न्यायेरे लेई परमेशरेरू शुक्र
बज़ानेबालां केरे प्रधानेरे लेई: अलतशहेत रागे मां आसापेरू भजन।
1 हे परमेशर अस तेरू शुक्र केरतम, अस तेरे नंव्वेरू शुक्र केरतम,
किजोकि तेरू नवं बांदू भोवरूए, तेरे हैरान केरनेबालां कम्मां केरू बियान भोइ राहोरूए।
2 ज़ैखन ठीक वक्त एज्जेलो,
तैखन अवं एप्पु ठीक-ठीक न्याय केरेलो।
3 ज़ैखन ज़मीन अपने सब रानेबालन समेत हिल्ली,
तैखन अव्वें तैसेरे खम्भे कायम केरताईं। (सेला)
4 मीं घमण्डी लोकन सेइं ज़ोवं, "घमण्ड न केरा,"
ते दुष्टन सेइं, "शिंग75:4 शिंग शक्ति उच्चु न केरा;
5 अपनु शिंग बड़ू उच्चु न केरा,
न क्रोड़ी खड़ी केरतां घमण्डेरी गल केरा।"
6 किजोकि बड़ोतरी न च़ढ़ते पासेरां, ते न डुबते पासेरां,
ते न सुनसान ठारारां एज्जे।
7 पन परमेशर न्याय केरनेबालोए,
तैए एक्की घटाते, ते होरि बद्धाते।
8 किजोकि यहोवारे हथ्थे मां अक कटोरोए,
ज़ैस मां दाछ़रो रस शैम्फी बालोए;
सच़्च़े दुनियारे सारे दुष्ट लोक आखरी तेप्पु तगर पीले।75:8 यिर्म. 25:15;प्रका. 14:10;16:19.
9 पन अवं त हमेशा प्रचार केरतो रेइलो,
ते याकूबेरे परमेशरेरू भजन ज़ोइलो।
10 दुष्टां केरां अवं शिंगां केट्टी छ़डेलो,
पन धर्मी मैन्हु केरां शिंगां उच्चां कियां गालां।