18 ഹൃദയം നുറുങ്ങിയവർക്ക് യഹോവ സമീപസ്ഥൻ;

മനസ്സു തകർന്നവരെ അവിടുന്ന് രക്ഷിക്കുന്നു.

17 ദൈവത്തിന് പ്രസാദകരമയിരിക്കുന്ന ഹനനയാഗങ്ങൾ* തകർന്നിരിക്കുന്ന മനസ്സല്ലയോ?

തകർന്നും നുറുങ്ങിയുമിരിക്കുന്ന ഹൃദയത്തെ, ദൈവമേ, അവിടുന്ന് നിരസിക്കുകയില്ല.

3 മനം തകർന്നവരെ കർത്താവ് സൗഖ്യമാക്കുകയും

അവരുടെ മുറിവുകൾ കെട്ടുകയും ചെയ്യുന്നു.

26 എന്‍റെ മാംസവും ഹൃദയവും ക്ഷയിച്ചുപോകുന്നു;

ദൈവം എന്നേക്കും എന്‍റെ ഹൃദയത്തിന്‍റെ ശക്തിയും എന്‍റെ ഓഹരിയും ആകുന്നു*.

15 ഉന്നതനും ഉയർന്നിരിക്കുന്നവനും ശാശ്വതവാസിയും

പരിശുദ്ധൻ എന്നു നാമമുള്ളവനുമായവൻ ഇപ്രകാരം അരുളിച്ചെയ്യുന്നു:

"ഞാൻ ഉന്നതനും പരിശുദ്ധനുമായി വസിക്കുന്നു;

താഴ്മയുള്ളവരുടെ മനസ്സിനും മനസ്താപമുള്ളവരുടെ ഹൃദയത്തിനും

ചൈതന്യം* വരുത്തുവാൻ മനസ്താപവും

മനോവിനയവുമുള്ളവരോടു കൂടെയും വസിക്കുന്നു.

2 എന്‍റെ കൈ ഇതൊക്കെയും ഉണ്ടാക്കി;

അങ്ങനെയാകുന്നു ഇതെല്ലാം ഉളവായത്"

എന്നു യഹോവ അരുളിച്ചെയ്യുന്നു;

"എങ്കിലും എളിയവനും മനസ്സു തകർന്നവനും

എന്‍റെ വചനത്തിങ്കൽ വിറയ്ക്കുന്നവനുമായ

മനുഷ്യനെ ഞാൻ കടാക്ഷിക്കും.

1 എളിയവരോടു സദ്വർത്തമാനം ഘോഷിക്കുവാൻ യഹോവ എന്നെ അഭിഷേകം ചെയ്തിരിക്കുകകൊണ്ടു

യഹോവയായ കർത്താവിന്‍റെ ആത്മാവ് എന്‍റെ മേൽ ഇരിക്കുന്നു;

ഹൃദയം തകർന്നവരെ മുറിവുകെട്ടുവാനും

തടവുകാർക്കു വിടുതലും

ബദ്ധന്മാർക്കു സ്വാതന്ത്ര്യവും അറിയിക്കുവാനും

2 യഹോവയുടെ പ്രസാദവർഷവും

നമ്മുടെ ദൈവത്തിന്‍റെ പ്രതികാരദിവസവും പ്രസിദ്ധമാക്കുവാനും

ദുഃഖിതന്മാരെയെല്ലാം ആശ്വസിപ്പിക്കുവാനും

3 സീയോനിലെ ദുഃഖിതന്മാർക്കു ചാരത്തിനു പകരം അലങ്കാരമാലയും

ദുഃഖത്തിനു പകരം ആനന്ദതൈലവും

വിഷാദമനസ്സിനു പകരം സ്തുതി എന്ന മേലാടയും കൊടുക്കുവാനും

അവൻ എന്നെ അയച്ചിരിക്കുന്നു;

അവൻ മഹത്ത്വീകരിക്കപ്പെടേണ്ടതിന് അവർക്ക് നീതിവൃക്ഷങ്ങൾ എന്നും

യഹോവയുടെ നടുതല എന്നും പേരാകും.

3 ആത്മാവിൽ ദരിദ്രരായവർ ഭാഗ്യവാന്മാർ;

സ്വർഗ്ഗരാജ്യം അവർക്കുള്ളത്.

4 ദുഃഖിക്കുന്നവർ ഭാഗ്യവാന്മാർ;

അവർക്ക് ആശ്വാസം ലഭിക്കും.

5 സൌമ്യതയുള്ളവർ ഭാഗ്യവാന്മാർ;

അവർ ഭൂമിയെ അവകാശമാക്കും.

10 എന്തെന്നാൽ, ദൈവഹിതപ്രകാരമുള്ള ദുഃഖം രക്ഷയിലേക്കു നയിക്കുന്ന മാനസാന്തരത്തെ ഉളവാക്കുന്നു; അതിൽ ഖേദിക്കേണ്ടതില്ല; ലോകത്തിന്‍റെ ദുഃഖമോ മരണത്തെ ഉളവാക്കുന്നു.

11 ദൈവഹിതപ്രകാരം നിങ്ങൾ ദുഃഖിച്ചു എന്നുള്ള ഇതേ കാര്യം നിങ്ങളിൽ എത്ര ഉത്സാഹം, എത്ര പ്രതിവാദം, എത്ര ധാർമ്മിക* രോഷം, എത്ര ഭയം, എത്ര വാഞ്ഛ, എത്ര തീക്ഷ്ണത, എത്ര പ്രതികാരം നിങ്ങളിൽ ഉളവാക്കി! ഈ കാര്യത്തിലെല്ലാം നിങ്ങൾ കുറ്റമില്ലാത്തവർ എന്നു എല്ലാവിധത്തിലും കാണിച്ചിരിക്കുന്നു.

9 അവൻ എന്നോട്: എന്‍റെ കൃപ നിനക്കു മതി; എന്‍റെ ശക്തി ബലഹീനതയിൽ തികഞ്ഞുവരുന്നുവല്ലോ എന്നു പറഞ്ഞു. ആകയാൽ ക്രിസ്തുവിന്‍റെ ശക്തി എന്‍റെ മേൽ ആവസിക്കേണ്ടതിന് ഞാൻ അതിസന്തോഷത്തോടെ എന്‍റെ ബലഹീനതകളിൽ പ്രശംസിക്കും.