भजन संहिता 95

तारीफ़रू गीत

1 एज्जा असां यहोवारे लेई उच्‍चे आवाज़ी सेइं गीत ज़ोम,

अपने मुक्तरे चट्टानरू*95:1 मुक्तरे चट्टानरू परमेशर जयजयकार केरम!

2 असां शुक्र केरते तैसेरे सामने एज्जम,

ते भजन ज़ोइतां तैसेरू जयजयकार केरम।

3 किजोकि यहोवा महान परमेशरे,

ते सेभी देबतन करां महान राज़ोए।

4 धेरतरी डुग्घी ठारां भी यहोवारे हथ्थे मां आन;

ते पहाड़ां केरि च़ोटां भी तैसेरी आन।

5 समुन्दर भी तैसेरो आहे, ते तैने तै बनावरोए,

ते शुक्‍कोरी ठार तैने हथ्थे सेइं बनेवरीए।

6 एज्जा असां तैस कां मथ्थो टेकम,

ते अपने बनानेबाले यहोवारे सामने ज़ैधू टेकम।

7 किजोकि तैए इश्शो परमेशरे,

ते असां तैसेरी चरागारे लोक

ते तैसेरे हथ्थेरी भैड्डां अहम।

भलू भोथू, कि अज़ तुस तैसेरी शुनथ!

8 त अपने-अपने दिल एरे सखत न केरा, ज़ेन्च़रे मरीबा*95:8 मरीबा मतलब झगड़ो मां

ते मस्सारे रेगिस्ताने*95:8 मस्सा मतलब अज़मैइश मां भोवरे थिये,

9 ज़ैड़ी तुश्शे दादे पड़दादेईं अवं अज़मव,

तैनेईं अवं परखो ते मेरां कम्मां भी हेरां।

10 च़ैली सालन तगर अवं तैस पीढ़रे लोकन सेइं रुशोरो राव,

ते मीं ज़ोवं, "इना त टपलानेबाले मनेरेन,

ते तैनेईं मेरी बत्तां न पिशैनी।"

11 एल्हेरेलेइ मीं सेरकोइतां कसम खाइ कि

एना मेरे आरामेरे ठैरी मां कधे दाखल न भोइ सकेले।✝95:11 इब्रा. 3:7-19;गिन. 14:33-34.