Salmos 15

धर्मी मैन्हेरू बियान

दाऊदेरू भजन

1 हे यहोवा तेरे डेरे मां कौन रालो?*15:1 यरूशलेमेरे मन्दरे मां एजने बाले ई सवाल पुछ़तन। डेरेरो मतलब परमेशरेरी हज़ूरी।

ते तेरे पवित्र पहाड़ सिय्योने पुड़ कौन रालो?

2 तैए ज़ै सच़्च़ेरी बत्ती पुड़ च़लते ते धार्मिकतारां कम्मां केरते

ते दिले सेइं सच़ ज़ोते।

3 कने तै ज़ै एपनी ज़बानी सेइं केन्चेरी तुहीन न केरे,

ते अपने दोस्ते सेइं बुराई न केरे,

ते अपने पड़ोसेरी बदनामी न शुने।

4 कने तै ज़ेसेरी नज़री मां अधर्मी मैन्हु बिलकुल घटियाए,

पन ज़ैना यहोवा करां डरतन, तैन केरि इज़्ज़त केरते,

कने तै ज़ै कसम केरतां न बेदलोए चाए तैस नुकसान की न भोए।

5 ते कने तै ज़ै अपने रुपेइये सूते पुड़ न दे,

ते बेकसूरेरो नुकसान केरनेरे लेई रिश्पत न ने:

ज़ै कोई एरू केरते तै कधी न बिछ़ड़ेलो।