Coração quebrantado
Deus está perto dos que têm o coração quebrantado. A Bíblia consola os aflitos: o sacrifício que Deus aceita é o espírito quebrantado e um coração contrito — jamais desprezará.
ज़हा मणछो हैअ चुटअ बिधाता हआ तिन्नां नेल़,
ज़हा किछ़ै आशा निं रही, तिन्नां बच़ाऊआ बिधाता आप्पै।
हे परमेशर, तूह हआ तेता लै खुश कि दिला का गलती मनी पछ़ताअ करे,
अह ई आसा सह बल़ीदान ज़ेता तूह मना अर ज़ेता करै तूह राज्ज़ी हआ।
बिधाता करा दुखी दिला आल़ै नरोगै,
सह करा तिन्नें देहीए ज़खमा दी मल्हम लाई नरोगै।
मेरअ दिल अर मन्न आसा हारी गअ द,
पर तूह बिधाता आसा मेरअ बल
मुंह आसा सदा तेरी ई ज़रुरत।
"सोभी का बडअ आसा हुंह ई अर हुंह आसा पबित्र परमेशर ज़ुंण अटल़ आसा। हुंह रहा सोभी का उछ़टै दी अर पबित्र ज़ैगा, पर हुंह रहा तिन्नां मांझ़ै बी ज़ुंण दिले भोल़ै अर मेरै आसरै आसा ताकि हुंह तिन्नां लै हैअ अर हिम्मत दैई सकूं।
सारअ भ्रमंड आसा मंऐं बिधाता आपणैं हाथै बणाअं द! ईंयां सोभै च़िज़ा आसा मेरी ई! हुंह हआ तिन्नां मणछा का खुश ज़ुंण घमंड निं करदै, ज़ुंण बूरी गल्ले माल़ी च़ेता अर ज़ुंण मेरी डरा हेठै रही ज़िहअ हुंह बोला तिहअ ई करा।
मालक बिधाता पाई मुंह दी आपणीं आत्मां।
तेऊ छ़ांटअ हुंह संघा छ़ाडअ हुंह
रैनै-गरीबा लै खुशीए समादा खोज़दअ,
दुखी दिले मणछा नरोगै करदअ अर
कैद किऐ दै मणछा अर गलाम हुऐ दै मणछा लै
आज़ाद हणें खुशीए खबर खोज़दअ।
तेऊ छ़ाडअ हुंह सोभी का इहअ खोज़दअ कि
इहअ बगत गअ पुजी ज़ेभै बिधाता आपणीं परज़ा बच़ाऊंणी
अर आपणैं दुशमणा का बदल़अ लणअ।
तेऊ छ़ाडअ हुंह तिन्नां सोभी लै शांती दैंदअ ज़हा शोग आसा पल़अ द,
अर तिन्नां लै दुखे बदल़ै खुशी अर नंद दैंदअ अर
दुखे लामणे ज़ैगा ज़ै-ज़ैकार करने गिहा बोल्दअ ज़ुंण
सियोन नगरी शोग करदै आसा लागै दै।
तिंयां आसा इहै बडै-बडै बूटा ज़िहै ज़ुंण
बिधाता आपणैं हाथै आसा रोहै दै।
तिन्नां करनीं सोभ गल्ला भली ई अर
ज़ुंण बिधाता किअ, तेता लै हणीं तेऊए सर्राफी।
"परमेशर दैआ तिन्नां लै बर्गत, ज़ुंण परमेशरे आसरै रहा,
स्वर्गो राज़ आसा तिन्नां लै।
परमेशर दैआ तिन्नां लै बर्गत ज़हा एभै शोग आसा पल़अ द,
तिन्नां लै भेटणीं शांती।
परमेशर दैआ तिन्नां लै बर्गत ज़ुंण शरेरै निं फिरदै,
तिंयां हणैं ऐहा पृथूईए मालक।
मणछा लागा ज़िहअ परमेशर च़ाहा तिहअ शोग करनअ। तेता करै हटा तिंयां कामां करनै का पिछ़ू। तेखअ बच़ाऊआ तिन्नां परमेशर तिन्नें पापा का। तिन्नां निं तेखअ तेतो पछ़ताअ हंदअ! पर ज़ेभै मणछ संसारे साबै शोग करा, तेता करै निं तिन्नां किछ़ै फाईदअ हंदअ। तिंयां निं तेखअ पापो प्राश्त करी परमेशरा सेटा बापस फिरदै, तिन्नें हआ मौत ई।
तम्हैं किअ तिहअ ई शोग ज़िहअ परमेशर च़ाहा त, ऐबै भाल़ा तेतो किहअ भलअ फल भेटअ! एता करै लागै तम्हैं खास्सै भलै कामां करदै। तम्हैं च़ाहा लोगा का इहअ रहैऊंणअ कि तम्हैं करा भलअ। तम्हां फिरा पाप करनै का रोश्श।
पर तेऊ बोलअ हर बगत इहअ, "ताल्है आसा मेरअ जश ई बतेर्हअ। किल्हैकि मेरी शगती करा कमज़ोरी दी खास्सअ काम।" तैही करनअ मुंह आपणीं कमज़ोरी प्रैंदै बडै नंदा दी घमंड कि ईशू मसीहे शगती लोल़ी मुंह प्रैंदै बणी रही।