1 हे परमेशर, तू केइस तगर? कुन तू मीं हमेशा बिसरी गालो?

तू केइस तगर अपनु तुत्तर मीं करां छ़ुपेइतां रखेलो?

2 अवं केइस तगर अपने मने मां सोचतो रेइलो,

ते सैरी दिहैड़ी अपने दिले मां दुखी भोतो रेइलो,

ते केइस तगर मेरो दुश्मन मीं पुड़ हावी भोतो रालो?

3 हे मेरे परमेशर यहोवा, मेरे पासे ध्यान दे ते मीं जुवाब दे,

मेरी एछ़्छ़न मां लौ एजने दे, एरू न भोए कि अवं मौतरी निड्ली मां झ़ुल्‍ली गेईं;

4 एरू न भोए कि मेरो दुश्मन ज़ोए, "अवं एस पुड़ ज़ींतोरोईं;"

ते एरू न भोए कि ज़ैखन अवं बिछ़ड़ने लेग्गी, ते मेरे दुश्मन खुशी भोन।

5 मीं त तेरी करुणाई पुड़ भरोसो कियोरोए;

मेरो दिल तेरे दित्तोरो छुटकारे मां मघन भोल्हो।

6 अवं यहोवारे नंव्वेरू भजन ज़ोइलो,

किजोकि तैनी मेरी भलियाई कियोरीए।