Conversão
A conversão é o ato de se voltar para Deus — arrependendo-se do pecado e abraçando a graça. É o início de uma vida nova, transformada pelo amor de Cristo.
Arrependei-vos
Arrependei-vos e convertei-vos para que os vossos pecados sejam apagados. A conversão começa com a mudança de mente e coração.
ስም ጾሳይ ህንተንቱ ናጋራ ማራናዳን፥ ጎዳ ማታፐ አያና ምኖተ ዎዲ ህንተንቶ ያናዳንነ ጾሳይ የሱስ ክርስቶሳ ካሰ ህንተንቶ ኦደቶዋዳን የዳናዳን፥ ህንተንቱ ናጋራ ፓጺደ ጾሳኮ ስምተ።
ጰጽሮስ ኡንቱንታ፥ "ህንተንቱ ናጋራይ አቶ ጌተታና ማላ፥ ናጋራፐ ስሚደ፥ ህንተንቱ ሁጲያን ሁጲያን የሱስ ክርስቶሳ ሱንን ጻማቀትተ። ጾሳይ እምያ ጌሻ አያና ህንተንቱ አካና።
ሄዋ ድራዉ፥ ጾሳይ አሳይ ኤርቤና ዎድያ አዳ፤ ሽን ሀእ ኡባ ሳን አሳይ ኡባይ ናጋራፐ ስማና ማላ አዛዜዳ።
ሄ ዎድያፐ ዶሚደ የሱስ፥
"ህንተ ናጋራ ፓጽተ፤ አያዉ ጎፐ፥
ሳሉዋ ካዉተይ ማታቴዳ ድራሳ"
ጊደ ቃላ ኦዱዋ ዶሜዳ።
ስም ህንተ፥ ህንተንቱ ናጋራፐ ስሜዳዋ ኤርስያ ኦሱዋ፥ ኦተ።
"ዎዲ ጋኬዳ፤ ጾሳ ካዉተይካ ማታቴዳ። ህንተንቱ ናጋራፐ ስሚደ፥ ዎንጋላ ምሽራቹዋ አማንተ" ያጌዳ።
O amor de Deus converte
Céu se alegra por um pecador que se arrepende. Deus não deseja a morte do ímpio, mas que se converta e viva.
ሄዋዳንካ ናጋራ ፓጸ ኮሸና ኡዱፑ ታማነ ኡዱፑ ጽላቱዋፐ አደ ናጋራ ፓጽያ እት ናጋራንቻን ሳሉዋን ዳሮ ናሸቻይ ግዳናዋ።
ሄዋዳንካ ናጋራ ፓጽያ እት ናጋራንቻ ጋሶተን ጾሳ ኪታንቻቱዋ ስንን ናሸቻይ ሀናናዋ" ያጌዳ።
ታን ዬዳዌ፥ ናጋራንቻቱ ባረንቱ ናጋራ ፓጺደ ስማናዳናፐ አትን፥ ጽላቱዋ ጼሳናዉ ያበይከ" ያግ ዛሬዳ።
ታን እት አሳ ሀይቁዋንነ ናሸትከ። ሄዋ ድራዉ፥ ህንተ ናጋራ ፓጽ ስሚደ፥ ፓጻ ደእተ! ታን ኡባ ሞድያ መና ጎዳይ ሀዋ ኦዳይ" ያጌዳ።
" ‘ሽን ናጋራንቻይ ባረ ኦዳ ናጋራ ኡባፐ ስሚደ፥ ታ አዛዙዋ ናጎፐነ ቱሙ ፕርዳነ ሱረተ ኦፐ፥ እ ቱሙ ፓጻ ደአናፐ አትና ሀይቀና።
