भजन संहिता 82

सच़्च़े न्यायेरे लेई बिनती

आसापेरू भजन

1 परमेशर महान सभाई मां खड़ोए:

तै ईश्वरां*82:1 ईश्वरां ज़ैन लोक सोचतन कि तैना ईश्वर आन केरे दरमियान न्याय केरते।

2 "तुस लोक केइस तगर आदालती मां गलत फैसले केरतां,

दुष्टां केरि तरफदारी केरते राले? (सेला)

3 कंगालन त अनाथन न्याय देथ,

गरीबां केरो खियाल धर्मे सेइं केरा।

4 कंगाल ते गरीबन बच़ेइतां

दुष्टां केरे हथ्थे करां तैन छुटाथ।"

5 तैना दुष्ट लोक न त किछ ज़ानन, तैन समझ़ न एज्जे,

तैना आंधरे मां टेपलोइतां हंठतन फिरतन,

धेरतरी सारी मुनीयाद हिल्‍ली गाचे।

6 मीं ज़ोवरू थियूं, "तुस ईश्वर आथ,

ते सब ज़ेत्रे भी आथ सब परमप्रधान परमेशरेरां मट्ठां आथ।✝82:6 यूह. 10:34.

7 फिरी भी तुस मैन्हु केरे ज़ेरे मेरि गाले,

ते कोन्ची प्रधानेरे ज़ेरे बिछ़ड़ी गाले।"

8 हे परमेशर, उठतां धेरतरो न्याय केर;

किजोकि तूए सारे राष्ट्रन अपने अधिकारे मां केरेलो।