Coração quebrantado
Deus está perto dos que têm o coração quebrantado. A Bíblia consola os aflitos: o sacrifício que Deus aceita é o espírito quebrantado e um coração contrito — jamais desprezará.
ଞେନ୍ ସୋଡ଼ା ଡ ମଡ଼ିର୍ ଇସ୍ୱର, ଆନା ଆଏଡ଼ର୍ ଆସନ୍ ଆମେଙ୍ ଡକୋ । ଞେନ୍ ଅବୟ୍ ସୋଡ଼ା ଡ ଡରକୋନେଲୋଙନ୍ ଡକୋଲନାୟ୍, ବନ୍ଡ ଞେନ୍ ନିୟ୍ ଲଗଡ୍ ବୁଡ୍ଡିମରଞ୍ଜି ଡ ଆରାବ୍ୟର୍ ବୁଡ୍ଡିତଞ୍ଜି ଆମନ୍ରା ସରିନ୍ ଡକୋତନାୟ୍ । ଇନିଆସନ୍ଗାମେଣ୍ଡେନ୍ ଆଡର୍ତଞ୍ଜି ଆମନ୍ରାଜି ଡ ଆସାଲନ୍ ଆଡ୍ରକୋତଞ୍ଜି ଆମନ୍ରାଜିଆଡଙ୍ ମବ୍ରଙ୍ତାଜି ।
ଇନିଆସନ୍ଗାମେଣ୍ଡେନ୍ କେନ୍ଅଡ଼୍କୋନ୍ ଅସିଞେନ୍ ବାତ୍ତେ ଗନବ୍ଡେଲନ୍ ଡେଏନ୍, ଆରି ତିଆସନ୍ କେନ୍ଅଡ଼୍କୋନ୍ ଗଡେଲେନ୍, କେନ୍ଆତେ ପ୍ରବୁନ୍ ବର୍ତନେ; ବନ୍ଡ କେନ୍ ଆମନ୍ରା ଆସନ୍ ଆଗରାମ୍ଗାମ୍ ଅଙ୍ଗା ଆମନ୍ରା ଡୁକି, ଲଗଡ୍ମର୍ ଆରି ଆନା ବର୍ନେଞେନ୍ ଅମ୍ଡଙ୍ଲେ ବତଙ୍ତେ ଆମଙ୍ବାନ୍ ଞେନ୍ ଗିୟ୍ଗିୟ୍ତାୟ୍ ।
ଇସ୍ୱରନ୍ ଆପୁଡ଼ାରା ଡଅଙ୍ଲୋଙ୍ଞେନ୍ ଇୟ୍ତାୟ୍ ଡକୋନେ ।
ଇନିଆସନ୍ଗାମେଣ୍ତେନ୍ ଲବଡ୍ଡିମରଞ୍ଜି ଆମଙ୍ବା ମନଙ୍ବରନ୍ ଅନପୁଙନ୍ ଆସନ୍
ପ୍ରବୁନ୍ ଞେନ୍ଆଡଙ୍ ଅବିସେକଲିୟ୍,
ଆନିନ୍ ଆପଲାଙ୍ ଆଉଗର୍ ମନ୍ରାଞ୍ଜି ଆପାରାନ୍ ଜିବାତ୍ତେ,
ବଣ୍ତିମରଞ୍ଜି ଆନୁର୍ ଆସନ୍ ଡ ବଣ୍ତିସିଙ୍ଲୋଙ୍ ଆଡର୍କୋତଞ୍ଜି ଆମନ୍ରାଜି ଆନୁର୍ ଆସନ୍ ମନଙ୍ବରନ୍ ବର୍ରନେନ୍ ଡେତେ;
ଇସ୍ୱରନ୍ ଅନୁଗ୍ରହନ ବର୍ରସେଙ୍ ଡ ଇସ୍ୱରଲେନ୍ ଡୁଲ୍ନେଡିନ୍ନାଇଙନ୍ ବର୍ରନେ;
ୟେଡାନେମର୍ରଞ୍ଜି ଆବନୁୟୋବ୍ତେ ;
ସିୟନନ୍ ଆୟେଡାମର୍ରଞ୍ଜି ଆସନ୍ ଗବ୍ରିଏନ୍, ଆଗ୍ରାମ୍ଗାମ୍, କୋମାବନ୍ ଆପାଲ୍ତେଙ୍ ରନୁରୁ,
ଡୁକ୍କନ୍ ଆପାଲ୍ତେଙ୍ ସୁକ୍କାନ୍ ଆମିଞଲ୍, ଆଞରିତେନ୍ ମଡ଼ିର୍ ପୁଡ଼ାରାନ୍ ଆପାଲ୍ତେଙ୍ ସନେସେଙନ୍ ଆସିନ୍ରି ଆଜନିଜି ଞେନ୍ତିୟ୍ଲିୟ୍;
