Coração quebrantado
Deus está perto dos que têm o coração quebrantado. A Bíblia consola os aflitos: o sacrifício que Deus aceita é o espírito quebrantado e um coração contrito — jamais desprezará.
Abọọñ akpere mbon ake esịd abʌññọke
anyʌñ anyaaña mbon ake sịbidịd ammọ anuahake.
Uwa mmi, O Abasi, ado sịbidịd mbʌññọesịd;
mbʌññọesịd ye esịd mfʌhọ
afo, O Abasi, uduusịnne.
Anye akọk mbon mbʌññọesịd
anyʌñ abọp unan ammọ.
Abʌkidem ye esịd mmi ekeme iñyaañ
ado Abasi ado adudu anọ esịd mmi
ye udeeme mmi ke nsi-nsi.
Sia se Andikoñ ye Andidaubọọñ atañ ado ami;
anye a-aduuho uwem ke nsi-nsi, a-anyịñ amọ adooho adisana:
"Ami ndʌñ ke ñkoñ-ñkoñ adisana itie,
ñnyʌñ ndʌñ ye awo e-esịd amọ abʌññọke anyʌñ anie mmem-mmem sịbidịd,
adidemme sịbidịd mbon e-ebaaha ke usuuhọ itie
ñnyʌñ ndemme esịd a-abʌññọke.
Idooho ubọk mmi akenañña afịd mme ñkpọ ami,
ndin ammọ edibañña?"
Abọọñ atañ anwa-anwa.
"Mbon se ami nse ke anyen mfọn edo ami:
mbon se isuuhọ idem inyʌñ inie mbʌññọesịd ke sịbidịd,
ye mbon se ikọ mmi anyeñ amọ idem.
Sịbidịd Abọọñ Andikara andoro miin ke idem,
sia Abọọñ añyet miin adan
yak nsuan eti mbʌk nnọ mbon uweene.
Anye andọñ miin ate mben ndọñesịd nsọk mbon mbʌññọesịd,
ate nsuan etob ñkpọkñyak nnọ mme ifʌn ekọñ,
ñnyʌñ ñkwọrọ ñkpọkñyak nnọ mbon ñkpakọb e-ebaaha ke ekịm,
ñkwọrọ isua mfọnido Abọọñ
ye usen usiene Abasi ñnyịn,
ñnyʌñ ndọñ afịd mbon mfʌhọ esịd,
adise ñkpọ mbaña mbon e-ebaha ke mfʌhọ ke Saiyọn,
nnọ ammọ anyanya uyai
ke itie ntọñ,
adan idaara
ke itie mfʌhọ,
ye afọñ itooro
ke itie sịbidịd unana idodanyen.
Ediikoot ammọ afriyo adinenido,
ñkpọ A-Abọọñ atọhọ
adiyaara mmọnyọ amọ.
"Afọfọn anọ mbon e-eweeneke ke sịbidịd,
sia abioubọọñ hefịn anie ammọ.
Afọfọn anọ mbon e-efʌhọke,
sia eyaedọñ ammọ esịd.
Afọfọn anọ mbon e-enieghe ifuuro-ifuuro ido,
sia ammọ eyaedat ederimbod enie.
Sia mfʌhọ a-atooho Abasi ananam awo akappa esịd ndin adat adinyaaña anọ awo, inyʌññọ isaña ye utua ñkpọfiọk, ado mfʌhọ ederimbod adat ñkpa adi. Ndufo ese se mfʌhọ a-atooho Abasi adat adi ke idem ndufo: Ke adisịn ifịk ke utom Abasi, ke adibeeñe idem adikañ idem ndufo, ke iyadesịd, ke adikop ndịk, ke adinie udọñ, ke adikere se ikpido mfịna, ke adikịt ke e-enam unen. Ke afịd usʌñ ndufo emewọt idem nte mbon e-esanake ke ñkpọ ami.
Ado anye amaandọkkọ miin ate, "Mfọn mmi ukem fiin udeeme, sia enam adudu mmi afọn ama ke mmemidem." Ke ntoro, ami ñyaaduaak inua ke idadesịd ñkan naña ñkenanam mbaña mmemidem mmi, nọ ato do adudu Krais andodo miin ke idem.