a mɨkemezibar gɨn mangɨ,
nɨn oramɨn mɨn ikɨ,
deravɨra nɨn ganam.
God uan gumazamizibagh amizɨ, me deragha apia
Gumazamizir nɨghnɨzir gavgavim Ikiavɨra Itir Godɨn itiba,
me Saionɨn Mɨghsɨamɨn mɨn iti.
Mɨghsɨar kam bar gavgavigha
mozoroziba puvatɨ,
a ikɨ kamaghɨra ikiam.
Kamaghɨra, mɨghsɨaba Jerusalemɨn nguibam ekɨaruzɨ moghɨn,
datɨrɨghɨn ko gɨn Ikiavɨra Itir God,
uan gumazamiziba ekɨarugh men ganam.
An osɨmtɨzir otivibar mɨgɨrɨgɨaba baragh atiatingan kogham.
Puvatɨgham, a tugha gavgavigh nɨghnɨzir gavgavim Ikiavɨra Itir Godɨn ikiam.
Nɨ nɨghnɨzir gavgavim Ikiavɨra Itir Godɨn ikɨ,
egh arazir aghuibar amu.
Egh nɨ nguazir kamɨn ikɨ deragh ikiam.
Nɨ Ikiavɨra Itir God bagh bar akueghtɨ,
a bizir nɨn uan navir averiam ifongeziba nɨ danɨngam.
Nɨ uabɨra uabɨ isɨ Ikiavɨra Itir God danigh,
egh nɨghnɨzir gavgavim an ikɨtɨ, a nɨn akuragham.
A nɨn arazir aghuim damightɨ,
nɨn arazir aghuir kam,
aruem aruer arɨzimɨn isiragha gavgavizɨ moghɨn isiragham.
O Ikiavɨra Itir God, gumazamizir nɨ bagha iziba,
nɨ akɨrim giragha me gasir puvatɨ.
Kamaghɨn gumazamizir nɨ gɨfoziba,
me nɨghnɨzir gavgavim nɨn iti.
Segurança em Deus
Bem-aventurado o homem que confia no Senhor. Ele é como árvore plantada junto às águas — não temerá quando vier o calor.
"Ezɨ gumazamizir nɨghnɨzir gavgavim nan itiba,
kɨ bar deraghvɨra me damuam.
Me mati temem me dɨpar mɨriamɨn anekara.
Ezɨ temer kamɨn biba nguazim giraghuegha dɨpam isi.
Ezɨ aruem garir dughiam, an atiatir puvatɨ.
An dafariba angamɨra ikiavɨra iti.
Egha amoziba izir puvatɨzir dughiabar, a nɨghnɨzir avɨribagh amir puvatɨ.
A bar ikia mamaghɨra ti."
Ikiavɨra Itir God, en God, a en mogomer danganir gavgavim,
mati dagɨar gavgavir ekiam.
Egh a zurara kamaghɨra ikiam.
Kamaghɨn e guizbangɨra nɨghnɨzir gavgavim Ikiavɨra Itir Godɨn ikɨva,
zuraram an apengan ikiam.
"Ia oragh! God nan akuragha ua na ini.
Eghtɨ kɨ nɨghnɨzir gavgavim an ikɨva atiatingan kogham.
Ikiavɨra Itir God, a Godra, a na gamima, kɨ gavgavigha iti.
Guizbangɨra, a nan Akurvazir Gumazim, ezɨ kɨ an ziam fava onger akam gami."
O Ikiavɨra Itir Godɨn Gavgaviba Bar Itim,
gumazamizir nɨghnɨzir gavgavim nɨn itiba,
me zurara bar akuegham.
Gumazir maba nɨghnɨzir gavgavim uan mɨdorozir karisbar ikia ghaze, da men akurvagham.
Ezɨ marazi nɨghnɨzir gavgavim uan hoziabar ikia ghaze, da men akurvagham.
Ezɨ eia, e nɨghnɨzir gavgavim uan Ikiavɨra Itir Godɨn ziamɨn ikia
kamaghɨn fo, a en akurvagham.
Gumazamizir kamaghɨn amiba,
me asaghpora ira bar puvarɨsi.
E puvatɨ.
E dɨkavigh tuivigh gavgavigham.
Kamaghɨn deragham, e Ikiavɨra Itir Godra nɨghnɨzir gavgavim an ikɨtɨ,
an e geghuv e avaragh en gantɨ,
gumazamizir kuraba e gasɨghasighan kogham.
Eghtɨ e nɨghnɨzir gavgavim gumazamizibar ikian kogham.
Kamaghɨn deragham, e Ikiavɨra Itir Godra nɨghnɨzir gavgavim an ikɨtɨ,
an e geghuv e avaragh en gantɨ,
gumazamizir kuraba e gasɨghasighan kogham.
Eghtɨ e nɨghnɨzir gavgavim gumazir dapaniba ko atrivibar ikian kogham.
Não confiar no homem
Não temas — em ti confiarei. Melhor é confiar no Senhor do que confiar no homem ou nos príncipes.
Kɨ Godɨn akam gɨnɨghnɨgha a fe.
Guizbangɨra, kɨ Ikiavɨra Itir Godɨn mɨgɨrɨgɨaba pɨrafam.
Kɨ nɨghnɨzir gavgavim Godɨn iti,
kamaghɨn, kɨ bizitamɨn atiatir puvatɨ.
Gumazir kɨnitam arazir manatamɨn na damuam? Puvatɨ.
Kɨ nɨghnɨzir gavgavim kamaghɨn ikia ghaze,
nɨ nan apangkuvigha ikia kamaghɨra iti.
Nɨ nan akurvaghasa kɨ bar ifonge.
O Ikiavɨra Itir God, nɨ nan God,
kɨ nɨghnɨzir gavgavim nɨn iti.
Gumazamizir nɨghnɨzir gavgavim Ikiavɨra Itir Godɨn itiba, me bar akongegh.
Gumazamizir kaba, me gumazir uari uan ziaba febar gɨn zuir puvatɨgha,
uamategha asebar ziaba fer puvatɨ.
Iesus, an Afeziam bagha zuir tuavim
Ezɨ Iesus ua kamaghɨn uan suren gumazibav gei, "Ia nɨghnɨzir avɨribar amuva osɨman markɨ. Ia nɨghnɨzir gavgavim Godɨn ikɨ, egh uaghan nɨghnɨzir gavgavim nan ikɨ.