Coração puro

8 ನಿರ್ಮಲಚಿತ್ತ ರ‍್ಹಯಲವಾಲಾ ಧನ್ಯ ವ್ಹೈ.

ತ್ಯುನೆ ಕ್ಹುದಾನೆ ದೆಕಸ.

3 ಕ್ರಿಸ್ತಮಾ ಆಸ ಮ್ಹೆಲಲ ಹರಿಯಕ್ಲಾ ಕ್ರಿಸ್ತ ಕಿಮ್ಮ ಪರಿಶುದ್ಧ ಛೆ ತಿನಾ ನಿಂಗತಜ಼ ಹರಿಯಕ್ಲಾ ಪರಿಶುದ್ಧ ಥೌ.

2 ಮಯಾನಾ ದೊಸ್ತೊ, ಹಮ್ನಾ ಅಪೆ ಕ್ಹುದಾನಾ ಬಚ್ಚಾ ಥಯಾಸ. ಅಗಾ ಅಪೆ ಸು ಥೈಯೆಸ ಕೈನ ಅಪೊನೆ ದೆಕಾಡಿನ ದಿದ್ಯೊ ನತ್ತಿ.ತೆನೈಸೊ ಕ್ರಿಸ್ತ ಫರಿನ ಆಯಲ್ಪರ ತಿನೆ ತಿಳ್ದಿಲಿಯೆಸ. ಅಪೆ ತಿನಾ ನಿಂಗತ ಥಯೆಸ. ಅಪೆ ತಿನು ಕ್ಹರಿನು ರೂಪ ದೆಕಿಯೆಸ. 3 ಕ್ರಿಸ್ತಮಾ ಆಸ ಮ್ಹೆಲಲ ಹರಿಯಕ್ಲಾ ಕ್ರಿಸ್ತ ಕಿಮ್ಮ ಪರಿಶುದ್ಧ ಛೆ ತಿನಾ ನಿಂಗತಜ಼ ಹರಿಯಕ್ಲಾ ಪರಿಶುದ್ಧ ಥೌ.

5 ಮಯಾಜ಼ ತೆ ಆಗ್ನ್ಯಾನಿ ಗುರಿ ವ್ಹೈ. ತೆ ಮಯಾ ಮಳು ಕದ್ಯಾಮ ಮನಕ್ಹೊ ಚೊ಼ಕಾ ಮನಸೆ ರ‍್ಹಯಲವಾಲಾ ರ‍್ಹೌ; ಯೊಗ್ಯ ಥಯಲ ಕಾಮಜ಼ ಕರಾಲಾ ರ‍್ಹೌ; ವರಿ ಕಪಟ ನೈಸೊ ಬರೊಕ್ಹೊ ರ‍್ಹಯಲವಾಲಾ ರ‍್ಹೌ.

22 ಜಾಂಜಿಮಾನೊ ಆಸ ಕರಾನಾ ಕೆಟ್ಟ ಕಾಮೊಕ್ಹು ತು ದುರ ರ‍್ಹೆ. ಮಯಾ, ಬರೊಕ್ಹೊ ವರಿ ಶಾಂತಿ ವ್ಹಂದಲವಾಲೊ ಥೈನ ನಿತಿಕ್ಹು ಜಿ಼ವ್ಸಾನೆ ಕೊಶಿಶ ಕರ. ಪ್ರಭುಮಾ ಬರೊಕ್ಹೊ ಮ್ಹೆಲಲ ವರಿ ಪರಿಶುದ್ಧ ಮನಸ್ಸ ರ‍್ಹಯಲ ಮನಕ್ಹೊನಾ ಕ್ಹಾತೆ ಮಳಿನ ಎ ಕಾಮೊ ಕರಿನ ಪ್ರಭುನೆ ಸಹಾಯನೆ ಬಲಾವೊ.

