Consequências dos nossos atos

12 Na anɔng, kaangan bi fa kutomong wu anu ashon Adakunom.

6 Nek Adakunom bi nɔɔk kaangan izang wu kpaf ni kutomong wu. 7 Sak na bayɔng fɛ́ ba se ni iras ntomong ntek ayɛt akabɔk, ba se ni itsɛt iratek ni itere ni kutset vit nkum, Adakunom bi ka ba nɔɔk kutset vit igang. 8 Awɛt bayɔng fɛ́ ba tsin tsɛsɛk ifi ice bá, bayɔng fɛ́ ba raba atsak, wɔn iras anyas, ba bi nyim ne kafa kawe ni mgbang Adakunom. 9 Izot ni mgbang tsin tot ngma banet fɛ́ ba ras anyas, ba bi tumung na baYahuda ni Ícɛn-iduk di kuus. 10 Awɛt ngma ayɔng fɛ́ a ras ntomong ntek, a bi sɛ iratek ni ízɔk ni kusonong kukyang, ba bi tumung na baYahuda ni Ícɛn-iduk di kuus. 11 Nek Adakunom tonoso ishim ice awo.

16 Nek, kunang Adakunom se ki ikyɛng fi inɛn anet azining bene awo. Ishɔt e bɛ nek inɛn izining, i bɛ́ ni iku, awɛt kunang Adakunom fi ku ne ama anɛn zizɛɛt, bɛ́ ni ikusu ashon Adakunom. 17 Ke nek inɛn anet azining, iku ya igwɔm naton banet nek anet azining e yɔng, bayɔng fɛ́ ba mi sɛ kunang itek, ni kusot kutabat, ba da ya igwɔm makiyi nek anet azining e yɔng fɛ́ a yet aYeso Kristi.

Itsɛɛk bakak ishɔt

1 <<I bi tsɛk yin bakak ishɔt awo, kɔn Adakunom bi ki tsɛɛt yin ishɔt ba. 2 Nek kuri ishɔt fi i tsɛk yin bakak e, anɔng wu fɛ́ Adakunom bi ki tsɛɛt yin ne, kuri ikyɛng imaas fi i di maas yin bakak ne, ni kuri ye fɛ́ Adakunom bi ki maas yin mo ne.

36 Won in ki tak yin, kaangan bi tsɛ a tak atuk ishɔt igang azatse, kaaki kuri kucɛɛt kukpɛɛ me, fɛ́ a mang cɛɛt iko.

12 Nek ifɛ̀ Adakunom yet itsɛt, i bɛ̀ agap ira kutomong. Iwaat kaakyi itsot afak afaa votot. I gosok sak ayɛt irɔm anet, ni kabasa iyɛ na kabik, ngma ni nkap na asisɔrɔng. I tsɛk ishɔt kuyiring ni nggɔn anet. 13 Vit ikyi ikak fi i se ni nɛt na ayisi Adakunom. Kaakyi ikyɛng se piyot, ni ti se gbɛngɛrɛng na ayisi wu. Iwu yɔng wu, fi in bi nyeseng yit ashon wu, ni in ku taas yit ngma nkyɔrɔk fi in kin mang ras yit.