भजन संहिता 70

मद्दतरे लेई प्राथना

बज़ानेबालां केरे प्रधानेरे लेई याद करानेरे लेई दाऊदेरू भजन

1 हे परमेशर, लूशी एइतां मीं छुटा, हे यहोवा, मेरी मद्दत केरनेरे लेई लूश केर।✝70:1 भज. 40:14.

2 मेरी जानरे ज़ैना दुश्मन आन,

तैना शरमिन्दा ते बेइज़्ज़त भोन!

ज़ैना मेरे नुकसाने सेइं खुश भोतन,

तैना पत्रोवं कढे गान ते बेइज़्ज़त किये गान।

3 ज़ैना ज़ोतन, "आहा, आहा!"

तैना दुश्मन अपनि शर्मारेमारे उलटे फेरे गातन।

4 ज़ेत्रे तीं तोपतन, तैना सब तेरे वजाई सेइं खुश ते मघन भोन!

ते ज़ैना तेरी मुक्ति चातन, तैना लगातार ज़ोते रान, "परमेशरेरी तारीफ़ भोए!"

5 पन अवं त गरीब ते ज़रूरतमन्द आईं;

हे परमेशर मेरे लेई जल्दी केर!

तू मेरो मद्दत केरनेबालो ते छुटानेबालो आस;

तू यहोवा मेरे मद्दत केरनेरे लेई च़िर न ला।