9 ವರಿ ತುಮಾರಿ ಮಯಾ ಹಜ಼ು ಘನಿ ಥಾತಿ ಕ್ಹಾರು ಗ್ಯಾನ ವಿವೆಕ ತಮೊನೆ ಮಳಾದೆ ಕೈನ ತಮಾರಾಹುತಿ ಪ್ರಾರ್ಥನಾ ಕರುಸ. 10 ಚೊ಼ಕು ಕೆಟ್ಟನು ವಳಕಾನು ಫರಕನಾಹುತಿ ಚೊ಼ಕುಜ಼ ‍ರ‍್ಹಯೆಲ ಇನಿಲಿವಾಲಾ ಥೌ; ಕ್ರಿಸ್ತ ಆವಾನಾಮಾ ತುಮೆ ಪರಿಶುದ್ಧ ರ‍್ಹೈನ ಸುಜ಼ ತಪ್ಪ ನೈಸೊವಾಲಾ ಥೌ. 11 ಯೆಸು ಕ್ರಿಸ್ತ ಮುಲಕ ಥಯಲ ನಿತಿ ಕವಾನು ಫಲಕ್ಹು ಭರಲವಾಲಾ ಥೈನ ರ‍್ಹೌ ಕೈನ ಕ್ಹುದಾನೆ ಘನತೆ ವರಿ ಸ್ತೊತ್ರ ಕೌ ಕೈನ ಮಾಂಗಿಲ್ಯುಸ.

14 ಗುಣಗುಟ್ಯಾವಾಚಿ ವಿವಾದ ರ‍್ಹಹೆವಾಚಿ ಕ್ಹಾರು ಕರೊ. 15 ಇಮ್ಮ ತುಮೆ ತಪ್ಪ ನೈಸೊವಾಲಾ ವರಿ ಯಕ್ಕಜ಼ ಮನಸ್ಸವಾಲಾ ಥೈನ ವಾಕಿ ಗ್ಯಾನ ಪಿಸಾಳಾವೊನಿ ಜಾತನಿ ವಚ಼ಮಾ ಕ್ಹುದಾನಾ ತಪ್ಪ ನೈಸೊವಾಲಾ ಬಚ್ಚಾ಼ ಥಾವೊಶಿ. 16 ತ್ಯುನೊಮಾ ತುಮೆ ಬಿಜಾ಼ವೊನೆ ಜ಼ಲಮ್ಮ ದಿವಾನಿ ವಾಕ್ಯ ದೆಕಾಡಿನ ದಿವಾನಾಹುತಿ ದುನಿಯಾಮ್ಮಾ ಚಮ್ಮಕಾವಾಲಾ ಚಿ಼ಕ್ಕಿಯೊ ಥಾವೊಶಿ. ತುಮೆ ಅಮ್ಮ ಚಾಲ್ಯಾಮ ಮಿ ಸುವಾರ್ತೆನಾ ಹುತಿ ನ್ಹಾಟಲ ಲುಕ್ಸಾನ ಥಾತುನೈ ಮಿ ಪ್ರಯಾಸ ಕರಲ ಹಾಳ ನೈ ಥಾತು ಕವಾನು ಕಲಿವಾನು ಕ್ರಿಸ್ತನಾ ದಿನೊಮಾ ಮನೆ ಮಳಸ.

22 ತುಮೆ ಕ್ಹರಿನೆ ವಿಧೆಯ ಥಾವಾನಾ ಮುಲಕ ತುಮೊನೆ ಪರಿಶುದ್ಧ ಕರಲಿದ್ಯಾ. ಹಮ್ನಾ ತುಮೆ ತುಮಾರಾ ಭಾಯೊ ಭೆನೊನೆ ಕ್ಹರಿಮಾಜ಼ ಮಯಾ ಕರಾಲಾ ಥಯಾಸ. ತಿನಾಹುತಿ ಯಕ್ಲಾಪರ ಯಕ್ಲೊ ಮನಸೆ ಮಯಾ ಕರೊ.