भजन संहिता 123

परमेशरेरी दयारे लेई प्राथना

सफरेरे लेई गीत

1 हे सुर्गे मां तखते पुड़ बिश्शोरे परमेशर

अवं एपनी एछ़्छ़ी तेरे पासे केरताईं!*123:1 हे यहोवा अवं प्राथनाई मां तेरे पासे सुर्गेरे पासे तकताईं, ज़ैट्ठां तू सैरी धेरती पुड़ राज़ केरतस।

2 ज़ेन्च़रे गुलामेरी एछ़्छ़ी अपने मालिकेरे हथ्थेरे पासे,

ते नौकरेनरी एछ़्छ़ी एपनी मालकिनरे हथ्थेरे पासे लेगोरी रेइचन,

तेन्च़रे इश्शी एछ़्छ़ी इश्शे परमेशर यहोवारे पासे तैस वक्ते तगर लेगोरी रहेली,

ज़ांतगर तै असन पुड़ दया न केरे।

3 असन पुड़ दया केर, हे यहोवा असन पुड़ दया केर,

किजोकि अस होरि केरि निन्दा सेइं बड़े भेरोई जे।

4 इश्शी ज़िन्दगी सुखी लोकां केरे लान ताने सेइं,

ते घमण्डी लोकां केरे बेइज़्ज़ती सेइं बेड़ि भेरोई जेई।