Convicção
A convicção cristã é firmeza de fé que não se abala diante da oposição. É a certeza interior que compele a proclamar a verdade com ousadia, independentemente das consequências.
Ousadia para falar
Recebereis poder e sereis minhas testemunhas. A convicção do Espírito nos equipa para proclamar com coragem e sem vergonha.
Hu’neanagi ruotge Avamumo tamagrite esigetma, tusi’a hanave eritetma, Nagri nagenkea Jerusalemi kumate huama nehutma, Judiane Sameriane huama nehutma, afete mopa omeatre eme atre arega ome huama hugahaze.
Anante’ma ana vahe’mo’za znagazana, Pitake Jonikea, kema ha’ana korera osake’za, zanagrira antahi ama hu’za, avonona osuke, nontega ne’tremoke Jisasi’enena mani’na’e hu’za antahi ama nehu’za tusi antri nehu’za, nankna’za fore nehie hu’naze.
Hu’neanagi Pita’ene ruga’a aposol naga’mo’za kenona zamire anage hu’naze, Anumzamofo ke’age nentahita ama mopafi vahe’mofonkea ontahigahune.
Ana nehutma nagriku nunamu hutma antahigenkeno, nagira erioza hanige’na korera osu’na hanavetina oku’a me’nea naneke huama hu’na Knare Musenkea zamasmi’neno. Na’ankure nagri’ma nazeri oti’nege’na, Agri agi eri’na seni nofite kina hu’na mani’nena, ana nanekema hanufina nagra hanaveti’na mani’nena huama ha’neno.
Knare Musenkemofo hankve’amofo naneke
Hagi Kraisi Knare Musenkema huama’ma huzankura nagazea nosue. Na’ankure e’i Anumzamofo hanave’a anampina me’neankino, iza’zo zamentintima hanamokizmia zmahonekeno, Jiu vahe esera zamavareteno, anante megi’a vahera zamavaregahie.
Iza’o ama knafi keontahi kumike vahepi, Nagriku’ene Nanekenimofoma agaze huntesimofona, henka Vahe’mofo Mofavremo Nafa’amofo hanavefima routage ankero vahe’ane esuno’a, Agranena zamagaze hunte’nesamokizmia, eme agaze huzmantegahie.
Hu’negu Rantimofo naneke huama hu’zantera kagzegura osuo, nagrama Agri kinama hu’nogura kagazea osuo. Hagi nagrane tragotenka knazana Knare Musenkerera (gospol) Anumzamofo hanavefi erio.
Mika’zana kagripi hampo’na huno me’neanki rempi hunezminka, hampo’na tinka nezmasaminka, zamazeri fatgo nehuge’za, kagrikura amne vahere hu’za osiho.
Firmeza e confiança
Não temas diante dos homens. A Palavra de Deus é fogo na boca do profeta e firmeza na vida do crente.
Hianagi Ra Anumzamo’a amanage huno kenona hu’ne. Kagra mofavre mani’noe hunka osuo. Nagrama inantego vuoma hu’na hugantesua kumatega nevunka, maka nanekema kasamisuana ome huama hunka vahera zamasamigahane.
Saioni rankumapinti’ma knare musenkema huama’ma nehana vahe’moka, agonarega marerinka kagerura erisga hunka hankavetinka ana musenkea huama huo. Jerusalemi rankumapima mani’neta musenkema huama’ma nehaza vahe’mota, korora osutma kezatitma, Juda mopafima me’nea rankumatmimpima nemaniza vahera tamagri Anumzana ama’nagi keho hutma zamasamiho!
Hankavenentake Ra Anumzamo’a keagama hu kaziga rempi hunami’neanki’na, knazama eneriza vahera knare ke hu’na zamazeri hankavetigahue. Maka nanterana nazeri o’netino, nagesa eri ankazo nehige’na, agrama rempi hunenamia zana avonoma rempima nehaza mofavremozama nehazaza hu’na nentahue.
Zamagra keontahi vahe mani’nazanagi, kagrira hankavenentake daimoni havegna hu’na kazeri hankavetisugenka, ana vahetaminkura zamagorora huge, kahirahikura osugahane.
Kini vahe’mokizmi zamavuga oti’na kagri kasegea huama hu’na nezamasami’na, nagazegura osugahue.
Hagi maka kna tamagra megi’a vahe’mokizmi amu’nompima mani’netma, knare tamavutmava nehinke’za, zamagrama huhavizama huramantesu’za, knare tamavu’tamavaza zamagra nege’za, Anumzamo’ma refkoma hania knarera, ana tamavutamava hu’naza zankura, Agi erisaga hugahaze.
Vahe’mofoma koroma huntesanana, kagra’a krifu anaginentane. Hianagi iza’o Ra Anumzamofonte’ma amentintima hanimofona, agu’vazinkeno knare huno manigahie.
Hianagi anahukna huno Anumzamo’a tagrira tageno antahino huteno, Knare Musenkema huama hu erizana, taminegeta e’nerunanki, vahe’mo’za muse hurantesazegura nosunankino, Anumzamo Agra’a tagu’afina refko huno nerage.
Tamagra ama mopamofo tavi mani’naze. Mago rankumamo agonare me’nesia rankumamo’a fra okigahie. Vahe’mo’za ramu tavi rekru hu’za baketifina nontaze. Tavi ante azotare hantintenageno remasa nompina nehie. Anahu kante tavika’a atregeno, vahe’mokizmirera remsa hanige’za, knare kavu kvara nege’za, monafi mani’nea Negafana ra agi amigahaze.