1 अगर यहोवा घर न बनाए,

त बनाने बालेरी मेहनत बेकारे।

ते अगर यहोवा नगरेरी हिफाज़त न केरे,

त पहरेदारेरू बींझ़ू बिशनू बेकार भोल्हु।

2 तुस ज़ैना बींझ़तथ ते च़िरे तगर आराम केरतथ

ते सैरी बड़ी मेहनत केरतां रोट्टी खातथ, इन सब तुश्शे लेई बेकारे;

किजोकि यहोवा अपने ट्लारन एन्च़रे निड्ल देते।

3 हेरा, बच्‍चे यहोवारे तरफां दित्तोरो हिस्सोए,

गर्भेरो फल तैसेरे तरफां फले।

4 ज़ेन्च़रे बहादरेरे हथ्थे मां तीर,

तेन्च़रे जुवैनरां मट्ठां भोतन।

5 केत्रो धने तै मैन्हु ज़ैने अपनो तरकश तीरन सेइं भरोरो भोए!

तै नगरेरे फाटके कां अपने दुश्मन्न सेइं गल्‍लां केरतां शरमिन्दा न भोल्हो।