भजन संहिता 2

परमेशरेरो च़ुनोरो राज़ो

1 कौमां-कौमां केरे लोक*2:1 कौमां-कौमां केरे लोक ज़ैना लोक परमेशरे न ज़ानन किजो क्रोधे मां आन,

ते मुल्खां-मुल्खां केरे लोक किजो बुरी योजना बनातन?

2 यहोवा ते ज़ै तैनी च़ुनोरोए तैसेरे खलाफ दुनियारे राज़े मिलतां,

ते हाकिम एप्पु मांमेइं बुरी योजना बनेइतां ज़ोतन,

3 एज्जा असां तैन केरे बन्धन ट्लोड़म,

ते तैन केरि रेस्सी एप्पु पुड़ेरां ओसैलतां शारम।

4 ते ज़ै सुर्गे मां तखते पुड़ बिशोरोए, तैन केरि नाकाम योजनान पुड़ हस्सेलो,

ते प्रभु तैन केरो मज़ाक बनालो।

5 तैखन तै अपने क्रोधे मां तैन सेइं गल्‍लां केरेलो,

ते एपनी बेड़ी सरकी सेइं तैन डरालो,

6 परमेशर ज़ोते, "मीं त अपनो च़ुनोरो राज़ो,

अपने पवित्र पहाड़ सिय्योनेरे राज़गेद्दी पुड़ ठहरावरोए।"

7 अवं तैस वचने बियान केरेलो:

ज़ैन यहोवा मीं सेइं ज़ोवं, "तू मेरू मट्ठू आस,

अज़ मीं तू पैदा कियूं।✝2:7 मत. 3:17;17:5;मरक. 1:11;9:7;लूक. 9:35;यूह. 1:49;प्रेरित. 13:33;इब्रा. 1:5;5:5;2 पत. 1:17.

8 मीं करां मग, अवं कौमां-कौमां केरे लोकन तेरी विरासत भोनेरे लेई,

ते दूर-दूरेरे मुल्खन तेरी मलकीत बन्नेरे लेई देइलो।✝2:8 इब्रा. 1:2.

9 तू तैन लोंहेरे सोटे सेइं टुक्ड़े-टुक्ड़े केरेलो।

कुम्हारेरे भांडां केरो ज़ेरो तू तैन चूर-चूर केरेलो।"✝2:9 प्रका. 2:27;12:5;19:15.

10 एल्हेरेलेइ हुनी, हे राज़व, अक्लमन्द बना;

हे धेरती पुड़ हुकूमत केरनेबालव, खबरदार राथ।

11 डरते-डरते यहोवारी सेवा केरा,

ते थरकते-थरकते खुशी मनाथ।

12 तैसेरे मट्ठे कां झुका, एरू न भोए, कि तैस सरक एज्जे,

ते तुस बत्ती मां नाश भोइ गाथ,

किजोकि परमेशरेरो क्रोध लूशी भड़कने बालोए,

धन तैना आन ज़ैना तैसेरी शरण नेतन।