9 अगर अस अपने पाप मन्तम, त तै इश्शे पाप माफ़ केरने, ते असन सेब्भी अधर्मे करां शुद्ध केरने मां वफादार ते धर्मीए।

5 ज़ैखन मीं अपनो पाप तीं पुड़ बांदो कियो

ते अपनो अधर्म न छ़ुपाव,

ते ज़ोवं, "अवं यहोवारे सामने अपने पाप मन्नेलो,"

तैखन तीं मेरे अधर्म ते पाप माफ़ किये। (सेला)

3 ज़ैखन अवं च़ुप राव

त सैरी दिहैड़ी करलाते-करलाते

मेरी हेड्डी गेली जेई।

13 ज़ै अपने पाप छ़ुपेइतां रखते, तैसेरू कम कामयाब न भोए,

पन ज़ै तैन्न मन्ते ते शारते भी,

तैस पुड़ महरबानी की गाली।

5 असेईं लोकेईं त पाप, बुराई, दुष्टता ते बगावत कियोरीए, ते तेरे हुक्म ते नियम ट्लोड़ी ट्लोड़ोरेन।

5 ते ज़ैखन तै इन गल्‍लन मरां कोन्ची भी गल्‍ली मां दोषी भोवरो भोए, त तैखन ज़ैस बारे मां तैनी पाप कियोरो भोए तै तैस मन्ने,

9 अगर तू अपने ज़बाना यीशुए, प्रभु ज़ैनतां मन्नस ते अपने दिल सेइं विश्वास केरस, कि परमेशरे तै मुड़दन मरां ज़ींतो कियो, त तीं परमेशर पक्‍की मुक्ति देलो।

10 किजोकि इश्शे विश्वासेरे ज़िरिये सेइं अस परमेशरेरी नज़री मां धर्मी भोतम, ते इश्शे इकरार केरने सेइं मुक्ति मैल्होरीए।

23 एल्हेरेलेइ कि सेब्भेईं पाप कियो, ते तैस महिमा करां दूर आन ज़ै परमेशर देते। 24 पन परमेशरे अपने अनुग्रहे सेइं अस पापां केरि सज़ाही करां यीशु मसीहेरे ज़िरिये छुटाए ते मुफ्ते मां धर्मी ठहराए।

12 ज़ेन्च़रे अक रोड़ो सिपाही जंगी मां हार न मन्ने, तेन्च़रे तू भी परमेशरे पुड़ भरोसो रखने मां ते तैसेरी गल मन्ने मां हार न मन्न। ते तैस हमेशारी ज़िन्दगी मज़बूती सेइं ठेमतां रख, ज़ेसेरे लेई तू परमेशरे कुजावरोस, ते ज़ेसेरे बारे मां तीं बड़े लोकां केरे सामने दिलेरी सेइं ज़ोवरू थियूं कि तू मसीह पुड़ विश्वास केरतस।

19 बस्सा पापन करां मन फिराथ ते परमेशरेरे पासे फिरा ते तै तुश्शे पाप माफ़ केरेलो, ते परमेशरेरी तरफां तुश्शे लेई परमेशरे तरफां रोड़े दिहाड़े एज्जेले।

16 एल्हेरेलेइ तुस एक्‍की होरेरे सामने अपने-अपने पाप मन्ना, ते एक्‍की होरेरे लेई प्राथना केरा, ज़ैस सेइं तुस बेझ़ोथ, धर्मी मैन्हेरे प्राथनारे अस्सरे सेइं बड़ू किछ भोइ बटते।

8 परमेशरेरे नेड़े एज्जा, त तै तुश्शे नेड़े एज्जेलो, हे पापी लोकव, अपने ज़िन्दगी मरां पाप दूर केरा, ते हे दुमन्ने बाले लोकव अपने मन्न पवित्र केरा।