1 हे परमेशर, मेरो न्याय केर,

मेरे लेई गैर ईमानदार कौमन सेइं लड़,

मीं धोखेबाज़न ते बुरे मैन्हन करां बच़ा।

2 किजोकि तू मेरो शेक्ति बालो परमेशरस,

तीं किजो अवं शारो?

अवं अपने दुश्मनेरे ज़ुलमे सेइं

किजो मातमेरां लिगड़ां लेइतां च़ेलि।

3 अपनि लौ ते अपनि सच़्च़ाई भेज़;

ताके तैना मेरी अगवाई केरन,

तैन्ना मीं तेरे पवित्र पहाड़े* पुड़

पुड़ ते रानेरी ठारी पुड़ पुज़ान।

4 तैखन अवं परमेशरेरी वेदी कां गेइलो,

तैस परमेशरे कां ज़ै मेरे बड़े

आनन्देरो कुण्डे, ते हे परमेशर,

हे मेरे परमेशर, अवं सारंगी बज़ेई-बज़ेई तेरू शुक्र केरेलो।

5 हे मेरे प्राण तू किजो बेचैन भोतस?

तू अन्तरे-अन्तरे किजो परेशान आस?

परमेशरे पुड़ उमीद रख, किजोकि तै मेरे तुत्तरेरी चमक

ते मेरो परमेशरे; अवं फिरी तैसेरू शुक्र केरेलो।