Consolo

4 चाए आऊँ बऊत जादा न्हेरिया काअटिया रे ऊई की चलूँ,

तेबे बी कोई अनिष्ट ऊणे ते नि डरदा,

कऊँकि ओ प्रभु, तूँ मां साथे ए,

तेरे चराणे वाल़े री सोठी ओर डण्डा मेरी रक्षा करोए।

परमेशरो री जोति मेरा उद्धार

1 यहोवा मेरी जोति ए जो माखे बचाओई।

आऊँ केसी ते नि डरदा।

यहोवा मेरी रखवाल़ी आपू करोआ ओर आऊँ कदी बी चिन्ता नि करदा।

50 मेरे दु:खो दे माखे शान्ति तिजी तेई ऊई री,

कऊँकि तेरे वचनो रे जरिए मैं जिन्दगी पाई राखी।

76 माखे आपणी करूणा साथे शान्ति दे,

कऊँकि तैं आपणे दासो ते एड़ा ई वादा करी राखेया।

25 जो यहोवे खे न्याल़ोए ओर तेसगे जाओए, तिना खे यहोवा खरा ए।

25 पर माखे तो निश्चा ए कि मेरा छुड़ाणे वाल़ा परमेशर जिऊँदा ए

ओर से अन्तो रे माखे बचाणे रिया तँईं आऊणा।*

26 मेरा शरीर बमारिया रे जरिये नाश ऊणे ते बाद बी,

एते शरीरो दे रंदे ऊए मां परमेशर देखणा।

2 देखो, परमेशर मेरी रक्षा करने वाल़ा ए, मां परोसा राखणा ओर डरना नि,

कऊँकि यहोवा मेरी तागत ओर मां तेसरा पजन गाणा ए,

ओर से मेरा उद्धार करने वाल़ा ऊईगा रा।"*

8 ओर तांते आगे-आगे चलणे वाल़ा यहोवा ए, से तां साथे रणा ओर तेस ताखे आसरा देणा ओर ना तूँ छाडणा, इजी री खातर डर नि ओर ना नराश ओ।"*

9 याद राख कि मैं ताखे आज्ञा देई राखी, "याओ बानी की पक्का ऊई जा; इजी री खातर ना तो डरना ओर ना कबराणा, कऊँकि जेती-जेती तूँ जाणा, तेती-तेती तेरा प्रभु परमेशर तां साथे रणा।"

6 तेबेई तो आसे परोसा करी की बोलूँए,

"प्रभु मेरी मताद करने वाल़ा ए, मां नि डरना।

माणूं मेरा कुछ नि करी सकदा।"

4 धन्य ए सेयो, जो शोग करोए,

कऊँकि परमेशरो तिना खे शान्ति देणी।

7 पर मां परमेशरो खे मतादा रिया तँईं ताकदे रणा, मां आपणे उद्धार करने वाल़े परमेशरो री बाट न्याल़दे रणा, मेरे परमेशरो मेरी सुणनी।

18 "मां तुसे अनाथ नि छाडणे, आऊँ तुसा गे वापस आऊँआ।