1 मुसीबतरे वक्ते मीं यहोवा कां प्राथना की,

ते तैने मेरी शुनी।

2 हे यहोवा झूठ ज़ोनेबाले ऐशी सेइं

ते धोखो देने बैली ज़िभी करां मेरी रक्षा केर।

3 हे धोखो देनेबाली ज़िभ,

तीं कुन मैल्हे? ते तीं सेइं साथी होरू कुन जादे कियूं गाए?

4 बहादरेरे तिखे तीर,

ते झाऊ बुट्टेरां अगरां!

5 अफ़सोस, अफ़सोस कुन मीं मेशेके मां परदेशी भोइतां रानू पेवं

ते केदार प्रदेशेरे तेम्बु मां बस्सनू पेवरूए।

6 बड़े वक्ते करां मीं मेलेरे बैरन सेइं साथी बिशनू पेवरूए।

7 अवं त मेल चाताईं;

पन मेरे ज़ोते, तैना लड़नू चातन!