መና ጎዳ ቃላይ ታኮ ሀዋዳን ያጊደ ዬዳ፤ "እስራኤልያ ቢታባ ህንተ፥ ‘አዎቱ ጋምኤ ዎይንያ ሚና፥ ናናቱዋ አቻይ ዝልኤዳ’ ጊደ ህንተ ሌምስያዌ አዬ? ታን ኡባ ሞድያ መና ጎዳይ ታ ደኡዋን ጫቃይ: ሀዋፐ ስንዉ ህንተ እስራኤልያ ቢታን ሀ ሌምሱዋ ሌምስክታ። አሳ ኡባ ሸምፑ ታዋ፤ አዉዋ ሸምፑካ ናኣ ሸምፑካ ታዋ። ናጋራ ኦያ ሸምፑ እ ባረዉ ሀይቃና።
"እት አሳይ ጽሎ ግዶፐ፥ ቱሙ ፕርዳነ ሱረተ ኦፐ፥ እ ደርያ ቦላ ደእያ ኤቃዉ ጎይንያ ሳአቱዋን ማና ዮፐ፥ እ እስራኤልያ አሳ ኤቃዉ ጎይናና ዮፐ፥ ባረ ሾሩዋ ማጫ አሳ ቱንሳና ዮፐ፥ ቃይ ፒላይ ዬዳ ማጫሳና ግሳና ዮፐ፥ ኦናነ ኡቁናና ዮፐ፥ አጮ ኦይቄዳዋ ጉየ ዛሮፐ፥ እት ኡራነ ቦንቃና ዮፐ፥ ባረዉ ደእያዋፐ ኮሻቴዳ አሳ ምዞፐ፥ ካሎቴዳዋ ማይዞፐ፥ እ ዎያ አካናዉ ድቻዉ ታልአና ዮፐ፥ ባረ ኩሽያ ባላፐ ሺሽ አኮፐ፥ አሳ ግዶን ቱሙዋ ፕርዶፐ፥ ታ ህግያን ሄመቶፐ፥ ታ ዎጋካ አማነቲደ ናጎፐ፥ ያቶፐ፥ እ ጽሎ አሳ፥ እ ቱሙ ፓጻ ደአና። ታን ኡባ ሞድያ መና ጎዳይ ሀዋ ኦዳይ።
"ሀ ብታንያዉ ሸምፑዋ ዎያ፥ ዎይ ሀዋፐ ካሊደ ደእያዋንቱፐ ሀቃዋ ግድናካ ኦያ እት ኢታ ናአይ ደኦፐ፥ ባረ አዉ ኦቤናዋ ኡባባ ኦ። እ ደርያ ቦላ ደእያ ኤቃዉ ጎይንያ ሳአቱዋን ሜ፤ እ ባረ ሾሩዋ ማጫ አሳ ቱንሴ፤ እ ህዬሳነ ማንቁዋ ኡቁኔ፤ እ አሳባ ቦንቄ፤ አጮ ኦይቄዳዋ ዛረና፤ ኤቃዉካ ጎይኔ፤ ቱናባካ ኦ፤ እ ድቻዉ ታልኢደ፥ ዎያ አኬ። ሄዋ ማላ አሳይ ፓጻ ደአኔ? ቱይት፥ እ ፓጻ ደኤና! እ ሄዋ ማላ ቱናባ ኦዳ ድራዉ፥ እ ቱማ ሀይቃና፤ አ ሱ አጩካ አ ቦላና ግዳናዋ።
"ሀ ኢታ ብታንያዉ ናአይ ደኦፐ ሄ ናአይ ባረ አዉ ኦያ ሀ ናጋራ ኡባ በኢደ፥ እ ሄዋ ማላባ ኦና ዮፐ፥ እ ደርያ ቦላ ኤቃዉ ጎይንያ ሳአቱዋን ማና ዮፐ፥ እስራኤልያ አሳ ኤቃዉ ጎይናና ዮፐ፥ እ ባረ ሾሩዋ ማጫ አሳ ቱንሳና ዮፐ፥ እ ኦናነ ኡቁናና ዮፐ፥ አጮ ኦይቄዳዋ ጉየ ዛሮፐ፥ እ አሳዋ ቦንቃና ዮፐ፥ ባረዉ ደእያዋፐ ኮሻቴዳዋንታ ምዞፐ፥ ካሎቴዳዋንታካ ማይዞፐ፥ እ ባላፐ ኩሽያ ሺሽ አኮፐ፥ ዎያ አካናዉ ድቻዉ ታልአና ዮፐ፥ እ ታ ህግያ ናጎፐ፥ ታ ዎጋንካ ሀመቶፐ፥ ያቶፐ፥ እ ፓጻ ደአናፐ አትና፥ ባረ አዉዋ ናጋራን ሀይቀና። ሽን አ አዉ አሳ ማታ ቦንችቤና ድራዉ፥ ባረ እሻቱዋካ ዎልቃን ቦንቄዳ ድራዉነ ባረ አሳ ግዶን ኢታ ኦዳ ድራዉ፥ ባረ ናጋራን ሀይቃና።
"ሽን ህንተ፥ ‘ናአይ ባረ አዉዋ ናጋራን አያዉ ሙረተኔ ያጊታ። ናአይ ቱሙ ፕርዳነ ሱረተ ኦደ፥ ታ ህግያ ምንሲደ ናጎፐ፥ እ ቱሙ ፓጻ ደአና። ናጋራ ኦያ ሸምፑ እ ባረዉ ሀይቃና። ናአይ አዉዋ ናጋራን ሙረተና፤ ሄዋዳንካ፥ አዉ ናኣ ናጋራን ሙረታና። ጽሎ አሳ ጽሎተይ ሄ አዉዋሳ ግዳናዋ፤ ኢታ አሳ ኢታተይካ ሄ አዉዋሳ ግዳናዋ።
