Coração quebrantado
Deus está perto dos que têm o coração quebrantado. A Bíblia consola os aflitos: o sacrifício que Deus aceita é o espírito quebrantado e um coração contrito — jamais desprezará.
Mndewa Mulungu kahabehi na wanhu waja wafile moyo,
kowakombola wose welibule chochose cha kugozela.
Nhambiko zimnogeza Mulungu ni kuinyendanyenda,
weye Mulungu, hulema munhu yosama.
Kowahonya waja wabeneke imizoyo,
na kowaguma moyo wanhu wolumwa.
One nihapuwa nguvu muna ulukuli lwangu na muna umoyo,
weye Mulungu konitendeza niwe na nguvu siku zose.
Nikusagula weye siku zose.
Mulungu yokala uchanyha ng’hani,
yeye yokala siku zose na yotangigwa Yelile, kolonga,
"Niye nokala uchanyha, hanhu helile,
nokala na wanhu wosama na woinyendanyenda.
Niye nizawaguma moyo wanhu woinyendanyenda,
na kuwaguma moyo wanhu wosama.
Niye mwenyewo nivitenda vinhu ivo vose,
iviya vinhu vose vangu.
Mbali nomgesa munhu nyondenyonde yeli na usungu,
munhu yogudemeka kwa kudumba viyohulika mbuli yangu.
Mbuli inogile ya ulopozi
Muhe wa Mulungu kahamwe na niye,
kwaviya Mndewa Mulungu kanituma niwagong’ondele mbuli inogile wanhu woinyendanyenda.
Kwaviya kanituma niwahonye wanhu wabeneke moyo,
niwagong’ondele kuilegeha wanhu waja watekigwe,
na wafungwa wafunguliligwe.
Kanituma kugong’onda mwaka wa ulopozi wa Mndewa Mulungu,
na siku ya kuwalihiliza wehi wa Mulungu wetu.
Kanituma niwagume moyo wanhu wose wolila,
niweng’he vilondeka waja wolila umo Yelusalemu,
muladi kuweng’ha kombelo da maluwa badala ya maivu,
kuweng’ha mavuta ya kudeng’helela badala ya kulila,
kuweng’ha walo da nhogolwa badala ya kufa moyo.
Kwaviya watenda mbuli zinogile, wezatangigwa mibiki ya miyaloni,
iyahandile Mndewa Mulungu kulagusa ukulu wake.
Deng’ho da kweli
"Wamweda waja ngayengaye wa muhe,
kwaviya Ufalume wa kuulanga ni wawo!
Wamweda waja weli na usungu,
kwaviya wezanyamazigwa.
Wamweda waja weli wahole,
kwaviya Mulungu kezawatenda wawe wahazi wa isi.
Usungu wougaligwa na Mulungu womtenda munhu yaleke uhasanyi. Na kuleka uhasanyi, komtenda munhu yakomboligwe. Kukomboligwa hakugala lugano. Mbali usungu wougaligwa na isi wogala ifa. Basi, loleni usungu uja wougaligwa na Mulungu! Umtendani muiyohe ng’hani, wene kuigombela, kwihiligwa kwa chinhu chihile, wene kudumba, wene hamu ng’hulu, wene kuilava na wene kulonda kutagusa wihi. Mulagusa kwa chila nzila kuwa mwabule wihi muna imbuli ino.
Mbali kanilongela, unovu wangu wokufaya, kwaviya udaho wangu wofikizigwa ng’hani muna unyondenyonde. Nodeng’helela kuigodela unyondenyonde wangu muladi udaho wa Chilisito ukale uchanyha yangu.