1 ज़ैना यहोवा पुड़ भरोसो रखतन,

तैना सिय्योन पहाड़ेरे ज़ेरेन,

ज़ैन टले न, बल्के हमेशा टिकोरू रहते।

2 ज़ैस तरीके सेइं यरूशलेमेरे च़ेवरे पासे पहाड़न,

तैस्से तरीके सेइं यहोवा अपने लोकां केरे च़ेवरे पासन

अज़्ज़ेरो देंतो ते हमेशा तगर बनोरो रालो।

3 दुष्टां केरो राज़दण्ड धेर्मी केरे हिस्से पुड़ बनोरो न रालो,

एरू न भोए कि धर्मी अपने हथ बुरे कम्मेरे पासे रखन।

4 हे यहोवा भले लोकां केरो

ते सिद्धे मने बालां केरू भलू केर!

5 पन ज़ैना मुड़तां ट्लेढी बत्तां च़लतन,

तैन यहोवा अनर्थ कम्मां केरनेबालन सेइं साथी केढी देलो!*

कि इस्राएले शान्ति मैल्हे।