18 Confitebor tibi in ecclesia magna ; in populo gravi laudabo te.

3 Qui posuit fines tuos pacem,

et adipe frumenti satiat te.

15 Quia hæc dicit Excelsus,

et Sublimis, habitans æternitatem, et sanctum nomen ejus :

in excelso et in sancto habitans,

et cum contrito et humili spiritu :

ut vivificet spiritum humilium,

et vivificet cor contritorum.

2 Omnia hæc manus mea fecit,

et facta sunt universa ista,

dicit Dominus ;

ad quem autem respiciam, nisi ad pauperculum,

et contritum spiritu, et trementem sermones meos ?

1 Spiritus Domini super me,

eo quod unxerit Dominus me ;

ad annuntiandum mansuetis misit me,

ut mederer contritis corde,

et prædicarem captivis indulgentiam,

et clausis apertionem ;

2 ut prædicarem annum placabilem Domino,

et diem ultionis Deo nostro ;

ut consolarer omnes lugentes,

3 ut ponerem lugentibus Sion,

et darem eis coronam pro cinere,

oleum gaudii pro luctu,

pallium laudis pro spiritu mœroris ;

et vocabuntur in ea fortes justitiæ,

plantatio Domini ad glorificandum.

3 Beati pauperes spiritu : quoniam ipsorum est regnum cælorum. 4 Beati mites : quoniam ipsi possidebunt terram. 5 Beati qui lugent : quoniam ipsi consolabuntur.

10 Quæ enim secundum Deum tristitia est, pœnitentiam in salutem stabilem operatur : sæculi autem tristitia mortem operatur. 11 Ecce enim hoc ipsum, secundum Deum contristari vos, quantam in vobis operatur sollicitudinem : sed defensionem, sed indignationem, sed timorem, sed desiderium, sed æmulationem, sed vindictam : in omnibus exhibuistis vos incontaminatos esse negotio.

9 et dixit mihi : Sufficit tibi gratia mea : nam virtus in infirmitate perficitur. Libenter igitur gloriabor in infirmitatibus meis, ut inhabitet in me virtus Christi.