भजन संहिता 4

परमेशरे पुड़ भरोसो

प्रधान बज़ानेबालेरे लेई: तारीबाले बाज़न सेइं साथी। दाऊदेरू भजन

1 हे मेरे धर्मी परमेशर, ज़ैखन अवं तीं कां बिनती केरीं, त तू मीं जुवाब दे;

ज़ैखन अवं तेंगी मां पेव तैखन तीं मीं सहारो दित्तो।

मीं पुड़ दया केर ते मेरी प्राथना शुन।

2 हे मैन्हव, तुस केइस तगर मेरी महिमारे बदले बेइज़्ज़ती केरेले?

तुस केइस तगर बेकार गल्‍लन सेइं प्यार केरेले, ते झूठे योजना*4:2 झूठे योजना झूठे ईश्वर केरि तलाशी मां राले। (सेला)

3 याद रखा कि यहोवा वफादार दास अपने लेई अलग केरतां रखोरोए;

ज़ैखन अवं यहोवा कां प्राथना केरि तैखन तै शुनेलो।

4 डरे सेइं थरकते राथ ते पाप न केरा;

अपने-अपने बिछ़ाने पुड़ मने मां सोचा ते च़ुपच़ाप राथ।✝4:4 इफि. 4:26. (सेला)

5 धार्मिकतारू बलिदान च़ाढ़ा,

ते यहोवा पुड़ भरोसो रखा।

6 बड़े आन ज़ैना ज़ोतन, "कौन असन किछ भलियाई हिरालो?"

हे यहोवा, तू अपने तुत्तरेरी लौ असन पुड़ चमका!

7 तीं मेरे दिले मां तैस करां जादे खुशी भरोरीए,

ज़ै तैन्न अन्न ते दाछ़रे रस बड़े जादे भोने सेइं भोतीए।

8 अवं सुखे सेइं लेटी गालो ते झ़ुल्‍ली गालो;

किजोकि, हे यहोवा, सिर्फ तूए मीं सुरक्षित ते बे फिक्र राने देतस।