1 बेवकूफे अपने मने मां ज़ोवं, "कोई परमेशर अथ्थी नईं।"

तैना बिगड़ी जे, तैनेईं बुरैइारां भिट्टां कम्मां कियोरन;

कोई रोड़ां कम्मां केरनेबालो नईं।

2 परमेशरे सुर्गे पुड़ेरां मैन्हन पुड़ नज़र की

ताके हेरे कि कोई अक्ली सेइं च़लनेबालो

या परमेशरे तोप्पने बालोए कि नईं।

3 तैना सभेरे सब दूर भोए; सब एक्‍की साथी बिगड़ी जे;

कोई भलू कम केरनेबालो नईं, अक भी नईं।✝

4 परमेशर पुछ़ते, कुन तैन सब अनर्थ कम केरनेबालन किछ भी ज्ञान नईं,

ज़ैना मेरे लोकन रोट्टरे ज़ेरे खातन,

पन परमेशरेरू नवं न घिन्न?

5 तैन पुड़ बड़ो डर भोइ जेव ज़ैड़ी डरेरी कोई वजा न थी।

किजोकि यहोवा तैन केरि हेड्डी, ज़ैना तेरे खलाफ डेरे लेइतां थिये, तितर-बितर किये;

तीं त तैना शरमिन्दे किये एल्हेरेलेइ कि

परमेशरे तैना शैरी दित्ते।

6 भलू भोथू कि इस्राएलेरी पूरी मुक्ति सिय्योने मरां निस्सेथी!

ज़ैखन परमेशर अपने लोकन गुलैमी मरां वापस आनेलो।

तैखन याकूब मघन ते इस्राएल आनन्द केरेलो।✝