" ‘ሽን ናጋራንቻይ ባረ ኦዳ ናጋራ ኡባፐ ስሚደ፥ ታ አዛዙዋ ናጎፐነ ቱሙ ፕርዳነ ሱረተ ኦፐ፥ እ ቱሙ ፓጻ ደአናፐ አትና ሀይቀና። እ ኦዳ ናጋራፐ እቱነ ቆፈተና። ባረ ኦዳ ጽሎ ኦሱዋ ድራዉ፥ እ ፓጻ ደአና። ናጋራንቻይ ባረ ኦግያፐ ስሚደ፥ ፓጻ ደእያዋን ናሸታይፐ አትና፥ ታን ኡባ ሞድያ መና ጎዳይ አ ሀይቁዋን ናሸትከ።
" ‘ሽን ጽሎ አሳይ ባረ ጽሎተፐ ጉየ ስሚደ፥ ናጋራንቻ አሳይ ኦያ ናጋራነ ቱና ኦሱዋ ኦፐ፥ እ ፓጻ ደአኔ? ቱይት፥ እ ኦዳ ጽሎ ኦሱዋፐ እቱነ ቆፈተና፤ እ አማነተናን እጼዳ ድራዉነ እ ኦዳ ናጋራ ኡባ ድራዉ፥ እ ሀይቃና።
" ‘ሽን ህንተ፥ ጾሳ ኦጊ ሱረ ግደና’ ያጊታ። ህንተኖ፥ እስራኤልያ አሳቶ፥ ሀእ ስስተ! ሱረ ግደናዌ ታ ኦጌ? ሱረ ግደናዌ ህንተ ኦግያ ግደኔ? ጽሎ አሳይ ባረ ጽሎተፐ ጉየ ስሚደ፥ ናጋራ ኦያ ዎደ፥ ባረ ናጋራን ሀይቄ። እ ባረ ኦዳ ናጋራ ድራዉ ደኡዋን ደኤና። ሽን ኢታ አሳይ ባረ ኢታተፐ ጉየ ስሚደ፥ ቱሙ ፕርዳነ ሱረተ ኦያ ዎደ፥ እ ባረ ሸምፑዋ አሻና። እ ባረ ኦዳ ናጋራ ኡባ አኬኪደ ስሜዳ ድራዉ፥ እ ቱሙ ፓጻ ደአናፐ አትና ሀይቀና። ሽን እስራኤልያ አሳቱ፥ ጾሳ ኦጊ ሱረ ግደና ያጌድኖ። ህንተኖ፥ እስራኤልያ አሳቶ፥ ሱረ ግደናዌ ታ ኦጌ? ሱረ ግደናዌ ህንተ ኦግያ ግደኔ?
"ሄዋ ድራዉ፥ ህንተኖ፥ እስራኤልያ አሳቶ፥ ታን ህንተና ኡባካ ህንተ ኦግያዳን ኦግያዳን ፕርዳና። ናጋራይ ህንተ ዮ ጋሶ ግደናዳን ፓጽተ፤ ህንተ ባይዙዋ ኡባፐካ ስምተ። ታን ኡባ ሞድያ መና ጎዳይ ሀዋ ኦዳይ። ህንተ ናቄዳ ናቁዋ ኡባ ህንተፐ ሃሲደ፥ ኦራ ዎዛናነ ኦራ አያና አክተ። ህንተኖ እስራኤልያ አሳቶ፥ አያዉ ሀይቂቴ? ታን እት አሳ ሀይቁዋንነ ናሸትከ። ሄዋ ድራዉ፥ ህንተ ናጋራ ፓጽ ስሚደ፥ ፓጻ ደእተ! ታን ኡባ ሞድያ መና ጎዳይ ሀዋ ኦዳይ" ያጌዳ።
እቱ እቱ ቆፕያዋዳን፥ ጎዳይ ባረ ኦና ጌዳዋ ኦናዉ ታከና፤ ሽን ኦንነ ባረ ናጋራፐ ስማናዳን ኮዬፐ አትን፥ ኦንነ ያና ማላ ኮየና ድራዉ፥ ህንተዉ ጊደ ዳንዳያን ጋምኤ።
Transformação
Voltai-vos para mim e sereis salvos! Rasgai o coração e não as vestes. A verdadeira conversão transforma o interior.
