भजन संहिता 122

यरूशलेमेरे शैन्तरे लेई प्राथना

दाऊदेरे सफरेरू गीत

1 ज़ैखन लोकेईं*122:1 लोकेईं मेरे दोस्तेईं मीं सेइं ज़ोवं, "एज्जा, अस यहोवारे भवने जो च़लम,"

तैखन अवं बड़ो खुशी भोव।

2 हे यरूशलेम, तेरे फाटकन मां,

अस खड़े अहम!

3 हे यरूशलेम, तू एरे नगरेरो ज़ेरो बनोरोस,

ज़ैसेरां घरां एक्‍की होरि सेइं मिलोरन।

4 तैड़ी गोट्ले-गोट्लेरे लोक यहोवारू शुक्र केरनेरे लेई गातन;

ई इस्राएलेरे लेई गवाही आहे।

5 तैड़ी त न्यायेरे तखत,

दाऊदेरे खानदानेरे लेई रखोरेन।

6 यरूशलेमेरे सुखेरू वरदान मग्गा,

तेरे प्यार केरनेबाले खुशी सेइं रान!

7 हे यरूशलेम, तेरी शहरपनाहरे अन्तर शान्ति,

ते मेहलन मां सुख भोए।

8 अवं अपने पड़ोसन ते सैथी केरे लेई,

अवं ज़ोइलो तीं मां शान्ति भोए!

9 अपने परमेशर यहोवारे भवनेरे लेई,

अवं तेरी भलैइयरे लेई इच्छा केरेलो।