8 परमेशर दैआ तिन्‍नां लै बर्गत ज़सरै मन्‍नैं खोट निं आथी,

तिन्‍नां भेटणअ परमेशर।

3 बिधाते धारा प्रैंदै कुंण सका उखल़ी?

तेऊए पबित्र ज़ैगा कुंण सका खल़अ हई?

4 सिधै तिंयां ज़सरै काम अर बच़ार भलै आसा,

ज़ुंण मुहुर्ती नांईं पूज़दै अर

ज़ुंण झ़ुठी ज़बान निं करदै।

5 बिधाता दैणीं तिन्‍नां लै बर्गत अर तेऊ डाहणैं तिंयां बच़ाऊई,

तिंयां ई बणाणैं बिधाता आप्पू संघै धर्मीं।

9 तूह निं ऐबै मेरै पापा भाल़अ लागी,

ज़ुंण मुंह दी खोट आसा, तेता कर तूह मुखा आप्पै दूर।

10 हे परमेशर, मेरै मन्‍नैं पा तूह सुंबल़ी सोर अर

मेरी आत्मां कर तूह ऐबै शुची अर भरोस्सै करनै जोगी।

11 मुंह निं तूह आप्पू का दूर करी अर

नां आपणीं पबित्र आत्मां मुखा पोर्ही काढी।

1 बिधाता आसा इज़राईला लै भलअ,

खासकर तिन्‍नां लै ज़ुंण दिले शुचै आसा।

3 ज़ुंण बी मसीहा दी आशा डाहा, सह हआ आप्पू बी तिहअ शुचअ ज़िहअ प्रभू आसा पबित्र आसा।

2 मेरै पैरै भाईओ, ऐबै आसा हाम्हैं परमेशरे लुआद, अर अज़ी बी निं अह प्रगट हुअ कि आजू हाम्हैं किज़ै-किज़ै हणैं, पर एतरअ आसा हाम्हां का थोघ कि ज़ेभै सह प्रगट होए, तेभै हणैं हाम्हैं बी तेऊ ज़िहै, किल्हैकि सह हेरनअ हाम्हां तिहअ ई ज़िहअ सह आसा। 3 ज़ुंण बी मसीहा दी आशा डाहा, सह हआ आप्पू बी तिहअ शुचअ ज़िहअ प्रभू आसा पबित्र आसा।

5 मेरअ ताल्है इहअ करना लै बोल़णैंओ मकसद आसा इहअ कि तम्हैं विश्वासी करै एकी-दुजै संघै भली सोर शुचै मन्‍नैं पूरै भरोस्सै डाही झ़ूरी।

22 तिन्‍नां पापी कामां का रह दूर ज़ेता ज़ुआन मणछ हर बगत करनै च़ाहा। भली गल्‍ला कर। ज़ुंण शुचै मन्‍नैं प्रभूओ नाअं लआ, तिन्‍नां संघै कर धर्म, परमेशरा दी डाह भरोस्सअ, झ़ूरी अर शांती दी रहणें कोशिश कर। आपणीं संगत डाहणीं तिन्‍नां संघै ज़ुंण शुचै आसा तत्त-दिला का प्रभू सेटा अरज़ करा।

9 हुंह करा एही प्राथणां कि तम्हैं एकी-दुजै लै झ़ूरी, ज्ञैन अर सोभी रंगे सोर-समझ़ा दी होर बी बझ़दै लागे। 10 हुंह करा ऐहा गल्‍ला लै बी प्राथणां कि परमेशर तम्हां का ऐहा गल्‍ला रहैऊए कि तम्हैं भली का भली गल्‍ला परखी झ़ूरी करे अर ज़ेभै मसीहा स्वर्गा का फिरी एछणअ तेभै तैणीं रहे तम्हैं मानदार अर नर्दोश बणी। 11 ऐहा गल्‍ला लै बी करा हुंह प्राथणां कि तम्हैं सदा तिन्‍नां भली गल्‍ला करदै रहे ज़ेता लै तम्हैं परमेशरा सेटा मसीहा ईशू करै धर्मीं आसा बणाऐं दै। तै शुझणअ होरी लोगा का बी कि तम्हैं परमेशरो किहअ अदर करा।✝

14 कोई बी कामां करना लै नां हठल़दै लागणअ अर नां किज़ै खरी खोज़णीं। 15 ताकि तम्हैं शुचै अर पबित्र हई उंबल़ै अर हठू लोगा मांझ़ै परमेशरे बेदाग लुआद बणी रहे। ज़हा मांझ़ै तम्हैं सदा रहणैं आल़ी ज़िन्दगीओ बैण लई एऊ संसारै ज़ल़दै सदीऐ ज़िहै शुझिए। 16 कि मसीहे फिरी एछणें धैल़ी हुंह बी तम्हां पिछ़ू घमंड करी सकूं कि नां मेरअ प्रभू दी अह ठुहर्नअ अर नां मेरी अह मैन्थ ज़ांऐं डेऊई।

22 ज़ांऊं तम्हैं परमेशरो सत्त मनअ, तम्हैं हेरै शुचै बणाईं। ऐबै लागा तम्हां आपणैं संघी विश्वासी संघै कबल्‍ली दिला-मन्‍नां का झ़ूरी करनी।

2 मणछ सोठा इहअ कि ज़ुंण तेऊ किअ सह ई आसा ठीक,

पर बिधाता तोला तेऊओ मन्‍न।