Consequências dos nossos atos

12 तैही लागणअ हाम्हां सोभी बी परमेशरा सम्हनै आपणैं-आपणैं कामों साब-कताब दैणअ।

6 परमेशरा दैणअ सोभी लै तिन्‍नें कामां भाल़ी तिन्‍नां लै बदल़अ।✝

7 ज़ुंण भलै कामां दी टेक्‍की रहे, अर प्रतप्प, अदर अर ज़िन्दगीए लोल़-तोप करदअ होए, तिन्‍नां लै दैणीं परमेशरा सदा रहणैं आल़ी ज़िन्दगी।

8 पर ज़ुंण सिधअ आपणैं ई बारै सोठणैं आल़अ, ज़ुंण सत्त नांईं मंदअ अर ज़ुंण कदुष्ट काम करा, तिन्‍नां लै एछणी परमेशरा रोश्शै अर तिन्‍नां लै दैणीं घोर सज़ा। 9 दुख-सांगट एछणअ तिन्‍नां सोभी मणछा लै, ज़हा कदुष्ट कामां करनैओ भैस्स आसा पल़अ द, परमेशरा करनअ पैहलै यहूदी मणछो नसाफ अर तेखअ करनअ तिन्‍नों नसाफ ज़ुंण यहूदी निं आथी। 10 पर प्रतप्प, अदर अर शांतीए आत्मां भेटणीं तिन्‍नां, ज़हा भलै कामां करनैओ भैस्स आसा पल़अ द, पैहलै यहूदी लै तेखअ तिन्‍नां ज़ुंण यहूदी निं आथी। 11 किल्हैकि परमेशर निं कोही लै पक्षपात करदअ।✝

16 ज़ुंण दान परमेशरै हाम्हां लै दैनअ सह निं आदमीए पाप करनै ज़िहअ आथी, किल्हैकि आदमीए एक पाप करनै पिछ़ू आई सज़ा। पर एही ता किऐ हाम्हैं खास्सै पाप पर परमेशरै दैनअ हाम्हां लै दान ताकि सह हाम्हां आप्पू संघै धर्मीं बणांए। 17 एकी मणछ आदमीए पाप करनै पिछ़ू आई सोभी मणछा लै मौत। पर ऐबै दैनअ परमेशरै हाम्हां सोभी लै महान दान अर तेऊ बणाऐं हाम्हैं आप्पू संघै धर्मीं। अह गल्‍ल बी आसा पाक्‍की हाम्हां करनअ मसीहा संघै स्वर्गै राज़। अह हणअ तेता करै ज़ुंण एकी मणछै मसीहा ईशू हाम्हां लै किअ।

दुजै लै दोश निं लाणअ

1 "होरी लै दोश निं लाणअ, तै निं तम्हां लै बी दोश लागणअ अर नां तेते सज़ा पल़णीं भुगतणी। 2 किल्हैकि ज़िहअ तम्हैं दुजै लै दोश लाआ, तिहअ ई दोश लागणअ तम्हां लै बी। ज़ेऊ ढाल़ै तम्हैं होरी संघै बर्ताअ करा तेऊ ढाल़ै हणअ तम्हां संघै बी बर्ताअ अर तम्हां भेटणअ होर बी खास्सअ।

36 "हुंह खोज़ा तम्हां का सत्त कि मणछा ज़ुंण बृथा गल्‍ला बोल़णीं, तेभै भेटणीं तिन्‍नां तेते साबै सज़ा ज़ेभै परमेशरा नसाफ करनअ कि तम्हैं खाखा का किज़ै-किज़ै बोलअ।

12 किल्हैकि परमेशरो बैण आसा ज़िऊंदअ, शगती आल़अ अर दुही बाखा तिछी तलबारा का बी तिछअ। सह करा आत्मां, प्राण, गांठ-गांठ अर हर ज़ोल़ ज़ुदै करी छ़िन्ह-बिन्ह। सह हेरा मन्‍नें गल्‍ला अर म्हारी सोठ परखी।✝

