Coração quebrantado
Deus está perto dos que têm o coração quebrantado. A Bíblia consola os aflitos: o sacrifício que Deus aceita é o espírito quebrantado e um coração contrito — jamais desprezará.
ବାତେଙ୍କ୍ଇତ୍କେ ବେନ ସାରେ କାଲାମ୍ ମାନ୍ଦାନନ୍, ବେନନ୍ ପେଦେର୍ ପବିତ୍ର, ଆଦ୍ ଡେଙ୍ଗ୍ ନୁ ଉନ୍ନତି ମାନେଇ ଇଦ୍ ଗଟ୍ କେତିତଣ୍ଡ୍; ମାମେ ପରୁତମ୍ ନୁ ପବିତ୍ର ପଡ଼ିୟେତାଗ୍ ମାନ୍ଦାନମ୍, ମେଣ୍ଡେ ଲେକେତ୍ ନାରୁଡ଼୍ ଆତ୍ମାତିଙ୍କ୍ ଜିୱେ ନୁ ସୁନାଲେକାତ୍ ନାରୁଡ଼୍କିଙ୍କ୍ ହୃଦୟ୍ତିଙ୍କ୍ ଜିୱେ ମାଡ଼ାନଙ୍କ୍ ମାମେ ସୁନା ନୁ ଲେକେତ୍ମାନ୍ତେ ନାରୁନ୍ ସାଙ୍ଗେ କେ ମାନ୍ଦ୍ତମ୍।
ବାତେଙ୍କ୍ଇତ୍କେ ମାନାଦ୍ କାଇ ଇୱୁସାରେ ତିଆର୍ ମାଡ଼ିମିନ୍ଦେ, ଆଦିନ୍ ସେଙ୍ଗେ ଇୱୁସାରେ ପେୟିତ୍ତା," ଇଦ୍ ସଦାପ୍ରବୁ କେତିତଣ୍ଡ୍; "ମାତର୍ ଇ ନାରୁଡ଼୍ ପରୁ, ଇତ୍କେ ବେନ୍ ନାରୁଣ୍ଡ୍ ଦୁଃକାମ୍, ନମ୍ର ନୁ ବେନ ମାନ୍ ବାକ୍ୟତାଗ୍ ସାର୍ଦେ ଆଦ୍ତେ, ଆଦିନ୍ ପରୁ ମାମେ କଣ୍ଡେ ୱାଟିତମ୍।
ପ୍ରବୁ ସଦାପ୍ରବୁନ୍ ଆତ୍ମା ନାୟାଗେ ୱାସ୍ ମିନ୍ଦେ; ବାତେଙ୍କ୍ଇତ୍କେ ନମ୍ର ନାରୁଡ଼୍ ପାକେ ସୁସମାଚାର୍ ପ୍ରଚାର୍ ମାଡ଼ାନ୍ ସେଙ୍ଗେ ସଦାପ୍ରବୁ ନାକିଙ୍କ୍ ହେଞ୍ଚିମିନ୍ଦେଣ୍ଡ୍; ଅଣ୍ଡ୍ ଉର୍ଙ୍ଗ୍ତେ ଲେକେତ୍ ନାରୁଡ଼୍ ପୁଣ୍ଡ୍ତିଙ୍କ୍ ତଃସିଦ୍ତଣ୍ଡ୍, ବନ୍ଦୀ ନାରୁଡ଼୍ ପରୁ ମୁକ୍ତି ନୁ ଜିଲ୍ତାଗ୍ ମାନ୍ଦାନ୍ ନାରୁଡ଼୍କିଙ୍କ୍ ପରୁ ଜଇଲ୍ତାଗ୍ ମୁକ୍ତ ଆଦାନ୍ ଗଟ୍ ପ୍ରଚାର୍ ମାଡ଼ାନଙ୍କ୍; ସଦାପ୍ରବୁନ୍ ୱିଡ଼୍ସ୍ତେ ବର୍ଷ ନୁ ମାନ୍ ପରମେଶ୍ୱର୍ତେ ବଦ୍ଲା ଦିନାମ୍ କେତାନଙ୍କ୍; ଦୁଃକାମ୍ତେ ନାରୁଡ଼୍କିଙ୍କ୍ ସାନ୍ୱନା ମାଡ଼ାନଙ୍କ୍; ସିୟୋନତେ ଦୁଃକାମ୍ ନାରୁଡ଼୍ ସେଙ୍ଗେ ତିଆର୍ ମାଡ଼ାନଙ୍କ୍, ଇତ୍କେ, ନିର୍ଦେ ବାଦୁଲ୍ତେ ସଜ୍ ଆଦ୍ତେ, ଦୁଃକାମ୍ତେ ବାଦୁଲ୍ ସୁକତେ ଲେକେତ୍ ନିୟ୍, ଦୁର୍ବଲ୍ ଆତ୍ମା ବାଦୁଲ୍ତେ ପ୍ରଶଂସାଲେକାତ୍ ଚକା କେର୍ଦାନଙ୍କ୍ ଅଣ୍ଡ୍ ନାକିଙ୍କ୍ ରସ୍ମିନ୍ଦେଣ୍ଡ୍; ଆସୁଙ୍ଗ୍ ସଦାପ୍ରବୁ ବେଲାନ୍ ଗୌରବ୍ ଆଦ୍ତଣ୍ଡ୍, ଆଦିଙ୍କ୍ ଅଡ଼୍ ଅଲୋନ୍ ମାଡ଼େ ଲେକାତ୍ ନୁ ତାନ୍ ବଗିଚା ଇଞ୍ଜ କେତାନଙ୍କ୍ ଆଦ୍ତେ।
"ଆଦ୍ୟାତ୍ମିକ୍ ଜିୱୁନ୍ତାଗ୍ ଦୁର୍ବଲ୍ ଇଞ୍ଜ ଏର୍କା ମାଡ଼ାନ୍ ନାରୁଡ଼୍ ଦନ୍ୟ,"
ବାତେଙ୍କ୍ ଇତ୍କେ ଅଡ଼୍ ସ୍ୱର୍ଗରାଜ୍ୟତେ ଅଦିକାର ଆଦ୍ତଡ଼୍ ।
ଦୁଃକାମ୍ ନାରୁଡ଼୍ ଦନ୍ୟ,
ବାତେଙ୍କ୍ ଇତ୍କେ ଇଶ୍ୱର୍ ଅଡ଼୍କିଂଙ୍କ୍ ସାନ୍ତନା ହିଦ୍ତଣ୍ଡ୍ ।
ନମ୍ର ନାରୁଡ଼୍ ଦନ୍ୟ,
ବାତେଙ୍କ୍ ଇତ୍କେ ଅଡ଼୍ ପୃତିବିତେ ଅଦିକାରି ଆଦେପାର୍ଦ୍ତଡ଼୍ ।
ବାତେଙ୍କ୍ ଇତ୍କେ ଇଦ୍ଲେକାତ୍ ଦୁଃକାମ୍ ଇଶ୍ୱର୍ତଡ଼୍ ବ୍ୟବହାର୍ ଆସ୍ ଅଦିନ୍ତଡ଼୍ ହୃଦୟ୍ ବାଦ୍ଲେମ୍ ଆତ୍କେ ପରିତ୍ରାଣ ଦର୍କିତ୍ । ଇଗେ ଅନୁତାପ୍ ଆଦାନାଦ୍ ବାତ୍ ଇଲ୍ଲେ । ବାତେଙ୍କ୍ ଇତ୍କେ ମାତର୍ ଜଗତ୍ତାଦ୍ ଦୁଃକାମ୍ ଡଲ୍ନାଦ୍ ଗଟେମ୍ମାଡ଼ିତ୍ । ଉଡ଼ାଟ୍, ଇଶ୍ୱର୍ତେ ଲେକାମ୍ ଇଦ୍ ଦୁଃକାମ୍ ମିଇ ମନ୍ତାଗ୍ ବେସର୍ ଇଚ୍ଛା, ବେସର୍ ୱେରେ, ବେସର୍ କପାମ୍, ଆତ୍ମସଂଶୋଦନ ସେଙ୍ଗେ ବେସର୍ ୱାଦାନ୍, କାରାପ୍ ପାଡ଼ିୟିଦେ ନାରୁଡ଼୍କ୍ ଦଣ୍ଡ ଇଦାନଙ୍କ୍ ବେସର୍ ତର୍ପରତା ସଂଚାରିତ୍ ମାଡ଼୍ତେ । ଇଦ୍ସାରେ ବିଷୟ୍ତେ ମିଡ଼୍ ନିର୍ଦ୍ଦୋଷ ଇଞ୍ଜ ପ୍ରାମାନ୍ ଆଦ୍ତିଡ଼୍ ।
ବାତେଙ୍କ୍ ଇତ୍କେ ଅଣ୍ଡ୍ ନାକିଂଙ୍କ୍ କେତ୍କେ, "ନାୟାଦ୍ ଅନୁଗ୍ରହ ମିଇ ସେଙ୍ଗେ ଆଦ୍ତେ, ବାତ୍ତିଙ୍କ୍ଇତ୍କେ ମିୟାଦ୍ ଦୁର୍ବଲତାତେ ମାୟାଦ୍ ଶକ୍ତି ସିଦ୍ଦ ଆଦ୍ତେ ।" ଆଦିଙ୍କ୍ କ୍ରିଷ୍ଟନ୍ ଶକ୍ତି ନାୟାଗେ ଅଦିଷ୍ଟାନ୍ ମାଡ଼ାନ୍ ସେଙ୍ଗେ ନାନ୍ ନାୟାଦ୍ ଦୁର୍ବଲ୍ତାଦ୍ ସେଙ୍ଗେ ଅଦିକ୍ ଗର୍ବ ମାଡ଼ିତାନ୍ ନୁ ୱେଡ଼େକେ ମାଡ଼ିତାନ୍ ।