1 इस्राएल हुनी इन ज़ोए,

"मेरे बचपनेरे देंते मेरे दुश्मन मीं बार-बार दुख देते एवरेन।

2 मेरे बचपनेरे देंते लोक मीं बार-बार दुख त देते एवरेन

पन मीं करां ज़ींती न सके।"

3 दांत लाने बालेईं मेरी पिठी पुड़ हल च़लाई,

ते लेम्मी-लेम्मी सींथां बनेवरिन।

4 यहोवा धर्मीए,

तैनी दुष्टां केरे फंदे केटतां अवं आज़ाद कियोरोईं।

5 ज़ेत्रे भी सिय्योने सेइं बैर रखतन,

तैन सब शरमिन्दा भोन, ते हैरोइतां पत्रोवं हटन।

6 तैना लाए पुड़ेरे घासेरे ज़ेरे भोन,

ज़ै बेडोने करां पेइलो शुक्‍की गाते।

7 ज़ैस सेइं कोई फसल लुन्ने बालो च़प न ट्लेइ बटे,

ते न बन्धने बालो फक्‍की बेन्धी बटे।

8 ते न एजने गानेबाले एन ज़ोन,

"यहोवारी बरकत तुसन पुड़ भोए!

असां तुसन यहोवारे नंव्वे सेइं आशिर्वाद देतम!"