13 कोहिए निं एही किछ़ै गल्‍ला आथी ज़ुंण तेऊ का थोघ निं आथी ज़ुंण हाम्हां तेऊ का खोज़णीं लागे कि हाम्हैं आपणीं ज़िन्दगी दी किज़ै किअ, तेऊए आछी सम्हनै आसा सोभै गल्‍ला घुआल़ी अर प्रगट।

3 ज़हा सोर-समझ़ हुई सह मणछ हेरा ज़ाणीं कि आफ़त च़ाल्‍ली पल़ी अर सह जाआ चतैन हई अर सह हटा पिछ़ू,

पर ऐडअ मणछ डेओआ आजू तैहा ई आफ़ता जैंदरी तेते सज़ा भुगतदअ।

12 अक्ली करै हणअ थारअ ई नफअ,

पर ज़ै तम्हैं अक्लीओ सुहांग करे, तेतो घाटअ बी लागणअ तम्हां ई खाणअ।

25 बिधाता लै मानत मनी निं तम्हैं मणछ आप्पू लै फाही पाई,

तेता का आजी लणअ राम्बल़ै करै बच़ार करी।

दोश बल़ी करनैओ बधान

1 "ज़ै तम्हां मांझ़ै कुंण दालता दी एही शुची गल्‍ले शाजत दैणैं का सोह खाई करै बी हुधिए ज़ुंण तेऊ आपणीं आछी हंदी भाल़ी, सह बी आसा पाप अर तेते भेटणीं तेऊ सज़ा।

17-19 "ज़ै कुंण मणछ भूला-बिस्सरा मंऐं बिधाता खोज़ै दै बधाना मनणा लै च़ूक करे, तेऊ बी लागणअ दोश अर तेते सका तेऊ सज़ा भुगतणी पल़ी। ज़ेभै तेऊ आद फिरे कि तेऊ किअ किज़ै इहअ पाप। सह आणै एक भेडा-बाकरीए हेल़्ही मांझ़ा का एक गाभू प्रोहता सेटा लै ज़ेथ किछ़ै खोट निं होए, कि दैऐ सह तेऊ एकी गाभूओ मोल। प्रोहत करै तेऊ दोश बल़ी लै बल़ीदान अर इहअ करै हणअ तेऊ मणछो सह पाप माफ।"

17 "आपणैं मन्‍नैं निं कहा लै ज़ीद डाही, पर ज़ै तेरअ साथी-संघी भूल करे, तेऊ लऐ तेता लै ज़रूर नैरी, नांईं ता तेऊए पापा लै हणअ तूह दोशी।✝

13 पृथूई हणीं एथ बस्सै दै लोगे कदुष्ट कामां करै उज़र अर शुन्‍नीं।

49 तम्हां दूई बैहणी ज़ुंण बरेल़्हुई, तेऊ पापो फल लागणअ तम्हां भुगतणअ। मुंह लणी तम्हां लै थारी मुहुर्ती पूज़ा करने सज़ा दैई। तेखअ लागणअ तम्हां का थोघ कि हुंह आसा थारअ परमेशर बिधाता।"

5,6 "मंऐं बिधाता आसा मणछ आपणैं रुपै आप्पू ज़िहै बणाऐं दै, ज़ै कुंण मणछ या ज़ीब कहा मणछा मारे तेऊ लै दैणीं मुंह सज़ा। ज़ै कुंण ज़ीब कहा मारे सह बी आसा मारनै जोगी। ज़ै कुंण मणछ होरी ज़ीबा मारे सह मणछ बी आसा मारनै जोगी।✝

13 कदुष्ट मणछ निं तेरी इज़त करदै,

तिंयां बोला इहअ पै, "परमेशर निं हाम्हां लै सज़ा दैंदअ!"

14 पर तूह हेरा भाल़ी, ताखा जाआ खरी अर आफ़ता शुझुई,

तूह हआ हर बगत मज़त करना लै तैर्हुई रहअ द।

रैनै-गरीब लआ तेरी शरण अर

छ़ुटै-मुक्‍कै दै लान्हैं निं तूह कल्ही छ़ाडदअ।