Consequências dos nossos atos

12 एकोलाय अमी लक हरेक परमेस्वर ला आपरो लेखा देवनो सेत।

6 काहेका नियाव को दिवस मा अमिना जोन काम करयो सेत वोको अनुसार अमिला ईनाम भटेत।✝ मजे "जसो करनी तसोच भरनी" 7 काही लोकहुन साजरा करतत, अना मान गौरव, अना अमर जिंदगी चाव्हा सेत। परमेस्वर उनला अमर जिंदगी देहेत। 8 काही लोकहुन सुवारथी सेत, अना गलत काम करा सेत, सही काम करन लाय, वोको हुकूम ला नही माना सेत। उनको मा परमेस्वर को गुस्सा दिसायेत। 9 हरेक मानूस, जोन बूरो करासे, वोका पर दुख अना सकंट आहेत, पयले यहूदी पर, मंग गैरयहूदी पर। 10 हरेक मानूस जोन साजरो काम करासे, वोला महिमा मान, अना सान्ती मिल्हेत, पहले यहूदी मंग गैरयहूदी गीनला। 11 परमेस्वर कोनी को तरफदारी नही करा से।

16 एक मानूस को गलती अना परमेस्वर को बरदान को बरोबरी नाहती। एक को गलति को कारन लक दन्ड को हुकूम दियो गयो। पर गजब गलती को मघा बरदान दियो गयो, जोन लक पाप लक छिमा मिल गयो। 17 यो सचसे का मरन को राज, एक मानूस को गलति को कारन, एक च लक सुरु भई। पर एको फर लक कहि लगत जोन लोकगीन ला परमेस्वर को किरपा अना धरमिपन को बरदान ज्यादा लक ज्यादा मिलहेत। वय एकच मानूस यीसु मसीह को लक पाप को छिमा भेटत।

दुजो गीन पर दोस नही डाकना

1 "दोस नोको लगावो, जेनको लक तुमरो पर भी दोस लगायो जाहेत। काहेकी, 2 ✝जोन रीती लक तुमी दोस लगावासो, ओनोच रीती लक तुम पर भी दोस लगायो जाहेत, अना जोन पायली मा तुमी नापासेव, ओनोच पायली लक तुमला भी नापो जाहेत।

36 मि तुमी लक कव्हसू, "का जोन-जोन खोटो अना फालतू सबद मानूस कव्हसेत, न्याय को दिवस वय हर एक ओनो गोस्टी को लेखा देहेत।"

12 काहेका परमेस्वर को बचन जित्तो, अना ताकतवर, अना कोनी भी दुइ धारवालो तरवार लक पैनो सेत। उ जान मन जोड अना मास ला आर को पार छेदन लायक सेत, अना मनको बिचार अखीन भावना ला परखसेत। 13 परमेस्वर लक कोनी भी चीज लुको नाहती। वोको डोरा को सामोर सब काही उघड़ो सेत। वोकोच लेखा अमी ला देवनो सेत।

5 अना मी पक्को तुमरो खून मजे परान को बदला लेहू। जनावर अखीन मानूस दूई लक बदला लेहू। मानूस को परान को बदला मी एक-एक भाऊ गिनलक लेहू।