1 हे यहोवा, अवं पूरे दिले सेइं तेरी शुक्रगुज़ारी केरेलो,

देबतां केरे सामने अवं तेरू भजन ज़ोइलो।

2 अवं तेरे पवित्र भवनेरे पासे फिरतां मथ्थो टेकेलो,

ते तेरे प्यारेरे ते सच़्च़ेरे वजाई सेइं तेरे नंव्वेरू शुक्र केरेलो;

अपने नंव्वे ते वचने सैरी चीज़न करां जादे उच्‍चो दर्जो दित्तोरोए।

3 ज़ैस दिहैड़ी मीं तू पुकारो, त तीं मेरी शुनी,

ते मीं मां ज़ोर देइतां हिम्मत दित्ती।

4 हे यहोवा, दुनियारे सारे राज़े तेरू शुक्र केरेले,

किजोकि तैनेईं तेरे वचन शुनोरेन;

5 तैना यहोवारे कम्मां केरे बारे मां गीतां ज़ोले,

किजोकि यहोवारी महिमा महाने।

6 अगर यहोवा महाने, फिरी भी तै हलीम मैन्हेरे पासे नज़र केरते;

ते घमण्डी दूरेरां पिशानते।

7 चाहे अवं मुसीबती मां च़ेलि फिरी भी तू मीं हिफाज़ती सेइं रखतस,

तू मेरे क्रोध केरनेबाले दुश्मना केरे खलाफ हथ बधालो,

ते अपने देइने हथ्थे सेइं मीं मुक्ति देलो।

8 यहोवा मेरे लेई सब किछ पूरू केरेलो ज़ेसेरो तैनी वाधो कियोरोए;

हे यहोवा तेरो प्यार हमेशारोए।

तू अपने हथ्थां केरे कम्मन न शार।