ኢታይ ባረ ኦሱዋ፥ ናጋራንቻይካ ባረ ቆፋ አጎ፤ ጾሳኮ እ ስሞ። እ አ ማራና። እ ኑ መና ጎዳኮ ስሞ። እ አዉ ጮ አቶ ጋና።
ታን ነ ባይዙዋ ሻርያዳን፥ ነ ናጋራካ ጫጋናዳን ቁጫድ። ታን ኔና ዎዜዳ ድራዉ፥ ታኮ ስማ" ያጌ።
መና ጎዳይ ሀዋዳን ያጌ፤ "ሀእካ ጾሚደ፥ ዬኪድነ ካዮቲደ ፖሎ ዎዛናፐ ታኮ ስምተ።
ህንተ ዎዛናፐ አትና፥ ህንተ ማዩዋ ፔፕተ" ያጌ።
መና ጎዳኮ፥ ህንተ ጾሳኮ፥ ስምተ፤ አያዉ ጎፐ፥ እ ቃረታይነ ማሮታይ ኩሜዳዋ፤ ሀንቆ ኤሌለናዋነ ሲቁ ዳሬዳዋ፤ እ ህንተና ሙራናዉ ኮየናዋ።
ታ ሱንን ጼሰቴዳ ታ አሳቱ ባረንቱ አሳተ ካዉሺደ ዎሶፐ፥ ኡንቱንቱ ታና ኮዮፐነ ባረንቱ ኢታ ኦግያፐ ስሞፐ፥ ታን ሳሉዋን ኡንቱንቱ ዎሳ ስሳና። ኡንቱንቱ ናጋራ አቶ ጋና፤ ኡንቱንቱ ቢታካ ፓና።
መና ጎዳ እስራኤልያ ጾሳ ፓስጋ ባላ ቦንቻናዉ፥ የሩሳላመን ደእያ መና ጎዳ ጌሻ ጎልያ እስራኤልያ አሳይ ኡባይነ ይሁዳ አሳይ ኡባይ ያናዳን ህዝቂያሰ ኪቴዳ፤ ቃይ ኤፍሬማ አሳዉነ ምናሰ አሳዉ ዳብዳቢያ ጻፌዳ። ካቲ፥ ካፓቱነ፥ የሩሳላመን ሺቄዳ አሳይ ኡባይ ፓስጋ ባላ ላኤን አግናን ቦንቻናዉ ቆፋ ቃቼድኖ። ፓይድና ግድያ ቄሳቱ ባረንቱ ሁጲያዉ ጌይቤና ድራዉነ ዳሮ አሳይካ የሩሳላመን ሺቅቤና ድራዉ፥ አሳይ ፓስጋ አ ዎድያን፥ ኮይሮ አግናን ቦንቻናዉ ዳንዳይቤና። ሄ ቆፋይ ካትያነ ሺቄዳ አሳዉ ሎኦ ቆፋ ግዴዳ። ሄዋ ድራዉ፥ መና ጎዳ እስራኤልያ ጾሳ ፓስጋ የሩሳላመን ቦንቻናዉ በርሳበሄፐ ዶሚደ ዳና ጋካናዉ ደእያ እስራኤልያ አሳይ ኡባይ ያናዳን አዋያናዉ ቆፋ ቃቼድኖ። አያዉ ጎፐ፥ ሀ ፓስጋ ባላባይ ካሰ ህግያን ጻፈቴዳዋዳን ዳሮ አሳይ ቦንችቤና።
ካቲነ ካትያ ካፓቱ አዛዝና፥ ኪተቴዳዋንቱ እስራኤልያ ቢታ ኡባነ ይሁዳ ጋድያ ኡባ ሀዋዳን ያግያ ዳብዳቢያ አኪደ አፌድኖ፤ "እስራኤልያ አሳዉ፥ አሶረ ጋድያ ካተቱዋ ኩሽያፐ ከስ አኪደ፥ ህንተንቱ ቢታን አቴዳ ህንተንቱኮ እ ስማናዳን፥ ህንተንቱካ መና ጎዳኮ፥ አብራሃማ፥ ይሳቃነ እስራኤልያ ጾሳኮ ስምተ! ባረንቱ መና ጎዳዉ፥ ባረንቱ አዎቱዋ ጾሳዉ አማነትቤና ህንተንቱ አዎቱዋዳንነ ህንተንቱ እሻቱዋዳን ሀኖፕተ። ህንተንቱ ኤርያዋዳን ጾሳይ ኡንቱንቱ ዎልቃማ ሙሩዋ ሙሬዳ። ህንተንቱ መና ጎዳዉ አዛዘትተፐ አትና፥ ካሰ ህንተንቱ አዎቱዋዳን ህንተንቱ ሞርግያ ጋፍሶፕተ! ጾሳይ መናዉ ጌሼዳ ጌሻ ጎልያ ሃ ዪተ። ጾሳ ሀንቁ ኤጽያዌ ህንተንቱ ቦላፐ ክቻናዳን፥ መና ጎዳዉ፥ ህንተንቱ ጾሳዉ፥ ጎይንተ። ህንተንቱ መና ጎዳኮ ስሞፐ፥ ህንተንቱ እሻቱዋነ ህንተንቱ ናናይ ባረንታ ኦሞዴዳዋንቱ ስንን ማሮታ ደሚደ፥ ሀ ጋድያ ስማና። አያዉ ጎፐ፥ መና ጎዳይ ህንተንቱ ጾሳይ ቃረትያዋነ ማርያዋ። ህንተንቱ አኮ ስሞፐ፥ ባረ ስን ህንተፐ ዎራ ዛረና" ያግያዋ።
ኪተቴዳዋንቱ ኤፍሬማ ጋድያነ ምናሰ ቢታ አደ፥ ዛብሎና ቢታ ጋካናዉ ካታማፐ ካታማ ቤድኖ። ሽን ሄ ካታማቱዋን ደእያ አሳቱ ኡንቱንቱ ካደ፥ ኡንቱንቱ ቦላ ሚጬድኖነ ቅሊጬድኖ። ግዶፐነ፥ አሴራ አሳቱዋፐ፥ ምናሰ አሳቱዋፐነ ዛብሎና አሳቱዋፐ አማሬዳ አሳቱ ባረንታ ካዉሺደ፥ የሩሳላመ ዬድኖ። ካቲነ ካትያ ኦሳንቻቱ መና ጎዳ ቃላ ማራን አዛዜዳዋ፥ ይሁዳ አሳይ እት ዎዛናን አዛዘታናዳን፥ ጾሳ ኩሺ ይሁዳ አሳ ቦላ ደኤዳ።
ላኤን አግናን እርሹ ገልቤና ኡክ ባላ ቦንቻናዉ ሎይ ዳሮ አሳይ የሩሳላመን ሺቄዳ። ኡንቱንቱ ደንዲደ፥ የሩሳላመን ደእያ ያርሽያ ሳኣ ቆሊደ፥ እጻና ጩዋይያ ሚሻ ኡባ ድጊደ፥ ቀድሮና ዛንጋራን ኦሌድኖ። ሄዋፐ ጉይያን፥ ላኤን አግናን፥ ታማነ ኦይደን ጋላስ ፓስጋ ዶርሳ ሹኬድኖ። ባረንቱ ሁጲያዉ ጌይቤና ቄሳቱ ነ ሌዋቱ ዬላቲደ፥ ባረንቱ ሁጲያዉ ጌዬድኖ፤ ያቲደ ጹግያ ያርሹዋ መና ጎዳ ጌሻ ጎልያ አሄድኖ። ጾሳ አሳ ግድያ ሙሴ ህግያዳን፥ ጌሻ ጎልያ ግዱዋን ባረንቱ ሳኣን ሳኣን ኤቄድኖ፤ ቄሳቱ ሌዋቱ ኩሽያፐ አኬዳ ሱ ጫጫፌድኖ።
