Coração quebrantado
Deus está perto dos que têm o coração quebrantado. A Bíblia consola os aflitos: o sacrifício que Deus aceita é o espírito quebrantado e um coração contrito — jamais desprezará.
यहोवा ट्लुटोरे दिलां केरे नेड़े रहते,
ज़ैन उमीद नईं तैन्न छुटकारो देते।
ट्लुटोरो मन परमेशरेरे लेई बलिदाने;
हे परमेशर, तू ट्लुटोरे ते ढ्लन्च़ोरे मने
घटिया न समझ़स।
यहोवा दुखी दिलेरे बिमारन बझ़ाते,
ते तैन केरे ज़खमन पुड़ पट्टी बन्धते।
मेरो दिल ते मन दूईये हारोरेन,
पन परमेशर सदारे लेई मेरो हिस्सो
ते मेरे दिलेरी चट्टान बनोरोए।
किजोकि ज़ै महान ते उत्तम ते हमेशा कायम रहते, ते ज़ेसेरू नवं पवित्रे, तै एन ज़ोते, "अवं उच्ची ते पवित्र ठैरी बास केरताईं, ते तैस सेइं साथी भी रहताईं ज़ै दुखी ते हलीम आहे, कि अवं हलीम लोकां केरे दिल ते दुखी लोकां केरे मन खुश केरि।
यहोवा एन भी ज़ोते, एना सब चीज़ां मेरे हथ्थेरी बेनोरिन, एल्हेरेलेइ एना सब मेरी आन। पन अवं तैसेरे पासे नज़र केरेलो ज़ै दीन ते दुखी मनेरो भोए, ते मेरू वचन शुन्तां थरकतो भोए।
यशायाह नबूवत केरते ज़ोते, प्रभु यहोवारो आत्मा मीं पुड़े; किजोकि यहोवा खुशखबरी शुनानेरे लेई मेरू अभिषेक कियोरूए ते अवं एल्हेरेलेइ भेज़ोरोईं कि दुखी लोकन शान्ति देईं, ते कैदी लोकां केरे लेई आज़ादी ते कैदी लोकां केरे लेई छुटकारेरो प्रचार केरि; कि यहोवारे खुश रानेरे सालेरो ते इश्शे परमेशरे बदलो घिन्नेरे दिहाड़ेरो प्रचार केरीं; कि सेभी मातम केरनेबालन शान्ति देईं। ते सिय्योनेरे मातम केरनेबालां केरे दोग्गे पुड़ेरां मांज़न दूर केरतां खूब रोड़ी पगड़ी बन्धेलो, कि तैन केरो मातम दूर केरतां तैन खुशरो तेल लेईं ते तैन केरि उदासी हटेइतां तैन यशेरां लिगड़ां लुवेइं; ज़ैस सेइं तैना धार्मिकतारे बंज़ेरे बुट्टे हैठ ते यहोवारे लेवरे ज़ोए गाले ते ज़ैस सेइं तैसेरी इज़्ज़त बांदी भोल्ही।
"परमेशर तैन लोकन बरकत देते, ज़ैना ज़ानतन कि तैन परमेशरेरी ज़रूरते,
किजोकि तै तैन पुड़ राज़ केरेलो।
परमेशर तैन लोकन बरकत देते, ज़ैना दुखी आन,
किजोकि परमेशर तैन तसल्ली देलो।
परमेशर तैन लोकन बरकत देते ज़ैना नम्र आन,
किजोकि परमेशर तैन, तैना सैरी बरकतां देलो ज़ैन केरो तैनी वाधो कियोरोए।
किजोकि परमेशरेरे भेक्तरो दुख एरो पसतावो पैदा केरते ज़ैस सेइं मुक्ति मैलतीए, फिरी तैस सेइं पसतानू न पे, पन दुनियारो दुख हमेशारी मौत पैदा केरते। ते हेरा, इस्से गल्ली सेइं तुसन परमेशरेरे भेक्तरो दुख भोव, कि तुसन केत्रो जोश, उज़र, सरक, डर, इच्छा, मघन भोनू, ते सज़ाह देनेरो खियाल पैदा भोव? तुसेईं सेब्भी तरीके सेइं इन सिद्ध कियूं, कि तुस इस गल्ली मां बेकसूर आथ।
ते तैने मीं सेइं ज़ोवं, "मेरो अनुग्रह तेरे लेई सुधोए; किजोकि मेरी शक्ति कमज़ोरी मां सिद्ध भोतीए।" एल्हेरेलेइ अवं एपनी कमज़ोरी पुड़ घमण्ड केरेलो, कि मसीहेरी सामर्थ मीं पुड़ एंइती राए।