Convicção
A convicção cristã é firmeza de fé que não se abala diante da oposição. É a certeza interior que compele a proclamar a verdade com ousadia, independentemente das consequências.
Ousadia para falar
Recebereis poder e sereis minhas testemunhas. A convicção do Espírito nos equipa para proclamar com coragem e sem vergonha.
Manang dun ni allaw na pagdateng na Ispiritu Santo adti kamayu, madawat mayu ya katulus na Tyumanem. Yanagaw kamu ya magmatinaw kanak asini Jérusalim, aw adti kadakulaꞌ na probinsiya na Judiya aw banwa na Samariya, aw pangkay adti kadakulaꞌ na banwa."
Na, kyinitaꞌ na manga magdadumala͡ay na walaꞌ ya kakallekan ni Pédro aw ni Juan miglong kanilan, aw to-o silan nya-enneng-enneng, kay kya-ede-an nilan na tagbiꞌ ya pig-iskwila͡an ni Pédro aw ni Juan. Aw dun da nilan ka-ede-i na silan duwa ya gayed mig-iyeped kan Jisus idtu muna.
Manang tyumubag kanilan si Pédro aw ya eped na manga apostolés, law nilan, "Ya Tyumanem, yan ya ka-ilangan nami ka͡agadan, aw bekeꞌ na utaw.
Aw panawagtawagi aku mayu uman adti Tyumanem na atag nan kanak ya manga tingeg na umbaꞌ ku paglongun adti manga Héntil. Pagsekat kamu na walaꞌ ya kakallekan ku maglong sa Madyaw na Ubat-ubat na pigtaguꞌ asini muna. Kay yeiy saba ya du-an na pigpadala aku na Tyumanem, aw yeiy uman ya du-an na ini aku ni kalabusuwanan. Yanagaw panawagtawagi aku mayu adti Tyumanem na diliꞌ aku mallek mag-ubat-ubat, asuntu na yan ya umbaꞌ ku imo-un.
Diliꞌ aku mamulamula magpa-edeꞌ sa Madyaw na Ubat-ubat kan Kristu. Kay ya ubat-ubat yeiy, yan ya katulus na Tyumanem magpaluwaꞌ sa pangkay singalan ya mangintu-u. Pigdengeg yeiy una na manga Judiyu, aw tigkas yan adtu la uman ni manga Héntil.
Ya manga utaw asini tas na lupaꞌ adun na manga allaw yeiy, gayed silan migpakasalaꞌ, aw kasiling silan na ka͡ubayan na miglakadenen. Aw kun singalan ya mamulamula asuntu kanak na Iseꞌ na Utaw aw mamulamula asuntu sa palna-u ku, kamulamula ku uman ya utaw yan dun ni allaw na paglikuꞌ ku asini tas na lupaꞌ. Aw dun ni kanak paglikuꞌ kita-en ya dakulaꞌ na kalalamdag na pagka Tyumanem na kanak Ama, aw eped ku ya manga anghil lekat adti tas na langit."
Yanagaw diliꞌ kaw magkamulamula maglong adti manga eped na utaw na dyumalug kaw kan Kristu Jisus na kanaten Matas na Pangulu. Aw diliꞌ kaw magkamulamula na nyakalabusu aku asuntu sa pagdalug ku kanan. Manang agad kaw baling dun ni pagti-is pada pa-edeꞌ ya Madyaw na Ubat-ubat kan Kristu. Aw pakabagsegen kita na Tyumanem magi sa kanan katulus.
Na, palna-uwan ya kadég yeiy adti manga utaw. Pakabagsega ya pagpangintu-u nilan, aw pagsagda͡an ya manga utaw na diliꞌ malim dumalug sa palna-u ini kay awun saba katundanan mu kanilan. Diliꞌ mu pagtumbay na palipaslipasan na pangkay singalan ya palna-u mu.
Firmeza e confiança
Não temas diante dos homens. A Palavra de Deus é fogo na boca do profeta e firmeza na vida do crente.
Manang padelega mayu ya imo-unun na madyaw adti manga eped mayu na walaꞌ pa pangintu-u pada kita-en nilan ya bet mayu. Yanagaw, pangkay kun maglong silan sa malat adti kamayu, manang kita-en nilan ya kadyaw na imo-unun mayu, aw un nilan basa͡an ya Tyumanem dun ni allaw na paglikuꞌ ni Kristu.
Kyapulba͡an da saba kami na Tyumanem, yanagaw pigtaligu nan kanami ya pagpa-edeꞌ sa Madyaw na Ubat-ubat kan Kristu. Aw bekeꞌ na tud nami na katutukan ya manga utaw, manang yan baling ya pagkaliman nami na katutukan ya Tyumanem, aw yan oloꞌ ya nyaka-edeꞌ sa kanami anenganeng.
"Kasiling kamu uman na saleng na syumiga aw nyatag sa kalalamdag adti kadég na manga utaw. Aw ya syudad na adti tas na buntud, diliꞌ saba kasalibenan. Aw walaꞌ ya utaw na magsuluꞌ sa salengan pada sangkuban nan. Manang betang nan baling adti bantawanan pada ka-ilawan ya kadég na awun ni seled na balay. Maynan uman, pakita-an mayu ya kamayu imo-unun na madyaw kasiling na kalalamdag na pagkita-en na manga utaw. Aw magi sa pigpan-imoꞌ mayu, deyen nilan ya Ama mayu na adti tas na langit.