ሄ ሽቁዋ ግዶን ጌይቤና ዳሮ አሳቱ ደኢኖ። ሄዋ ድራዉ፥ ፓስጋ ዶርሳቱዋ መና ጎዳዉ ሹካናዉ ዳንዳይክኖ፤ ሌዋቱ ኡንቱንቱ ኮታን ፓስጋ ዶርሳ ሹኪደ መና ጎዳዉ ሺሼድኖ። ኤፍሬማ ዛርያፐ፥ ምናሰ ዛርያፐ፥ ይሳኮራ ዛርያፐነ ዛብሎና ዛርያፐ ዳሮ አሳቱ ህጊ አዛዝያዋዳን ባረንቱ ሁጲያዉ ጌይቤናዋ ግዶፐነ፥ ፓስጋ ባላ ሜድኖ። ሄዋ ድራዉ፥ ካቲ ህዝቂያሰ ኡንቱንቶ ዎሲደ፥ "አቤት፥ አሳ ኡባዉ ሎኦ መና ጎዳዉ፥ ሀዋንቱ ህጊ አዛዝያዋዳን ባረንቱ ሁጲያዉ ጌይቤናዋ ግዶፐነ፥ ኡንቱንቱ ነዉ፥ መና ጎዳዉ፥ ባረንቱ አዎቱዋ ጾሳዉ ጎይኒኖ። ሄዋ ድራዉ፥ ኔን ኡንቱንቶ አቶ ያጋ" ያጊደ ዎሴዳ። መና ጎዳይ ህዝቂያሳ ዎሳ ስሲደ፥ ኡንቱንታ ፓዳ።
የሩሳላመን ሺቄዳ እስራኤልያ አሳይ እርሹ ገልቤና ኡክ ባላ ዎልቃማ ናሸቻን ላፑን ጋላስ ቦንቼዳ። ሌዋቱነ ቄሳቱ የ ሚሻን የጺደ፥ ጋላስ ጋላስ መና ጎዳ ጋላቲኖ። ሄዋፐ ጉይያን፥ ህዝቂያሰ መና ጎዳ ኪታን አኬካንቻ ግድያ ሌዋቶ ሃሳዪደ፥ ኡንቱንቱ ምንዳ።
አሳይ ኡባይ እትፐተ ያርሹዋ ያርሺደ፥ መና ጎዳ ባረንቱ አዎቱዋ ጾሳ ጋላቲደ፥ ሚድነ ኡሺደ፥ ባላ ላፑን ጋላስ ቦንቼድኖ። ኩመን ያአይ ባላ ሀራ ላፑን ጋላሳ ጉጂደ ቦንቻናዉ ማዬዳ፤ አሳይ ላፑን ጋላስ ባላ ናሸትደ ቦንቼዳ። አያዉ ጎፐ፥ ይሁዳ ካቲ ህዝቂያሰ ያርሹዋ ያርሻናዉ፥ ሻአ ኮሩማቱዋ፥ ላፑን ሻአ ዶርሳቱዋነ ዴሻቱዋ ያአዉ እሜዳ፤ ቃይ ካፓቱ ሻአ ኮሩማቱዋነ ታሙ ሻአ ዶርሳቱዋ ያአዉ እሜድኖ። ሎይ ዳሮ ቄሳቱ ካ ባረንቱ ሁጲያዉ ጌዬድኖ። ኩመን ይሁዳ ያአይ፥ ቄሳቱ፥ ሌዋቱ፥ እስራኤልያፐ ዬዳ አሳይ ኡባይነ ካሰ እስራኤልያ ጋድያፐ ዪደ፥ ይሁዳ ቢታን ደኤዳ አሳይ ኡባይ ናሸቴዳ። ዳዊታ ናኣ፥ እስራኤልያ ካትያ ሶሎሞነ ዎድያፐ ዶምና፥ ሀቼ ጋካናዉ፥ የሩሳላመን ሀዋ ማላትያ ባል ቦንቼት ኤረና ድራዉ፥ የሩሳላመን አሳይ ሎይ ናሸቴዳ። ሄዋፐ ጉይያን፥ ቄሳቱ ነ ሌዋቱ ደንዲደ፥ ጾሳይ አሳ አንጃና ማላ ዎሴድኖ፤ ጾሳይ ሳሉዋን፥ ባረ ደእያ ጌሻ ሳኣን ኡንቱንቱ ዎሳ ስሴዳ።
ዳርዮሰ ካተቴዳ ላኤን ላይን፥ ሆስፑን አግናን መና ጎዳ ቃላይ እዶ ናኣ በረክያ ናኣ ትምቢትያ ኦድያ ዛካራሳኮ ዬዳ።
