Coração puro
Bem-aventurados os puros de coração, porque verão a Deus. A pureza de coração é alvo, privilégio e busca constante do cristão que deseja contemplar a face do Senhor.
Coração puro
Bem-aventurados os puros de coração. A pureza interior precede toda transformação externa e abre os olhos para ver a Deus.
परमेशर तैन लोकन बरकत देते, ज़ैन केरे मन साफ आन,
किजोकि तैन परमेशर दर्शन देलो।
यहोवारे पहाड़े पुड़ कौन च़ेढ़ी सकते?
कौन तैसेरे पवित्र भवने मां खड़ो भोइ सकते।
तैए ज़ेसेरे हथ साफ ते दिल पवित्र भोए;
ज़ैने अपनो मन बेकार गल्लरे पासे नईं लेवरो,
ते न कसम केरतां झूठ ज़ोए।
तैस यहोवा करां बरकत मैल्हेली,
तै अपने मुक्ति देनेबाले परमेशरेरे
तरफां धर्मी ठहरेलो।
अपनु तुत्तर मेरे पापन करां फिरा,
ते मेरे सारे अधर्म मिटा।
हे परमेशर, मेरे अन्तर पवित्र दिल पैदा केर
मेरे अन्तर कायम रानेबाली आत्मा नंव्वे तरीके सेइं पैदा केर।
मीं अपने सामनेरां दूर न केर,
ते न अपनि पवित्र आत्मा मीं करां अलग केर।
सच़्च़े परमेशर इस्राएले पुड़ महरबाने, ते तैन पुड़ ज़ैन केरो दिल शुद्धे।
Purificar-se
Todo o que tem essa esperança em Cristo se purifica. O amor procede de coração puro, boa consciência e fé sincera.
ते ज़ै कोई भी मसीह पुड़ ई उमीद रखते, तै अपनो आप तेरहो पवित्र केरते, ज़ेरो मसीह पवित्र आहे।
हे ट्लारव, हुनी अस परमेशरेरे बच्चेम, ते हेजू तगर इन बांदू नईं भोवरू, कि अस केरे भोनेम! इन ज़ानतम, कि ज़ैखन यीशु मसीह बांदो भोल्हो त अस भी तैसेरे ज़ेरे भोमेले, किजोकि तैस तेरहे लहमेले ज़ेरो तै आहे। ते ज़ै कोई भी मसीह पुड़ ई उमीद रखते, तै अपनो आप तेरहो पवित्र केरते, ज़ेरो मसीह पवित्र आहे।
मेरो हुक्म देनेरो मकसद ई आहे, कि तुस एक्की होरि सेइं साफ दिले ते रोड़े ज़मीरे, ते सच़्च़े विश्वासे सेइं प्यार केरा।
जुवैनरी खुवैइशन करां दूर रा, ते ज़ैना मैन्हु शुद्ध मने सेइं प्रभुएरू नवं घिन्तन, तैन सेइं साथी धार्मिकता, विश्वास, प्यार, ते मेल मिलापेरो पीछो केर।
ते अवं ई प्राथना केरताईं, कि तुश्शो प्यार ज्ञान ते सेब्भी किसमेरो ज़मीर सेइं होरे भी बद्धते गाथ। इड़ी तगर तुस रोड़ी करां रोड़ी गल्लां ट्लैरी समझ़ा, ते मसीहेरे दिहाड़े तगर सच़्च़े बनोरे राथ; ते ठोकर न खाथ। ते तैस धार्मिकतारे फले सेइं ज़ै यीशु मसीहेरे ज़िरिये भोते, भेरोते गाथ ज़ैस सेइं परमेशरेरी महिमा ते बडीयाई भोती राए।
त सब कम्मां बगैर शकैइतां ते बगैर बेंसी सेइं केरा। ताके तुस बेइलज़ाम ते शरीफ भोइतां टारे ते ढीठ लोकन मां परमेशरेरे बेइलज़ाम बच्चे बना, ज़ैन मां तुस ज़िन्दगरो वचन घिन्तां दुनियाई मां बलते दीयां केरे ज़ेरे लेइहोते रातथ, कि मसीहेरे वापस एजनेरे दिहाड़े घमण्ड केरनेरी वजा भोए, कि न मेरी दौड़-धूप ते न मेरी मेहनत बेकार भोए।
किजोकि तुस सच़ मन्नेरे ज़िरिये शुद्ध कियोरेथ, ते हुनी तुसेईं विश्वासी सैथन सेइं ईमानदैरी सेइं प्यार कियोरो लोड़े। तुसेईं एक्की होरि सेइं गहराई ते पूरे दिले सेइं प्यार कियोरो लोड़े।
मैन्हेरो सारो चाल च़लन एपनी नज़री मां पवित्र ठहरते,
पन यहोवा मैन्हेरी आत्मा परखते।