भजन संहिता 113

तारीफ़रे काबल नवं

1 यहोवारी तारीफ़ केरा।*113:1 यहोवारी तारीफ़ केरा हालेलुय्याह

हे यहोवारे सेवकव, तारीफ़ केरा,

यहोवारे नंव्वेरी तारीफ़ केरा!✝113:1 अय्यू. 36:7.

2 यहोवारू नवं

हुन्ना करां लेइतां हमेशा तगर धन ज़ोवं गाए!

3 झ़ेझ़ां दिहाड़ो निसने करां देइतां ड्लवझ़ी दिहाड़ो डुबने तगर,

यहोवारू नवं तारीफ़रे काबले।

4 यहोवा सैरी कौमन पुड़ महाने,

ते तैसेरी महिमा अम्बरे करां भी उच्‍चीए।

5 इश्शे परमेशर यहोवारे बराबर कौने?

तै त उच्‍ची ठैरी तखते पुड़ बिशोरोए।

6 ते तै अम्बर ते ज़मीनी पुड़

तकनेरे लेई उन्ढे तकते।

7 तै कंगाले मित्ती पुड़ां

ते ज़रूरतमन्दे मांज़नी पुड़ेरां खड़े केरतां उच्‍चो केरते।

8 कि तै तैस प्रधान्न सेइं साथी,

मतलब अपने लोकां केरे प्रधान्न सेइं साथी बिशाले।

9 तै बेऔलाद कौन्शी घरे मां खुशी मनाने बाली अम्मा बनाते।

यहोवारी तारीफ़ केरा!