"መና ጎዳይ ህንተ ማይዛ አዎቱዋ ቦላን ሎይ ሀንቀቴዳ። ሽን ሀእ አሳዉ ሀዋዳን ያጋደ ኦዳ፤ ‘ታኮ ስምተ፤ ቃይ ታንካ ህንተኮ ስማና።’ ታን ኡባፐ ዎልቃማ መና ጎዳይ ሀዋ ኦዳይ። ካሰ ትምቢትያ ኦድያዋንቱ፥ ‘ኡባፐ ዎልቃማ መና ጎዳይ፥ ህንተ ኢታ ኦግያፐነ ኢታ ኦሱዋፐ ስምተ’ ያጌ" ያጊደ ኦድና ስሰናን እጼድኖነ ታናካ ስሰናን እጼዳ ህንተ ማይዛ አዎቱዋዳን ሀኖፕተ። ታን መና ጎዳይ ሀዋ ኦዳይ። ህንተ ማይዛ አዎቱ ሀእ ሀቃን ደኢኖ? ሄ ትምቢትያ ኦዴዳዋንቱ መናዉ ፓጻ ደኢኖ? ግዶ ሽን፥ ትምቢትያ ኦድያ ታ ቆማቱ ባጋና ታን ኦዴዳ ቃላቱነ ህገቱ ኡባይ ህንተ ማይዛ አዎቱዋ ቦላን ጋክበይክኖ? ያትና፥ ኡንቱንቱካ ካዮቲደ፥ ኡባፐ ዎልቃማ መና ጎዳይ ኑ ኦግያዳንነ ኑ ኦሱዋዳን ኑዉ እማና ጌዳዋዳን፥ ባረ ጌዳዋ ኦዳ ያጌድኖ ያጋ ያጌዳ።
ዳርዮሰ ካተቴዳ ላኤን ላይን፥ ሻባጻ ግያ ታማነ እተን አግናን፥ ላታማነ ኦይደን ጋላስ መና ጎዳይ ቃላይ እዶ ናኣ በረክያ ናኣ ትምቢትያ ኦድያ ዛካራሳኮ ዬዳ። ታን ቃማ ሳጻን ዞኦ ፓራ ቶጌዳ እት ብታንያ በኣድ፤ እካ ዛንጋራን ደእያ ባርሴነትያ ግያ ምቱዋ ጋርሳን ኤቄዳ፤ ቃይ አፐ ጉየ ባጋና ዳማ፥ ዞኦነ ቦ ፓራቱ ደኢኖ። ያትና፥ ታን፥ ታ ጎዳዉ፥ ሀዋንቱ አዬ? ያጋድ።
ታናና ሃሳይያ ኪታንቻይ ዛሪደ ታና፥ "ሀዋንቱ አየንቶ ታን ኔና በሳና ያጌዳ።
"ያትና፥ ባርሴነትያ ጋርሳን ኤቄዳ ብታኒ፥ ሀዋንቱ ሳኣ ኡባ ዩይ ዩዪደ ጾሞሳና ማላ፥ መና ጎዳይ ኪቴዳዋንታ ያጌዳ።
"ኡንቱንቱ ባርሴነትያ ጋርሳን ኤቄዳ መና ጎዳ ኪታንቻዉ ሀዋዳን ያጌድኖ፤ ‘ኑን ሳኣ ኡባ ዩይ ዩዪደ ጾሞሲደ፤ ቢታይ ሳአይ ዎፑ ጊደ፥ ሳሮ ደኤ’ ያጌድኖ።
"ሄዋፐ ጉይያን፥ መና ጎዳ ኪታንቻይ ሀዋዳን ያጌዳ፤ ‘አቤት ኡባፐ ዎልቃማ መና ጎዳዉ፥ ኔን ሀንቀቶደፐ ላፑን ታሙ ላይ ግዴዳ ሀ የሩሳላመነ ይሁዳ ካታማቱዋ ማረናን አዉደ ጋካናዉ ጋምአይ?’ ያጌዳ።" መና ጎዳይ ታናና ሃሳይያ ኪታንቻዉ ሎኦነ ምንያ ቃላን ዛሩዋ እሜዳ።
