भजन संहिता 87

परमेशरेरू नगर सिय्योनेरी तारीफ़रे लेई

कोरह खानदानेरे लोकां केरू भजन

1 यहोवारी मुनीयाद पवित्र पहाड़े पुड़ रख्खी जेवरीए;

2 ते यहोवा सिय्योनेरे फाटकन मरां याकूबेरे सारे रानेरे ठारन*87:2 ठारन यरूशलेमेरू नगर करां जादे प्यार केरते।

3 हे परमेशरेरे नगर,*87:3 परमेशरेरे नगर यरूशलेमे जो परमेशरेरू नगर ज़ोतन।

तेरे बारे मां महिमारी गल्‍लां ज़ोवरिन। (सेला)

4 अवं ज़ान-पिशानी बालन सेइं रहब ते बाबेलेरी भी चर्चा केरमेले;

पलिश्त, सोर ते कूशे*87:4 कूशे इथियोपिया हेरा:

"ई तैड़ी पैदा भोवरो थियो।"

5 ते सिय्योनेरे बारे मां इन ज़ोवं गालू,

"इन मरां हर एक्‍केरू ज़र्म तैस मां भोवरू थियूं।"

ते परमप्रधान परमेशर तैस एप्पु कायम रख्खे।

6 ज़ैखन यहोवा मुल्खे-मुल्खेरे लोकां केरां नंव्वां लिखतां गनेलो, तैखन इन ज़ोलो,

"ई तैड़ी पैदा भोवरो थियो।" (सेला)

7 गीतां ज़ोनेबाले ते नच़ने बाले दूईये ज़ोले,

"इश्शे सारे चशमे तींए मां आन।"