भजन संहिता 126

सिय्योनेरी खुशी सेइं वापसी

सफरेरू गीत

1 ज़ैखन यहोवा सिय्योने*126:1 सिय्योने ज़ैखन यहोवा असन गुलैमी करां आनेलो तैखन यहोवा असन खुशहाल बनालो। सिय्योन यरूशलेमेरू दूइयोवं नंव्वे। मां वापस एजनेबालन वापस आने,

तैखन अस सुपना हेरने बाले ज़ेरे भोए।

2 तैखन अस खुशी सेइं हसने

ते जयजयकार केरने लग्गे;

तैखन इश्शे बारे मां कौमी-कौमी मां ज़ोवं गातू थियूं,

"यहोवा, इन सेइं साथी बड़ां-बड़ां कम्मां कियोरन।"

3 यहोवा असन सेइं बड़ां-बड़ां कम्मां कियोरन;

ते इस सेइं अस खुशी अहम।

4 हे यहोवा, दक्षिण मुल्खेरे नालां केरे ज़ेरे,

इश्शे कैदन वापस आन!

5 ज़ैना बीज़ ऐंखरन सेइं बेतन,

तैना खुशी सेइं कट्टेले।

6 चाए बेनेबालो बीज़ नेइतां लेरां देतो च़लो गाए,

पन तै फिरी फैक्‍की घिन्तां पक्‍को जयजयकार केरतो वापस एज्जेलो।*126:6 फसल बेनेरो हिंवतड़े भोतो थियो ते अप्रैले मां कटनेरो वक्त थियो।