ሄዋ ድራዉ፥ ታናና ሃሳይያ ኪታንቻይ ታና፥ "ሀ ቃላ አዋያ፤ ኡባፐ ዎልቃማ መና ጎዳይ ሀዋዳን ያጌ፤ ‘ታን የሩሳላመዉነ ጽዮንዉ ዳሮ ምሸታይ። ኑን ሳሮ ደኤቶ ግያ ካዉተቱዋ ቦላ ታን ዳሮ ሀንቀታድ፥ ታን ታ አሳ ቦላ ጉ ሀንቀታድ ሽን ኡንቱንቱ ታ አሳ ቦላ ዳሮ ቱጋ ጋድኖ። ሄዋ ድራዉ፥ ታን መና ጎዳይ ሀዋ ኦዳይ፤ ታን የሩሳላመ ማሮታን ስማድ። ታ ጌሻ ጎሊ ያን ኬጸታና፤ የሩሳላመ ካታማይካ ዎዶሩዋን ልከታና። ታን ኡባፐ ዎልቃማ መና ጎዳይ ሀዋ ኦዳይ’ ያጌ" ያጋደ አዋያ።
"ዛረደካ ሀዋዳን ያጋደ አዋያ፤ ‘ኡባፐ ዎልቃማ መና ጎዳይ ታ ካታማቱዋ ዱረተይ ኩም ጎጋና ቃይ ታን መና ጎዳይ ጽዮነ ዛረደ ምንና፤ የሩሳላመካ ዛረደ ዶራና ያጌ’ ያጋደ አዋያ" ያጌዳ።
ቃይካ ታን ሳጻን ኦይዱ ካጨቱዋ በኣድ። ታናና ሃሳይያ ኪታንቻ፥ "ሀዋንቱ አዬ?" ያጋደ ኦቻድ።
እካ ታዉ ዛሪደ፥ "ሀ ካጨቱ ይሁዳ፥ እስራኤላነ የሩሳላመ ላሌዳ ካዉተቱዋ" ካዉተቱዋ ሌምሳቱዋ ያጌዳ።
ሄዋፐ ጉይያን፥ መና ጎዳይ ታና ብራታ ቆጽያ ኦይዱ ሂላቱዋ በሴዳ። ታን፥ "ሀዋንቱ አያ ኦናዉ ዬድኖ?" ያጋደ ኦቻድ።
እ ዛሪደ፥ "ሀዋንቱ ኦንነ ቁ ጊደ ጼለናዳን፥ ይሁዳ ቢታ ላሌዳ ካጨቱዋ ያሽሳናዉ ዬድኖ፤ ቃይ ይሁዳ ቢታ ላላናዉ ባረንቱ ካጭያ ደንዳ አይሁዳ ግደና ካዉተቱዋ ካጭያ ቆጺደ፥ ሳኣን የጋናዉ ዬድኖ" ያጌዳ።
ታን ሲቅያ ኡባ ሴራይነ ሙራይ፤ ስም ሎይ ሴለታ፤ ነ ናጋራፐካ ስማ።
ሄዋ ድራዉ፥ ህንተንቱን ደእያ ሀ ሳኣ አሞቱዋ ዎተ፤ ሄዋንቱካ ዎሹምያዋ፥ ቱናተ፥ ዎሹማናዉ ኮይያዋ፥ ኢታ አሙዋ፥ ሚሻ አሞትያዋ። ዮራንቻ ግዱሳይ ኤቃዉ ጎይንያዋፐ ዱማተና።
ቃይ ህንተ አሳተፐ እት ሳነ ኢታ ኦሱዋ ኦናዉ ናጋራዉ እሞፕተ፤ ሽን ሀይቁዋፐ ደንዴዳ አሳዳን ህንተንታ ጾሳዉ እምተ፤ ቃይ ህንተ ኩመን አሳተካ ጽሎ ኦሱዋ ኦናዉ ጾሳዉ እምተ፤
ታናዳን አማንያዋንቶ፥ ህንተናን ጌሻ አያናን ደእያዋንቱ እት ኡራይ አይ ባይዙዋ ኦደ፥ ቤቶፐካ፥ አሽከተ አያናን አ ሱርስተ፤ ቃይ ህንተ ፓጨተና ማላ፥ ህንተ ሁጲያ ናግተ።
ሄዋ ድራዉ፥ ቱና ሀኖታ ኡባነ ኢታተ ኡባ ህንተፐ ይሲደ፥ ጾሳይ ህንተ ዎዛናን ቶኬዳ ህንተ ሸምፑዋ አሻናዉ ዳንዳይያ ቃላ አሽከተን አክተ።