भजन संहिता 137

गुलैमी मां इस्राएलेरू दुखेरू गीत

1 बाबेलेरे दरियां केरे बन्ने अस लोक बिश्शी जे,

ते सिय्योने याद केरतां लेरां देने लगे!

2 तैस मां ज़ैना मजनू बुट्टन पुड़

असेईं एपनी सैन्गी टेंगी;

3 किजोकि ज़ैनेईं असां गिरफ्तार कियोरे थिये,

तैनेईं असन तैड़ी गीत ज़ोनेरे लेई ज़ोवं,

ते असन लेरां दुवाने बालेईं असन आनन्दे सेइं ज़ोवं

"सिय्योनेरे गीतन मरां इश्शे लेई कोई गीत ज़ोथ!"

4 असां यहोवारे गीते,

बखले मुल्खे मां केन्च़रे ज़ोम?

5 हे यरूशलेम, अगर अवं तीं बिसरी,

त मेरो देइनो हथ शुक्‍की गाए!

6 अगर अवं तीं याद न केरीं,

अगर अवं यरूशलेमे,

अपने आनन्दे करां जादे न मेन्नी

त मेरी ज़िभ तैलू सेइं खत्ते!

7 हे यहोवा, यरूशलेम बरबाद केरनेरे दिहाड़े एदोमी लोकां केरे खलाफ याद केर,

कि तैना केन्च़रे ज़ोते थिये, "एस डोल्हा! एस थलेरां डोल्हा!"

8 हे बाबेल नगरी, तू ज़ै उज़ड़ने पुड़ खड़ी भोवरिस,

केत्रो धन भोल्हो तै, ज़ै तीं सेइं एरहो बर्ताव केरेलो

ज़ेन्च़रे तीं असन सेइं कियूं!

9 केत्रो धन भोल्हो तै, ज़ै तेरे बच्‍चन ट्लेइतां,

चट्टानी पुड़ शारेलो!