Consequências dos nossos atos
Toda ação tem consequências. A Bíblia ensina que colhemos o que semeamos — para o bem e para o mal. Deus pesará cada palavra e ato no dia do juízo.
Colher o que semear
Cada um prestará contas de si mesmo a Deus. O Senhor julgará as obras e os segredos dos homens com justiça perfeita.
Ana hu’neankita magoke magokemota Anumzamofona maka’zama nehu’na zamofo kea asamigahune.
Anumzamo’a zmavu’zamavama nehanaza avamente, magoke magokemofona mizana amitere hugahie. Iza’zo knare zamuzma huvava hu’za nevu’za, ra zamagima erisagu nehake’za, himamu hankave erisigu nehake’za, haviza osniazanku nehakesamokizmia, Anumzamo manivava zmasimura zamigahie. Hu’neanagi Agra rimpa he’zana rukaha hutresigeno, iza’zoma zamagraguke nentahiza, tamage ke’mofo amage’ante zanku zamagena hunemiza, kefo avu’ava nehanaza vahete egahie. Kefoza huno havizantfa hu’nea knazamo, kefozama huvava hu’za nevanaza vahetera egahie. Esera Jiu vahete eteno, anahukna huno megi’a vahete enena egahie. Hu’neanagi masanentake avasesezama, ragi eri’zama, rimpa fruzana makama knare’zama nehaza vahe Anumzamo’a zamigahie. Esera Jiu vahe zamiteno, anantera anahukna huno megi’a vahera zamigahie. Na’ankure Anumzamo’a magoke mofonkuke osuno, fatgo avesizanteti ana miko vahera refko nehie.
Asunkuzama’afi Anumzamo’a tami’nea musezamofo raga’amo’a mago ne’mo’ma kumi’ma hu’nea zamofo raga’agnara osu’ne. Na’ankure Adamu kumimo knaza avareno e’ne. Hianagi Anumzamo’ma amne tami’mea musezamo, rama’a kumi hu’nonanagi Anumzamofo avurera tazeri agru hu’ne. Na’ankure magoke ne’mo Adamu kumi higeno, agri kumite fri zamo’a vahera kva’gri zamanteno e’neanagi Anumzamofo asuntgi’zane fatgo musezama’afi manisamo’za fri zamofone kumimofo hanavea magoke Ne' Krais Jisasimpi azeri ageteregahaze.
Vahe refako huzamofo naneke
Jisasi’a anage huno mago’ane zamasami’ne, Rumofona refako huo zamantenkeno, anahu kna huno Anumzamo’a tamagri e’nena refako huoramanteno. Na’ankure rumofoma refako huntesante, ana avamente Anumzamo’a kagrira refako hugantegahie. Kagrama rumofoma refakoma hanana avamente, anazanke huno kagrira refako hugantegahie.
Hianagi Nagra amanage hu’na neramasamue, Anumzamo’ma vahe’ma refakoma huknarera, miko’a havigema nehaza kere, tamagenoka huzmantegahie.
Na’ankure Anumzamofo kemo’a kasefa huno me’neno, eri’za enerino, tarega kaziga asanenea kazimofo asenezama’a agatereno, kantu tagu tamemofone, avamutifine ufreno tagahu rurerure nehuno, kantu tagrunamo hagerafi’nefine, zaferinamofo asinu’afi ufreno taga nehuno, tavutavazane tagutagesamofo avesizana refko nehie.
Mago’zamo’e huno Anumzamofo avurera, Agrama tro’ma hunte’nea zantamimo’a fraokigosie. Hianagi refkoma hanimofo avurera, ana maka’zamo’a amateke’za nehanigeta, tagranena tamage kege asamigahune.
Responsabilidade pessoal
Quem é sábio prevê o perigo e se esconde. A Palavra examina os pensamentos e intenções do coração.
Antahi ankere antahi’zane vahe’mo’a, hazenke zama ne-esigeno’a negeno maniganesigeno agateregahianagi, knare antahizama omane vahe’mo’a, hazenkema fore’ma nehanigeno’a, negeno vuno ana hazenkezana erino knazampina manigahie.
Kagrama ama' antahizama erisanana, knare antahi’zamo’a, mizama’a kamigahie. Kagrama kiza zokagoma huntesanana kagra’a haviza hugahane.
Kagesa antahi ankeretenka Anumzamofontera huvempa huo. Ame’ama hunka huvempama hutesunka, henka’a anama hu’nesana kegu kagesa antahintahi nehunka kagraka’a kazeri haviza hugahane.
Kumi’ma atrentesigu kresramana vu kasegemofo naneke
Mago’mo’ma keno antahino hu’nesia zanku’ma huama hinogu ke refako hu trateti’ma antahigesigeno huama’ma osaniana, agra kefoza hugahiankino, anazamofo kna’a agra’a erigahie.
Ra Anumzamofo tra kemo’ma osuo hu’nenia kema rutrageno kumi’ma haniana, agra antahino keno osu’neno hugahianagi, agra haviza hugahiankino, kna’a erigahie.
Hagi negafuna kagu’afina antahi havizana huontenka, havizama nehanigenka ana havi avu’avazama’a eri ama hunka haviza nehane hunka azeri fatgo huo. Ru antahi haviza huntesunka kumi hugahane.
Consequências inevitáveis
A terra deu seu fruto conforme as obras dos que nela habitam. Ninguém escapa do juízo — Deus pesa cada ação.
Hianagi ana vahe’mokizmi mopafina vahera omanitfa hanigeno, ka’ma koka fore hugahie. Na’ankure ana mopafima mani’naza vahe’mo’zama hu’naza kefo avu’ava zanku anara hugahie.
Hagi tanagrama monko avu’ava zama nehuta, vahe’mo’zama zamazanteti’ma antre’za tro’ma hunte’naza havi anumzante’ma mono’ma hu’na’a zante tanagra knazana e’nerita, Ra Anumzana Miko’zama Kegavama Hu’nea Anumza mani’ne huta Nagrikura keta antahita hugaha’e.
Tamage huankino, mago ne’mo’o, mago’a zagagafamo’zama tamahe’za tamagri korama eri fegi tesige’na, Nagranena ahena agri korana eri fegi atregahue. Mago’mo nefuma ahe frisnige’na, Ngaranena, agrira ahe frigahue.
Na’a higeno kefo avu’ava’ma nehia vahe’mo’a Anumzamoka amagena hunegamino, havi avu’ava’ma hua zantera nona osugahie huno agesa nentahie? Hianagi Ra Anumzamoka hazenkema e’neri’za knazampima maniza vahera kenka antahinka nehanankinka, hazenkema zamiza vahera kagra’a kazanuti nona huzmantegahane. Zamagra’ama zamazama hugama osu’naza vahe’mo’za kagrite zamentintia nehaze. Kagra megusa mofavrerami zamazahu Anumza mani’nane.