ତି ଆସନ୍ ଇସ୍ୱରନ୍ ଏଙ୍ଗାଲେ ଆସନେନ୍ସେନ୍ ଞାଙ୍ତେ, ତି ଆସନ୍ ଆକୋତ୍ତାନ୍ ଅନ୍ତମ୍ ମନଙ୍ ଗିୟ୍ତବେନ୍ କେନ୍ ବାତ୍ତେ ଅଡ଼୍କୋରେଙନ୍ ଜନାତଜି ।
"ପୁରାଡ଼ାଲୋଙନ୍ ଡୋଲେୟ୍ମରଞ୍ଜି ସନେନ୍ସେନ୍;
ଇନିଆସନ୍ଗାମେଣ୍ଡେନ୍ ରୁଆଙ୍ ରାଜ୍ୟନ୍ ଆନିଞ୍ଜିଆତେ ।
ୟେୟେଡାମରଞ୍ଜି ସନେନ୍ସେନ୍;
ଇନିଆସନ୍ଗାମେଣ୍ଡେନ୍ ଆନିଞ୍ଜି ବନବ୍ୟୋନ୍ ଞାଙ୍ତଜି ।
ଲଗଡ୍ ବୁଡ୍ଡିମରଞ୍ଜି ସନେନ୍ସେନ୍;
ଇନିଆସନ୍ଗାମେଣ୍ଡେନ୍ ଇସ୍ୱରନ୍ ଅଙ୍ଗାତେ ଆନିଞ୍ଜିଆଡଙ୍ ତନିୟନ୍ ଆସନ୍ ବାସାଏଞ୍ଜି ତିଆତେ ଆନିଞ୍ଜି ଞାଙ୍ତଜି ।
ଇନିଆସନ୍ଗାମେଣ୍ଡେନ୍ ଅଙ୍ଗା ସନିନ୍ତା ଇସ୍ୱରନ୍ ଆ ଇସ୍ସୁମ୍ ବାତ୍ତେ ଅଡ଼ୋଆୟ୍, ତିଆତେ ଆବ୍ୟର୍ବୁଡ୍ଡିଲନ୍ ଅନୁରନ୍ ଆଞନାଙ୍ ଆସନ୍ ଅଡ଼ୋଆୟ୍, ତି ଆ ସନିନ୍ତା ଆସନ୍ ଅଃୟେୟେଡାନେବୋ; ବନ୍ଡ ପୁର୍ତିନ୍ ଆ ସନିନ୍ତା ବାତ୍ତେ ରବୁଲଙ୍ତନ୍ । ତିଆସନ୍ ଗିୟ୍ବା, ଇସ୍ୱରନ୍ ଆ ଇସ୍ସୁମ୍ ବାତ୍ତେ ଆମ୍ୱେଞ୍ଜି କେନ୍ ଆ ସନିନ୍ତା ଏଞାଙେନ୍, ତିଆତେ ଅମ୍ମେଲେ ଆମ୍ୱେଞ୍ଜି ଡିଅଙ୍ଗା ଆ ସର୍ଡା, ଡିଅଙ୍ଗା ଆ ବନ୍ତଙ୍, ଡିଅଙ୍ଗା ଆ ବନ୍ଡ୍ରାବ୍, ଡିଅଙ୍ଗା ଆ ଲନଡୟ୍, ଡିଅଙ୍ଗା ଆନୁୟୁବ୍, ଡିଅଙ୍ଗା ଅନୁୟାନ୍, ଡିଅଙ୍ଗା ଅଲ୍ଡୁଲ୍ବାଞନ୍ ଡୁଙ୍ଲନାୟ୍, କେନ୍ ଅଡ଼୍କୋନ୍ ଆ ବର୍ନେଲୋଙ୍ ଆମ୍ୱେଞ୍ଜି ଡୋସା ତଡ୍ ଗାମ୍ଲେ ଅବ୍ତୁୟ୍ଡମ୍ଲନ୍ ଏରପ୍ତିଏନ୍ ।
ଆରି, ପ୍ରବୁନ୍ ଞେନ୍ଆଡଙ୍ ବର୍ରିଁୟ୍, "ସନାୟୁମ୍ଞେନ୍ ଆମ୍ୱେନ୍ ଆସନ୍ ଡିୟ୍ତେ ସରି, ଇନିଆସନ୍ଗାମେଣ୍ଡେନ୍ ଆମ୍ୱେନ୍ ଏର୍ବପ୍ପୁ ଡେଲବେନ୍ ଡେନ୍, ବୋର୍ସାଞେନ୍ ରାଙ୍ଡାତେ ।" ଏଙ୍ଗାଲ୍ଡେନ୍ କ୍ରିସ୍ଟନ୍ ଆ ବୋର୍ସା ଡଅଙ୍ଲୋଙ୍ଞେନ୍ ଡକୋତନେ, ତିଆସନ୍ ଞେନ୍ ଗୋଗୋୟ୍ ସର୍ଡାନ୍ ବାତ୍ତେ ଏର୍ବପ୍ପୁଞେନ୍ ଆସନ୍ ଅବ୍ସୋଡ଼ାଡମ୍ତନାୟ୍ ।